ಜ್ಞಾನತ್‌ರ ಪಡಿಮ 3:18 - ಕೊಡವ ಬೈಬಲ್

¹⁸ ಜ್ಞಾನತ್‌ನ ನಂಬ್‌ನಯಿಂಗಕ್‌ ಜ್ಞಾನ ಜೀವತಪ್ಪ ಮರವಾಯಿತ್‌ಪ್ಪ. ಅದ್‌ನ ಗಟ್ಟಿಯಾಯಿತ್‌ ಪುಡ್‌ಚಯಿಂಗ ಆಶೀರ್ವಾದ ಪಡ್‌ಂದಯಿಂಗಳಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 3:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 2:9

ಅಲ್ಲಿ ಯೆಹೋವನಾನ ದೇವ ಎಲ್ಲಾ ತರತ್‌ರ ಮರಗಿಡಗಳನ ಉಂಟ್ ಮಾಡ್‌ಚಿ. ನೋಟ್‌ವಕ್‌ ಚಾಯಿ ಉಳ್ಳದ್‌ನ ಪಿಂಞ ತಿಂಬಕ್‌ ರಸ ಉಳ್ಳ ಎಲ್ಲಾ ತರತ್‌ರ ಮರತ್‌ನ ಬೂಮಿಯಿಂಜ ಮೊಳೆಕೆ ಬಪ್ಪನೆಕೆ ಮಾಡ್‌ಚಿ. ಆ ತೋಟತ್‌ರ ಮದ್ಯತ್‌ಲ್‌ ಜೀವ ತಪ್ಪ ಮರ ಪಿಂಞ ನಲ್ಲದ್‌ ಕೆಟ್ಟದ್‌ ಏದ್‌ಂದ್‌ ಅರಿವ್‌ ತಪ್ಪ ಮರತ್‌ನ ಮೊಳೆಕೆ ಬಪ್ಪನೆಕೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 3:22

ಪಿಂಞ ಯೆಹೋವನಾನ ದೇವ: ಈ ಮನುಷ್ಯ ನಲ್ಲದ್‌ ಕೆಟ್ಟದ್‌ ಏದ್‍ೕಂದ್‌ ಗೊತ್ತಾಯಿತ್‌ ನಂಗಡನೆಕೆ ಆಯಿತಲ್ಲ. ಇಂಞು ಅಂವೊ ತಾಂಡ ಕೈ ನ್‍ೕಟಿತ್, ಆ ಜೀವ ತಪ್ಪ ಮರತ್‌ರ ಪಣ್ಣ್‌ನ ಕೊಜ್ಜಿತ್‌ ತಿಂದಿತ್‌ ಕಾಲಕಾಲಕು ಬದ್‌ಕ್‌ವಕ್ಕಾಗಾಂದ್‌ ಎಣ್ಣಿತ್,

ಜ್ಞಾನತ್‌ರ ಪಡಿಮ 11:30

ನೀತಿವಂತಂವೊಂಡ ಫಲ ಜೀವ ತಪ್ಪ ಮರ. ಜನಳ ಗೆಲ್ಲುವಂಚೊ ಜ್ಞಾನ ಉಲ್ಳಂವೊ.

ಜ್ಞಾನತ್‌ರ ಪಡಿಮ 13:12

ನಿರೀಕ್ಷೆ ಮಾಡ್‌ನದ್‌ ನೆರವೇರುವಕ್‌ ದುಂಬ ತಡೆ ಆಚೇಂಗಿ ಮನಸ್ಸ್‌ ಕುಂದಿ ಪೋಪ. ಆಚೇಂಗಿ ಆಸೆಪಟ್ಟದ್‌ ಕ್‌ಟ್ಟ್‌ವಕ ಜೀವ ತಪ್ಪ ಮರತ್‌ರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 15:4

ಸೌಕ್ಯತ್‌ರ ತಕ್ಕ್‌ ಜೀವತಪ್ಪ ಮರತ್‌ರನೆಕೆ ಇಪ್ಪ. ಆಚೇಂಗಿ ಕಪಟತನತ್‌ರ ತಕ್ಕ್‌ ಮನುಷ್ಯಂಡ ಆತ್ಮತ್‌ನ ಜಜ್ಜಿರ್ವ.

ಜ್ಞಾನತ್‌ರ ಪಡಿಮ 4:13

ಬೋದನೇನ ಗಟ್ಟಿಯಾಯಿತ್‌ ಪುಡ್‌ಚ, ಅದ್‌ನ ಬುಟ್ಟಿತ್‌ ಪೋಕತೆ; ಅದ್‌ನ ಬದ್ರತ್‌ಲ್‌ ಕಾಪಾಡ್, ಅದೇ ನೀಡ ಜೀವ.

ಜ್ಞಾನತ್‌ರ ಪಡಿಮ 8:32

ಆನಗುಂಡ್‌ ಮಕ್ಕಳೇ, ನಾಡ ತಕ್ಕ್‌ನ ಕ್‍ೕಳಿ. ನಾನ್‌ ಎಣ್ಣ್‌ವಾನ ಕ್‍ೕಟಿತ್‌ ಅದ್‌ಂಗ್‌ ಬಗ್ಗಿತ್‌ ನಡ್‌ಪಯಿಂಗ ಆಶೀರ್ವಾದ ಪಡ್‌ಂದಯಿಂಗ.

ಜ್ಞಾನತ್‌ರ ಪಡಿಮ 8:34

ನಾಡ ಮನೆರ ಪಡಿರ ಪಕ್ಕ ಪಾರಕಾತಂಡ್, ನಾಡ ಪಡಿರ ಪಕ್ಕ ಎಕ್ಕಾಲು ನಿರೀಕ್ಷೆಲ್‌ ಕಾತಂಡ್, ನಾಕ್‍ ಕೆಮಿ ಕೊಡ್‌ಪಂವೊ ಆಶೀರ್ವಾದ ಪಡ್‌ಂದಂವೊ.

ಪ್ರಕಟನೆ 2:7

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಂವೊಂಗ್ ದೇವಡ ಪರದೈಸಿರ ಮದ್ಯತ್‍ಲ್ ಉಳ್ಳ ಜೀವತ್‍ರ ಪಣ್ಣ್‌ನ ತಿಂಬಕ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 22:2

ಅದ್ ಆ ಪಟ್ಟಣತ್‍ರ ಬೀದಿರ ಮದ್ಯತ್‍ಲ್ ಪೋಯಂಡಿಂಜತ್, ಆ ಪೊಳೆರ ದಂಡ್ ಬರೀಲು ಜೀವ ತಪ್ಪ ಮರ ಇಂಜತ್. ಆ ಮರತ್ಂಜ ಪನ್ನೆರಂಡ್ ತರತ್‍ರ ಪಣ್ಣ್ ಕ್‍ಟ್ಟ್‌ವ. ತಿಂಗ ತಿಂಗಕ್ ಅದ್ ಪಣ್ಣ್ ತಪ್ಪಕಿಂಜತ್; ಆ ಮರತ್‍ರ ಎಲ್‌ಕಂಡ ಜನ ವಾಸಿ ಆಪಕ್ ಪ್ರಯೋಜನವಾಯಿತ್ಂಜತ್.