ಜ್ಞಾನತ್‌ರ ಪಡಿಮ 30:11 - ಕೊಡವ ಬೈಬಲ್

¹¹ ಅಪ್ಪಂಗ್‌ ಶಾಪ ಇಟ್ಟಿತ್, ಅವ್ವಂಗ್‌ ಆಶೀರ್ವಾದ ಮಾಡತೆ ಉಳ್ಳ ಜನವು ಉಂಡ್.

ಜ್ಞಾನತ್‌ರ ಪಡಿಮ 30:11 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 20:20

ತಾಂಡ ಅಪ್ಪನ ಆಡ್‌ ಅವ್ವೊನ ಆಡ್‌ ಶಾಪ ಮಾಡುವಂವೊಂಡ ಬೊಳ್‌ಚ ಇರ್‌ಟ್‌ಲ್‌ ಆರಿಪೋಪ.

ಜ್ಞಾನತ್‌ರ ಪಡಿಮ 23:22

ನೀಕ್‌ ಜೀವ ತಂದ ನೀಡ ಅಪ್ಪಂಗ್‌ ಕೆಮಿಕೊಡ್. ನೀಡ ಅವ್ವಂಗ್‌ ವಯಸ್ಸಾಪಕ ಅವಳ ತ್‌ಕ್ಕಾರ ಮಾಡಂಡ.

ಜ್ಞಾನತ್‌ರ ಪಡಿಮ 30:17

ತಾಂಡ ಅಪ್ಪನ ಪರಿಹಾಸ ಮಾಡಿತ್, ಅವ್ವಂಡ ಆಜ್ಞೆನ ಕಡೆಗಟ್ಟ್‌ವಂವೊಂಡ ಕಣ್ಣ್‌ನ ಪೊಳೆರೆಪಕ್ಕ ಉಳ್ಳ ಕಾಕೆಯ ಬಲಿಪ, ಅಡ್‌ಪದ್ದ್‌ರ ಮರಿಯ ತಿಂಬ.

ಮಲಾಕಿ 1:6

ಒರ್‌ ಮೋಂವೊ ತಾಂಡ ಅಪ್ಪನ ಪಿಂಞ ಒರ್‌ ಆಳ್‌ ತಾಂಡ ಎಜಮಾನನ ಗನ ಪಡುತುವಲ್ಲಾ; ನಾನ್‌ ಅಪ್ಪನಾಚೇಂಗಿ ನಾಕ್‍ ಕೊಡ್‌ಪಕುಳ್ಳ ಮರ್ಯಾದೆ ಎಲ್ಲಿ? ನಾನ್‌ ಎಜಮಾನನಾಚೇಂಗಿ ನಾಕ್‍ ಬೊತ್ತುವಕುಳ್ಳ ಪೋಡಿ ಎಲ್ಲೀಂದ್‌ ಸೈನ್ಯತ್‌ರ ಒಡೆಯನಾನ ಯೆಹೋವ, ತಾಂಡ ಪೆದತ್‌ನ ಅಲ್ಲಗೆಳಯುವ ಯಾಜಕಂಗಳಾನ ನಿಂಗಳ ಕೇಟಂಡುಂಡ್. ಅದಂಗ್‌ ಅಯಿಂಗ: ನೀಡ ಪೆದತ್‌ರ ಏದ್‌ ವಿಷಯತ್‌ಲ್‌ ಅಲ್ಲಗೆಳಿಚ್ಚತ್‌ಂದ್‌ ಕ್‌ಟ್ಟತ್.

ಮತ್ತಾಯ 3:7

ದುಂಬ ಫರಿಸಾಯಂಗ ಪಿಂಞ ಸದ್ದುಕಾಯಂಗ, ಯೋಹಾನಂಡ ಪಕ್ಕ ದೀಕ್ಷಾಸ್ನಾನ ಎಡ್‌ಪಕಾಯಿತ್ ಬಂದಂಡುಳ್ಳದ್‌ನ ಕಂಡಿತ್: ಕ್ಯಾರೆಬಳೆ ಮುರಿಪಾಂಬ್ ಜಾತಿಯಳೇ! ದೇವಡ ಚೆಡಿಯಿಂಜ ಬಚಾವಾಪಕ್ ಕಯ್ಯೂಂದ್ ನಿಂಗಕ್ ದಾರ್ ಎಣ್ಣಿ ಕೊಡ್‍ತತ್?

1 ತಿಮೊಥೆಯ 5:4

ಆಚೇಂಗಿ ಅವಕ್ ಮಕ್ಕ, ಕ್‍ರ್‍ಮಕ್ಕ ಉಂಡೇಂಗಿ, ಅಯಿಂಗ ಆದ್ಯವಾಯಿತ್ ತಾಂಡ ಸ್ವಂತ ಕುಟುಂಬತ್‍ನ ದೇವಡ ಬಕ್ತಿಲ್ ನೋಟಂಡು. ಅನ್ನನೆ ಮಾಡ್‍ಚೇಂಗಿ, ಪೆತ್ತಯಿಂಗ ಮಾಡ್‍ನ ಎಲ್ಲಾ ನಲ್ಲ ಕಾರ್ಯಕ್ ಬದ್‍ಲಾಯಿತ್ ಅಯಿಂಗಳ ಚಾಯಿತೆ ನೋಟ್‍ವಕ್, ಅಯಿಂಗ ಪಡಿಪ. ಇದ್ ದೇವನ ಕುಶಿಪಡ್‌ತ್‌ವ.

1 ತಿಮೊಥೆಯ 5:8

ಆಚೇಂಗಿ ಒಬ್ಬ ತಾಂಡ ಬೆಂದ್‍ಕಕ್, ಮುಕ್ಯವಾಯಿತ್ ಅಂವೊಂಡ ಸ್ವಂತ ಕುಟುಂಬಕ್ ಸಹಾಯ ಮಾಡತೆ ಪೋಚೇಂಗಿ, ಅಂವೊ ದೇವಡ ನಂಬಿಕೇಕ್ ಮೋಸ ಮಾಡ್‍ನನೆಕೆ ಪಿಂಞ ದೇವಡ ನಂಬಿಕೇಲ್ ಇಲ್ಲತಯಿಂಗಕಿಂಜ ಕ್‍ೕಳಾನಂವೊ.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.