ಜ್ಞಾನತ್‌ರ ಪಡಿಮ 29:2 - ಕೊಡವ ಬೈಬಲ್

² ನೀತಿವಂತಯಿಂಗ ಜಾಸ್ತಿ ಆಪಕ ಜನ ಕುಶೀಲ್‌ ಇಪ್ಪ. ದುಷ್ಟನಾನಂವೊ ಆಳ್‌ವಕ ಜನ ಸಂಕಟ ಪಡುವ.

ಜ್ಞಾನತ್‌ರ ಪಡಿಮ 29:2 ပူးပေါင်းရင်းမြစ်များ

ಎಸ್ತೆರ್‌ 3:15

ರಾಜಂಡ ಆಜ್ಞೆರನೆಕೆ ಆ ಕುದುರೆ ಸೇವಕಂಗ ಕಾಗದತ್‌ನ ಎಡತಂಡ್‌ ಬೆರಿಯ ಪೊರ್‌ಟ್ ಪೋಚಿ. ಈ ತೀರ್ಮಾನ ಶೂಷನ್‌ ಅರಮನೆಲ್‌ ಪ್ರಕಟ ಆಚಿ. ರಾಜನೋ ಹಾಮಾನಂಡ ಕೂಡೆ ಕುಡಿಪಕ್‌ ಅಳ್‌ತಂಡತ್. ಶೂಷನ್‌ ಪಟ್ಟಣತ್‌ ಗಲಿಬಿಲಿ ಸುರು ಆಚಿ.

ಎಸ್ತೆರ್‌ 8:15

ಅಲ್ಲಿಂಜ ಮೊರ್ದೆಕೈ ನೀಲಿ ಪಿಂಞ ಚೋಂದ ರಾಜ ಉಡ್‌ಪ್‌ನ ಇಟ್ಟಂಡ್, ಬಲ್ಯ ಪೊನ್ನ್‌ರ ಕಿರೀಟತ್‌ನ ಇಟ್ಟಂಡ್, ರೇಶ್ಮೆಯು, ನೈಸಾನ ನೂಲ್‌ಲ್‌ ಮಾಡ್‌ನ ನೀಲಿ ಅಂಗಿನ ಪೊತ್ತಂಡ್‌ ರಾಜಂಡ ಸನ್ನಿದಿಯಿಂಜ ಪೊರ್‌ಟ್ ಪೋಚಿ. ಶೂಷನ್‌ ಪಟ್ಟಣ ಕುಶೀಲ್‌ ಕಳಿಚತ್.

ಜ್ಞಾನತ್‌ರ ಪಡಿಮ 11:10

ನೀತಿವಂತಯಿಂಗ ಸುಖವಾಯಿತ್‌ ಇಂಜತೇಂಗಿ ಇಡೀ ಪಟ್ಟಣವೇ ಕೊಂಡಾಟತ್‌ಲ್‌ ಇಪ್ಪ. ಆಚೇಂಗಿ ದುಷ್ಟಂಗ ನಾಶ ಆಯಿ ಪೋಚೇಂಗಿ ಜನ ಕುಶೀಲ್‌ ಕೂತ್‌ ಕೊಡ್‌ಪ.

ಜ್ಞಾನತ್‌ರ ಪಡಿಮ 28:12

ನೀತಿವಂತಯಿಂಗ ಕುಶೀಲ್‌ ಇಪ್ಪಕ, ಬಲ್ಯ ಕೊಂಡಾಟ ಇಪ್ಪ. ಆಚೇಂಗಿ ದುಷ್ಟ ಜನ ಬಲ್ಯ ಸ್ತಾನಕ್‌ ಪೋಪಕ ಜನ ಒಳ್‌ಚೊವ.

ಜ್ಞಾನತ್‌ರ ಪಡಿಮ 28:15

ಗರೀಬ ಜನಳ, ಆಳುವ ದುಷ್ಟ ಅದಿಪತಿ, ಕೂತ್‌ಡ್‌ವ ಸಿಂಹತ್‌ರನೆಕೆಯು ಪುಡಿಚಿತ್‌ ಪಿಂಬ ಕರಡಿರನೆಕೆಯು ಇಪ್ಪ.

ಜ್ಞಾನತ್‌ರ ಪಡಿಮ 28:28

ದುಷ್ಟ ಜನ ಬಲ್ಯ ಸ್ತಾನಕ್‌ ಪೋಪಕ ಜನ ಒಳ್‌ಚೊವ. ಆಚೇಂಗಿ ಅಯಿಂಗ ನಾಶ ಆಪಕ ನೀತಿವಂತಯಿಂಗ ದುಂಬುವ.

ಮತ್ತಾಯ 2:16

ಜ್ಞಾನಿಯ ಅಂವೊಂಗ್ ಮೋಸ ಮಾಡಿತ್ ಬೋರೆ ಬಟ್ಟೇಕಾಲೆ ಪೋಯಿರ್‌ತ್‍ೕಂದ್ ಗೊತ್ತಾನ ಪಿಂಞ, ಹೆರೋದ ರಾಜಂಗ್ ದುಂಬ ಚೆಡಿ ಬಾತ್. ತಾಂಡ ಜನತ್‍ನ ಅಯಿಚಿತ್, ಜ್ಞಾನಿಯಡ ಪಕ್ಕ ವಿಚಾರ ಮಾಡ್‍ನ ಕಾಲಕ್ ಸರಿಯಾಯಿತ್ ಬೆತ್ಲಹೇಮ್ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಉಳ್ಳ ದಂಡ್ ವಯಸ್‍ಕ್ ಒಳ್‍ಲ್ ಉಳ್ಳ ಎಲ್ಲಾ ಕ್‍ಣ್ಣ ಕುಂಞಿಯಳ ಕೊಲ್ಲಂಡೂಂದ್ ಹುಕುಮ್ ಕೊಡ್‍ತತ್.

ಮತ್ತಾಯ 2:3

ಹೆರೋದ ರಾಜ ಈ ಸುದ್ದಿನ ಕ್‍ೕಪಕ, ಅಂವೊಂಡ ಮನಸ್ಸ್‌ಕ್ ಗಾಬರಿ ಆಚಿ. ಅಂವೊಂಗ್ ಮಾತ್ರ ಅಲ್ಲ ಯೆರೂಸಲೇಮ್‍ಲ್ ಉಳ್ಳಯಿಂಗಕೆಲ್ಲಾ ಗಾಬರಿ ಆಚಿ.

ಪ್ರಕಟನೆ 11:15

ಏಳನೆ ದೇವದೂತ ವಾಲಗತ್‍ರ ಕೊಂಬ್‍ನ ಊದ್‍ವಕಾಪಕ: ಲೋಕತ್‍ರ ರಾಜ್ಯಂಗ ನಂಗಡ ಒಡೆಯಂಗು, ಅಂವೊಂಡ ಕ್ರಿಸ್ತಂಡ ರಾಜ್ಯವಾಯಿತು ಆಚಿ. ಅಂವೊ ಕಾಲಕಾಲಕು ರಾಜನಾಯಿತ್ ರಾಜ್ಯಬಾರ ಮಾಡ್‌ವಾಂದ್ ಪರಲೋಕತ್ಂಜ ಒರ್ ಬಲ್ಯ ಸದ್ದ್ ಕ್‍ೕಟತ್.