ಜ್ಞಾನತ್‌ರ ಪಡಿಮ 3:7 - ಕೊಡವ ಬೈಬಲ್

⁷ ನೀನೇ ಜ್ಞಾನಿ ಎಣ್ಣಿಯಂಡ್‌ ಗೇನ ಮಾಡತೆ, ಯೆಹೋವಂಗ್‌ ಬೊತ್ತಿಯಂಡ್‌ ಪಾಳ್‌ ಬಟ್ಟೆಯಿಂಜ ದೂರ ಇರ್.

ಜ್ಞಾನತ್‌ರ ಪಡಿಮ 3:7 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:16

ಜ್ಞಾನಿಯಾನಂವೊ ಪೋಡಿಚಿಟ್ಟಂಡ್‌ ಕ್‍ೕಡ್‌ಂಜ ದೂರ ಇಪ್ಪ. ಆಚೇಂಗಿ ದಡ್ಡ ಎಚ್ಚರಿಕೆ ಇಲ್ಲತೆ ದುಡುಕಿತ್‌ ಕಾರ್ಯ ಮಾಡುವ.

ಜ್ಞಾನತ್‌ರ ಪಡಿಮ 14:27

ಯೆಹೋವಂಗ್‌ ಬೊತ್ತ್‌ವದ್‌ ಜೀವತ್‌ರ ಬುಗ್ಗೆರನೆಕೆ. ಅದ್‌ ಚಾವ್‌ರ ಬಲೆಯಿಂಜ ಕಾಪ.

ಜ್ಞಾನತ್‌ರ ಪಡಿಮ 16:6

ಕೃಪೆಯಿಂಜಲು ಸತ್ಯತ್‌ಂಜಲು, ಪಾಪಕ್‌ ಮನ್ನಿಪ್ ಕ್‌ಟ್ಟು. ಯೆಹೋವಂಗ್‌ ಬೊತ್ತಿತ್‌ ನಡ್‌ಂದತೇಂಗಿ ಜನ ಕ್‍ೕಡ್‌ಂಜ ತಪ್ಪುವ.

ಜ್ಞಾನತ್‌ರ ಪಡಿಮ 23:4

ಐಶ್ವರ್ಯವಂತನಾಂಡೂಂದ್‌ ನಯಿಚಿತ್‌ ಪ್ರಯತ್‌ನ ಪಡತೆ; ನೀಡ ಸ್ವಂತ ಬುದ್ದಿರ ಮೇಲೆ ನಂಬಿಕೆ ಇಡತೆ.

ಜ್ಞಾನತ್‌ರ ಪಡಿಮ 26:12

ತನ್ನ ತಾನೆ ಜ್ಞಾನೀಂದ್‌ ಗೇನ ಮಾಡ್‌ವಂವೊನ ನೋಟ್, ಅನ್ನನೆ ಉಳ್ಳ ಮನುಷ್ಯಕಿಂಜಿ ಮೂಡಂಡ ಮೇಲೆ ನಿರೀಕ್ಷೆ ಬೆಕ್ಕಲು.

ಜ್ಞಾನತ್‌ರ ಪಡಿಮ 26:5

ದಡ್ಡಂಗ್‌ ಅಂವೊಂಡ ದಡ್ಡತನಕ್‌ ಸೆರಿಯಾಯಿತ್‌ ಉತ್ತರ ಕೊಡ್. ಉತ್ತರ ಕೊಡ್‌ಕತೆ ಪೋಚೇಂಗಿ ತನ್ನ ತಾನೇ ಜ್ಞಾನವುಳ್ಳಂವೊಂದ್‌ ಗೇನ ಮಾಡುವ.

ಜ್ಞಾನತ್‌ರ ಪಡಿಮ 28:11

ಐಶ್ವರ್ಯವಂತ, ತಾಂಡ ದೃಷ್ಟಿಲ್‌ ತಾನೇ ಬುದ್ದಿವಂತಂವೋಂದ್‌ ಗೇನ ಮಾಡುವ. ಆಚೇಂಗಿ ಬುದ್ದಿ ಉಳ್ಳ ಗರೀಬ ಅಂವೊನ ಪರೀಕ್ಷೆ ಮಾಡುವ.

ಜ್ಞಾನತ್‌ರ ಪಡಿಮ 28:26

ತಾಂಡ ಹೃದಯತ್‌ನ ನಂಬುವಂವೊ ಮೂಡ. ಆಚೇಂಗಿ ಜ್ಞಾನತ್‌ರ ಬಟ್ಟೆಲ್‌ ನಡ್‌ಪಂಪವೊ ಸೌಕ್ಯತ್‌ ಇಪ್ಪ.

ಜ್ಞಾನತ್‌ರ ಪಡಿಮ 8:13

ಯೆಹೋವಂಗ್‌ ಪೋಡಿಚಿಡುವಯಿಂಗ ಪಾಪತ್‌ನ ದ್ವೇಷ ಮಾಡುವ. ನಾನ್‌ ಹಮ್ಮ್‌ನ, ಗರ್ವತ್‌ನ, ಕ್‍ೕಡಾನ ಬಟ್ಟೆನ, ಕಪಟ ತಕ್ಕ್‌ನ ದ್ವೇಷ ಮಾಡುವಿ.

ರೋಮ್ 11:25

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನಮಾಡತನೆಕೆ, ನಾನ್ ನಿಂಗಕ್ ಒರ್ ಗುಟ್ಟ್‌ನ ಎಣ್ಣಿ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತಯಿಂಗಡ ರಕ್ಷಣೆರ ಲೆಕ್ಕ ಪೂರ್ತಿ ಆಪಕತ್ತನೆ, ಇಸ್ರಾಯೇಲ್‍ರ ಒರ್ ಗುಂಪ್ ಕಠಿಣ ಮನಸ್ಸಾಯಿತೇ ಇಪ್ಪ.

ರೋಮ್ 12:16

ಎಲ್ಲಾಡ ಕೂಡೆ ಒರೇ ಮನಸ್ಸುಳ್ಳಯಿಂಗಳಾಯಿತಿರಿ; ಜಂಬ ಮಾಡತೆ, ಕಮ್ಮಿಯಾಯಿತ್ ಉಳ್ಳಯಿಂಗಡ ಕೂಟ್‍ಕ್ ಕೂಡಿ. ನಿಂಗಳ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನ ಮಾಡತಿ.