ಜ್ಞಾನತ್‌ರ ಪಡಿಮ 3:16 - ಕೊಡವ ಬೈಬಲ್

¹⁶ ಜ್ಞಾನ ಅದ್‌ಂಡ ಬಲತ್‌ಕೈಯಿಲ್‌ ದೀರ್ಘಾಯಸ್ಸು (ದುಂಬ ಆಯಸ್ಸು), ಅದ್‌ಂಡ ಎಡತ್‌ಕೈಯಿಲ್‌ ಐಶ್ವರ್ಯವು ಗನವು ಉಂಡ್.

ಜ್ಞಾನತ್‌ರ ಪಡಿಮ 3:16 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 22:4

ತಗ್ಗಿತ್‌ ಪಿಂಞ ಯೆಹೋವಂಗ್‌ ಬೊತ್ತಿತ್‌ ನಡ್‌ಂದ್‌ತೇಂಗಿ ಅದ್‌ಂಡ ಫಲವಾಯಿತ್‌ ಐಶ್ವರ್ಯ, ಗೌರವ ಪಿಂಞ ಜೀವ ಕ್‌ಟ್ಟು.

ಜ್ಞಾನತ್‌ರ ಪಡಿಮ 3:2

ನೀನ್‌ ಅನ್ನನೆ ಮಾಡ್‌ಚೇಂಗಿ ನೀನ್‌ ದುಂಬ ಕಾಲ ಬದ್‌ಕ್‌ವಿಯ. ಆ ಬದ್‌ಕ್‌ ಸಮಾದಾನ ಪಿಂಞ ಐಶ್ವರ್ಯ ದುಂಬ್‌ನದಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 9:11

ಜ್ಞಾನ ಆಯಿತುಳ್ಳ ನಾಡಗೊಂಡ್‌ ನೀನ್‌ ದುಂಬ ದಿವಸ ಬದ್‌ಕ್‌ವಿಯ. ನೀನ್‌ ಬದ್‌ಕ್‌ವ ಕಾಲ ಜಾಸ್ತಿ ಆಪ.

ಮಾರ್ಕ 10:30

ಈ ಬದ್‌ಕ್‌ಲೇ, ದೇವಡ ವಿಷಯಕಾಯಿತ್ ಕಷ್ಟತ್‍ರ ಕೂಡೆ ಅಂವೊಂಗ್ ನೂರ್‌ರಚ್ಚಕ್ ಜಾಸ್ತಿ ಮನೆಮಠ, ಅಣ್ಣತಮ್ಮಣಂಗ, ಅಕ್ಕತಂಗೆಯ, ಅಪ್ಪವ್ವ, ಮಕ್ಕ, ತೋಟ ಬೇಲ್ ಎಲ್ಲಾ ಕ್‍ಟ್ಟುವ ಪಿಂಞ ಮಿಂಞತ್‍ರ ಲೋಕತ್‍ಲ್ ನಿತ್ಯ ಜೀವವು ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

2 ಕೊರಿಂಥ 6:10

ದುಃಖತ್‍ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್‌ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್‍ಚಿಟ್ಟಂಡುಂಡ್.

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.