ಜ್ಞಾನತ್‌ರ ಪಡಿಮ 3:3 - ಕೊಡವ ಬೈಬಲ್

³ ಕೃಪೆಯು ಸತ್ಯವು ನಿನ್ನ ಬುಟ್ಟಿತ್‌ ಪೋಕತನೆಕೆ ಬೆಚ್ಚ; ಅದ್‌ನ ನೀನ್‌ ನೀಡ ಬೋಳೆಕ್‌ ಕೆಟ್ಟಿಯಂಡ್, ನೀಡ ಹೃದಯತ್‌ಲ್‌ ಒಳ್‌ದಿ ಬೆಚ್ಚ.

ಜ್ಞಾನತ್‌ರ ಪಡಿಮ 3:3 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:9

ಅದ್‌ ನೀಡ ಮಂಡೆಕ್‌ ಅಲಂಗಾರವಾನ ಕಿರೀಟವಾಯಿತು, ಬೋಳೆಕ್‌ ಪದಕನೆಕೆಯ ಇಪ್ಪ.

ಜ್ಞಾನತ್‌ರ ಪಡಿಮ 14:22

ಕ್‍ೕಡ್‌ನ ಯೋಚನೆ ಮಾಡ್‌ವಂವೊ ಬಟ್ಟೆ ತಪ್ಪಿ ಪೋಪಲ್ಲಾ? ಆಚೇಂಗಿ ನಲ್ಲದ್‌ ಮಾಡಂಡೂಂದ್‌ ಗೇನ ಮಾಡ್‌ವೊಂವೊಂಗ್‌ ಕೃಪೆಯು ಸತ್ಯವು ಉಂಡ್.

ಜ್ಞಾನತ್‌ರ ಪಡಿಮ 16:6

ಕೃಪೆಯಿಂಜಲು ಸತ್ಯತ್‌ಂಜಲು, ಪಾಪಕ್‌ ಮನ್ನಿಪ್ ಕ್‌ಟ್ಟು. ಯೆಹೋವಂಗ್‌ ಬೊತ್ತಿತ್‌ ನಡ್‌ಂದತೇಂಗಿ ಜನ ಕ್‍ೕಡ್‌ಂಜ ತಪ್ಪುವ.

ಜ್ಞಾನತ್‌ರ ಪಡಿಮ 20:28

ಪ್ರೀತಿಯು ಸತ್ಯವು ರಾಜನ ಕಾಪ. ಕರುಣೆರಗುಂಡ್‌ ಅಂವೊಂಡ ಸಿಂಹಾಸನ ನಿಪ್ಪ.

ಜ್ಞಾನತ್‌ರ ಪಡಿಮ 6:21

ಅದ್‌ನೆಲ್ಲಾ ಎಕ್ಕಾಲು ನೀಡ ಹೃದಯತ್‌ ಬೆಚ್ಚಂಡ್, ನೀಡ ಬೋಳೆರ ಸುತ್ತ್‌ ಕಟ್ಟಿಯ.

ಜ್ಞಾನತ್‌ರ ಪಡಿಮ 7:3

ಅದ್‌ನೆಲ್ಲಾ ನೀಡ ಬೆರಕ್‌ ಕಟ್ಟಿಯಂಡ್, ನೀಡ ಹೃದಯತ್‌ರ ಓಳ್‌ತ ಕಲ್ಲ್‌ಲ್ ಒಳ್‌ದಿ ಬೆಚ್ಚ.

ಮಲಾಕಿ 2:6

ಅಯಿಂಗಡ ಬಾಯಿಲ್‌ ನೇರಾನ ಬೋದನೆ ಇಂಜತ್. ಅಯಿಂಗಡ ಕಿರಿಲ್‌ ಒರ್‌ ತಪ್ಪ್‌ನ ಸತ ಕಂಡಿತ್‌ಲ್ಲೆ. ಅಯಿಂಗ ನಾಡ ಕೂಡೆ ಸಮಾದಾನತ್‌ಲ್‌ ಪಿಂಞ ನೀತಿಲ್‌ ನಡ್‌ಂದಿತ್, ಬೋರೆ ದುಂಬ ಜನಳ ಪಾಪತ್‌ರ ಕಾರ್ಯ ಮಾಡುವದಿಂಜ ತಿರುಕಿತ್.

