ಜ್ಞಾನತ್‌ರ ಪಡಿಮ 28:7 - ಕೊಡವ ಬೈಬಲ್

⁷ ದೇವಡ ನ್ಯಾಯಪ್ರಮಾಣಕ್‌ ತಗ್ಗಿತ್‌ ನಡ್‌ಪಂವೊ ವಿವೇಕ ಉಳ್ಳ ಪುತ್‌ರ. ಹೊಟ್ಟೆಬಾಕೆಂಡ ಸಹವಾಸ ಬೆಪ್ಪಂವೊ ತಾಂಡ ಅಪ್ಪನ ಅವಮಾನ ಪಡ್‌ತುವ.

ಜ್ಞಾನತ್‌ರ ಪಡಿಮ 28:7 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 19:26

ಅಪ್ಪನ ಹಿಂಸೆಪಡುತಿತ್‌ ಅವ್ವನ ಓಡ್‌ಚಿಡುವಂವೊ ಞಾಣಕ್‍ೕಡ್‌ನ ಪಿಂಞ ಅವಮಾನತ್‌ನ ಕೊಂಡಬಪ್ಪ.

ಜ್ಞಾನತ್‌ರ ಪಡಿಮ 28:24

ತಾಂಡ ಅಪ್ಪವ್ವಂಡ ಕೈಯಿಂಜ ಲೂಟಿ ಮಾಡಿತ್, ಅದ್‌ ತಪ್ಪಾಲ್ಲಾಂದ್‌ ಎಣ್ಣುವ ಮನುಷ್ಯ ನಾಶ ಮಾಡ್‌ವಂವೊಂಗ್‌ ಕೂಟಾಳಿಯಾಯಿತ್‌ ಉಂಡ್.

ಜ್ಞಾನತ್‌ರ ಪಡಿಮ 29:15

ಕೋಲ್‌ ಪಿಂಞ ಚೂಕ್ತಕ್ಕ್‌ ಮಕ್ಕಕ್‌ ಜ್ಞಾನತ್‌ನ ತಪ್ಪ. ತಾನ್‌ ಕುಶಿಪಟ್ಟನೆಕೆ ಬುಟ್ಟ ಕುಂಞಿ ತಾಂಡ ಅವ್ವಂಗ್‌ ಞಾಣಕ್‍ೕಡ್‌ನ ಬಪ್ಪ್‌ಚಿಡುವ.

ಜ್ಞಾನತ್‌ರ ಪಡಿಮ 29:3

ಜ್ಞಾನತ್‌ನ ಪ್ರೀತಿ ಮಾಡುವಂವೊ ತಾಂಡ ಅಪ್ಪನ ಕುಶಿಪಡ್‌ತುವ. ಆಚೇಂಗಿ ವೇಶಿಯಡಕೂಡೆ ಸಹವಾಸ ಉಳ್ಳಂವೊ ತಾಂಡ ಆಸ್ತಿನ ನಾಶ ಮಾಡಿರುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:13

ಚೆನ್ನ ದಿವಸ ಆನ ಪಿಂಞ ಅಂವೊ ತಾಂಡ ಎಲ್ಲಾ ಆಸ್ತಿನ ಎಡ್‍ತಂಡ್ ದೂರ ದೇಶಕ್ ಪೋಯಿತ್ ಎಲ್ಲಾ ಪಣತ್‍ನ, ಮನಸ್ಸ್ ಬಂದನೆಕೆ ಖರ್ಚಿಮಾಡಿತ್ ಸೂರೆ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:30

ಇಂವೊ ವೇಶಿಯಂಗಡ ಕೂಡೆ ಕೂಡಿಯಂಡ್, ನೀಡ ಆಸ್ತಿನೆಲ್ಲ ಪಾಳ್ ಮಾಡಿರ್‌ತ್. ಇನ್ನನೆ ಆಚೇಂಗಿಯು, ನೀಡ ಈ ಮೋಂವೊ ಬಪ್ಪಕ, ನೀನ್ ಚಾಯಿ ಕಡ್‍ಚಿನ ಕೊಂದಿತ್ ಕೊಡ್‌ತಿತುಳ್ಳಿಯಾಂದ್ ಎಣ್ಣ್‌ಚಿ.