ಜ್ಞಾನತ್‌ರ ಪಡಿಮ 28:18 - ಕೊಡವ ಬೈಬಲ್

¹⁸ ಸತ್ಯತ್‌ಲ್‌ ನಡ್‌ಪಂವೊ ಸೌಕ್ಯತ್‌ ಇಪ್ಪ. ಕಪಟತನತ್‌ಲ್‌ ದಂಡ್‌ ಬಟ್ಟೆಲ್‌ ನಡ್‌ಪಂವೊ, ಅದ್‌ಂಡ ಒರ್‌ ಬಟ್ಟೆಲ್‌ ಬುದ್ದ್ ಪೋಪ.

ಜ್ಞಾನತ್‌ರ ಪಡಿಮ 28:18 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:25

ಬಿರ್‌ಗಾಳಿ ಬಪ್ಪಕ, ದುಷ್ಟೆ ನಾಶ ಆಯಿಪೋಪ, ಆಚೇಂಗಿ ನೀತಿವಂತ ದೃಡವಾನ ಅಡಿಪಾಯ ಆಯಿತ್‌ ಇಪ್ಪ.

ಜ್ಞಾನತ್‌ರ ಪಡಿಮ 10:27

ಯೆಹೋವಂಗ್‌ ಬೊತ್ತಿತ್‌ ನಡ್‌ಪಯಿಂಗ ದುಂಬ ಕಾಲ ಬದ್‌ಕುವ. ಆಚೇಂಗಿ ದುಷ್ಟಂಗಡ ಬದ್‌ಕ್‌ರ ಕಾಲ ಕಮ್ಮಿ ಆಪ.

ಜ್ಞಾನತ್‌ರ ಪಡಿಮ 10:9

ಸತ್ಯತ್‌ಲ್‌ ನಡ್‌ಪಂವೊ ಪೋಡಿಯಿಲ್ಲತೆ ನಡ್‌ಪ. ಆಚೇಂಗಿ ಕಪಟಿಯಂಗಡ ಬಟ್ಟೆಲ್‌ ನಡ್‌ಪಂವೊ ಚಿಕ್ಕಿಪೋಪ.

ಜ್ಞಾನತ್‌ರ ಪಡಿಮ 28:10

ಸತ್ಯವಂತಯಿಂಗಳ ಬಟ್ಟೆತಪ್ಪಿಪೋಪನೆಕೆ ನಡ್‌ತ್‌ವಂವೊ ತಾನ್‌ ತೋಡ್‌ನ ಕುಂಡ್‌ಕ್‌ ತಾನೇ ಬುದ್ದ್ ಪೋಪ. ಆಚೇಂಗಿ ಸತ್ಯವಂತಯಿಂಗ ನಲ್ಲದ್‌ನ ಬಾದ್ಯತೆಯಾಯಿತ್‌ ಪಡೆಯುವ.

ಜ್ಞಾನತ್‌ರ ಪಡಿಮ 28:6

ಕ್‍ೕಡ್‌ ಬಟ್ಟೆಲ್‌ ನಡ್‌ಂದಿತ್‌ ಐಶ್ವರ್ಯವಂತನಾಯಿತ್‌ ಇಪ್ಪಕಿಂಜಿ, ಸತ್ಯತ್‌ ನಡ್‌ಂದಿತ್‌ ಗರಿಬನಾಯಿತ್‌ ಇಪ್ಪದೇ ಮೇಲ್.

ಗಲಾತ್ಯ 2:14

ಅಯಿಂಗ ಇನ್ನನೆ ನಲ್ಲ ಸುದ್ದಿರ ಸತ್ಯಕ್ ಸರಿಯಾನ ರೀತಿಲ್ ಮಾಡತದ್‍ನ ನಾನ್ ಕಾಂಬಕ, ಎಲ್ಲಾಡ ಮಿಂಞತ್ ನಾನ್ ಪೇತ್ರನ ನೋಟಿತ್, ಇನ್ನನೆ ಎಣ್ಣ್‌ನ: ಯೆಹೂದ್ಯನಾಯಿತುಳ್ಳ ನೀನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಕತೆ ಇಂಜಂಡ್, ಯೆಹೂದ್ಯರಲ್ಲತ ಜನ ಯೆಹೂದ್ಯ ಪದ್ದತಿರನೆಕೆ ನಡ್‍ಕಂಡೂಂದ್ ಎನ್ನನೆ ಒತ್ತಾಯ ಮಾಡ್‌ವಕ್ ಕಯ್ಯು?

1 ಥೆಸಲೊನೀಕ 5:3

ಜನ ಸಮಾದಾನ ಉಂಡ್‍ೕಂದು, ಒರ್ ತೊಂದರೆಯು ಇಲ್ಲೇಂದು ಎಣ್ಣುವಕ, ಒರ್ ಪೊಣ್ಣಾಳ್‌ಕ್ ಪೆರುವ ನೊಂಬಲ ಎನ್ನನೆ ಒಮ್ಮಕೆ ಬಪ್ಪ, ಅನ್ನನೆ ಅಯಿಂಗಡ ಮೇಲೆ ನಾಶ ಬಪ್ಪ; ಅಕ್ಕ ದಾರೂ ತಪ್ಪ್‌ಚಿಡ್‌ವಕ್ ಕಯ್ಯುಲೆ.

ಪ್ರಕಟನೆ 3:3

ಆನಗುಂಡ್, ನೀನ್ ನನ್ನಿಂಜ ಎಂತದ್‍ನ ಪಡ್ಂದಿತುಳ್ಳಿಯ, ಎಂತಾನ ಕ್‍ೕಟಿತುಳ್ಳಿಯ ಅದ್‍ನ ಗೇನ ಮಾಡ್. ಅದ್ಂಗ್ ತಗ್ಗಿತ್ ನಡ್‌ಂದಿತ್, ಪಶ್ಚಾತಾಪ ಪಡ್. ನೀನ್ ಎಚ್ಚರ ಎಡ್‍ಕತೆ ಪೋನಕ, ಒರ್ ಕಳ್ಳ ಬಪ್ಪನೆಕೆ ನಾನ್ ನೀಡ ಮೇಲೆ ಬಪ್ಪಿ; ನಾನ್ ಬಪ್ಪ ಸಮಯ ನೀಕ್ ಗೊತ್ತಾಪುಲೆ.