ಮತ್ತಾಯ 23:23

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ, ನಿಂಗಕ್ ಅಯ್ಯೋ, ನಿಂಗ ಪುದಿನ ತೊಪ್ಪು, ತೊಳ್‌ಸಿ ಪಿಂಞ ಜೀರಿಗೆನ ಪತ್ತ್‌ಲ್ ಒರ್ ಪಾಲ್ ಕೊಡ್‍ಪಿರ, ಆಚೇಂಗಿ ದರ್ಮಶಾಸ್ತ್ರ ಪುಸ್ತಕತ್‍ಲ್ ದುಂಬ ಮುಕ್ಯವಾನ ನೀತಿನ, ಕನಿಕರತ್‍ನ, ನಂಬಿಕೇನ ಬುಟ್ಟಿತುಳ್ಳಿರ. ಇದ್‍ನೆಲ್ಲಾ ನಿಂಗ ಮಾಡಂಡು, ಅದ್‍ನೂ ಬುಡ್‌ವಕ್ಕಾಗ.

2 ಕೊರಿಂಥ 3:3

ಎನ್ನಂಗೆಣ್ಣ್‌ಚೇಂಗಿ ನಿಂಗ, ನಂಗ ಮಾಡ್‍ನ ಸೇವೇರ ಫಲವಾಯಿತ್ ಕ್‍ಟ್ಟ್‌ನ ಕ್ರಿಸ್ತಂಡ ಕಾಗದವಾಯಿತುಳ್ಳಿರಾಂದ್ ಎಲ್ಲಾರು ಕಾಂಬನೆಕೆ ಆಚಿ; ಅದ್ ಮಸಿಯಿಂಜ ಅಲ್ಲ ಆಚೇಂಗಿ ಜೀವವಾಯಿತ್ತುಳ್ಳ ದೇವಡ ಆತ್ಮತ್‍ರಗುಂಡ್ ಪಿಂಞ ಕಲ್ಲ್‌ರ ಅಟ್ಟತ್‍ಲ್ ಅಲ್ಲ, ಆಚೇಂಗಿ, ಮನುಷ್ಯಂಡ ಹೃದಯವಾನ ಅಟ್ಟತ್‍ಲ್ ಒಳ್‍ದಿ ಬೆಚ್ಚಿತುಂಡ್.

ಎಫೆಸ 5:9

ಬೊಳಿರ ಫಲ, ಎಲ್ಲಾ ನಲ್ಲ ಗುಣತ್‍ಲ್, ನೀತಿಲ್ ಪಿಂಞ ಸತ್ಯತ್‍ಲ್ ಇಪ್ಪ.

ಇಬ್ರಿಯ 10:16

ಈ ಕಾಲ ಆನ ಪಿಂಞ ನಾನ್ ಅಯಿಂಗಡ ಕೂಡೆ ಮಾಡ್‌ವ ಒಪ್ಪಂದ ಎಂತ ಎಣ್ಣ್‌ಚೇಂಗಿ: ನಾನ್ ನಾಡ ನ್ಯಾಯಪ್ರಮಾಣತ್‍ನ ಅಯಿಂಗಡ ಹೃದಯತ್‍ಲ್ ಬೆಚ್ಚಿತ್, ಅಯಿಂಗಡ ಮನಸ್ಸ್‌ಲ್ ಅದ್‍ನ ಒಳ್‍ದ್‌ವೀಂದ್ ಒಡೆಯ ಎಣ್ಣಿಯಂಡುಂಡ್‍ೕಂದ್ ಉಳ್ಳದೇ ಆ ಒಪ್ಪಂದ.