ಜ್ಞಾನತ್‌ರ ಪಡಿಮ 3:27 - ಕೊಡವ ಬೈಬಲ್

²⁷ ನಲ್ಲದ್‌ ಮಾಡ್‌ವಕ್‌ ನೀಕ್‌ ಶಕ್ತಿ ಉಂಡೇಂಗಿ, ಅದ್‌ನ ಬೋಂಡಿಯಾನಯಿಂಗಕ್‌ ಮಾಡತೆ ಇರತೆ.

ಜ್ಞಾನತ್‌ರ ಪಡಿಮ 3:27 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 31:29

ನಿಂಗಕ್‌ ಕ್‍ೕಡ್‌ ಮಾಡ್‌ವಕ್‌ ನಾಕ್‍ ಶಕ್ತಿ ಉಂಡ್; ಆಚೇಂಗಿ, ನೀಡ ಅಪ್ಪಂಡ ದೇವ ನಾಡ ಸ್ವಪ್ನತ್‌ಲ್‌ ಬಂದಿತ್: ನೀನ್‌ ಯಾಕೋಬಂಡ ಕೂಡೆ ನಲ್ಲದ್‌ನ ಮಾತ್‌ರ ತಕ್ಕ್‌ ಪರಿ, ಕ್‍ೕಡ್‌ ಒಂದು ಎಣ್ಣತನೆಕೆ ಎಚ್ಚರ ಎಡ್‌ತಾಂದ್‌ ಎಣ್ಣ್‌ಚಿ.

ರೋಮ್ 13:7

ಆನಗುಂಡ್, ನಿಂಗ ಎಲ್ಲಾರ್‌ಕು ಎಂತ ಕರ್ತವ್ಯತ್‍ನ ಮಾಡಂಡುವೋ ಅದ್‍ನ ಮಾಡಿ. ದಾರ್‌ಕ್ ಕಂದಾಯತ್‍ನ ಕೊಡ್‍ಕಂಡುವೊ ಅಯಿಂಗಕ್ ಕಂದಾಯತ್‍ನ ಕೊಡಿ, ದಾರ್‌ಕ್ ಸುಂಕ ಕೊಡ್‍ಕಂಡುವೊ ಅಯಿಂಗಕ್ ಸುಂಕತ್‌ನ ಕೊಡಿ; ದಾರ್‌ಕ್ ಬೊತ್ತಿತ್ ನಡ್‍ಕಂಡುವೊ ಅಯಿಂಗಕ್ ಬೊತ್ತಿತ್ ನಡ್‌ಕಂಡು, ದಾರ್‌ಕ್ ಮರ್ಯಾದೆ ಕೊಡ್‍ಕಂಡುವೊ ಅಯಿಂಗಕೆಲ್ಲ ಮರ್ಯಾದೆ ಕೊಡಿ.

ಗಲಾತ್ಯ 6:10

ಅನ್ನನೆ ನಂಗಕ್ ಅವಕಾಶ ಕ್‍ಟ್ಟ್‌ನನೆಕೆ, ಎಕ್ಕಾಲು ನಲ್ಲದ್ ಮಾಡಂಡು. ಮುಕ್ಯವಾಯಿತ್ ಕ್ರಿಸ್ತನ ನಂಬ್‍ನ ದೇವಡ ಕುಟುಂಬಕ್ ಕೂಡ್‍ನಯಿಂಗಕ್ ಸಹಾಯ ಮಾಡಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಯಾಕೋಬ 5:4

ನಿಂಗಡ ಬೇಲ್‌ಲ್ ಕೆಲಸ ಮಾಡ್‍ನ ಆಳುವಡ ಸಂಬಳತ್‌ನ ಅನ್ಯಾಯವಾಯಿತ್ ನಿಂಗಳೇ ಬೆಚ್ಚಿತುಳ್ಳಗುಂಡ್ ಆ ಪಣ ನಿಂಗಕ್ ವಿರೋದವಾಯಿತ್ ಜೋರಾಯಿತ್ ಮೊರಟಂಡುಂಡ್; ಕೆಲಸ ಮಾಡ್‍ನಯಿಂಗಡ ಮೊರೆ ಪರಲೋಕತ್‍ರ ಸೇನೆಯಡ ಒಡೆಯಂಡ ಕೆಮಿಕ್ ಕ್‍ೕಟ್‍ಚಿ.