ಜ್ಞಾನತ್‌ರ ಪಡಿಮ 28:11 - ಕೊಡವ ಬೈಬಲ್

¹¹ ಐಶ್ವರ್ಯವಂತ, ತಾಂಡ ದೃಷ್ಟಿಲ್‌ ತಾನೇ ಬುದ್ದಿವಂತಂವೋಂದ್‌ ಗೇನ ಮಾಡುವ. ಆಚೇಂಗಿ ಬುದ್ದಿ ಉಳ್ಳ ಗರೀಬ ಅಂವೊನ ಪರೀಕ್ಷೆ ಮಾಡುವ.

ಜ್ಞಾನತ್‌ರ ಪಡಿಮ 28:11 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 18:11

ಪಣಕಾರಂಡ ಐಶ್ವರ್ಯ ಅಂವೊಂಗ್‌ ಬಲವಾನ ಕೋಟೆ. ಅದ್‌ ಅಂವೊಂಡ ಮನಸ್ಸ್‌ಲ್‌ ಎತ್ತರವಾನ ಗೋಡೆರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 18:17

ಮಿಂಞ ವಾದ ಮಾಡುವಂವೊ ನೀತಿವಂತಂವೊಂಡನೆಕೆ ಕಾಂಬ. ಆಚೇಂಗಿ ಪ್ರತಿವಾದ ಮಾಡ್‌ವಂವೊ ಬಂದಿತ್‌ ಅಂವೊನ ಪರೀಕ್ಷೆ ಮಾಡುವ.

ಜ್ಞಾನತ್‌ರ ಪಡಿಮ 19:1

ಕಪಟವಾಯಿತ್‌ ತಕ್ಕ್‌ ಪರಿವ ಮೂಡಕಿಂಜಿ, ಸತ್ಯತ್‌ಲ್‌ ನಡ್‌ಪ ಗರಿಬನೇ ಮೇಲ್.

ಜ್ಞಾನತ್‌ರ ಪಡಿಮ 23:4

ಐಶ್ವರ್ಯವಂತನಾಂಡೂಂದ್‌ ನಯಿಚಿತ್‌ ಪ್ರಯತ್‌ನ ಪಡತೆ; ನೀಡ ಸ್ವಂತ ಬುದ್ದಿರ ಮೇಲೆ ನಂಬಿಕೆ ಇಡತೆ.

ಜ್ಞಾನತ್‌ರ ಪಡಿಮ 26:12

ತನ್ನ ತಾನೆ ಜ್ಞಾನೀಂದ್‌ ಗೇನ ಮಾಡ್‌ವಂವೊನ ನೋಟ್, ಅನ್ನನೆ ಉಳ್ಳ ಮನುಷ್ಯಕಿಂಜಿ ಮೂಡಂಡ ಮೇಲೆ ನಿರೀಕ್ಷೆ ಬೆಕ್ಕಲು.

ಜ್ಞಾನತ್‌ರ ಪಡಿಮ 26:16

ವಿವೇಕತ್‌ಂಜ ಜವಾಬ್ ಕೊಡ್‌ಪಕಯ್ಯುವ ಏಳ್‌ ಜನಕಿಂಜಿ, ತನ್ನ ತಾನೆ ಜ್ಞಾನಿ ಎಣ್ಣಿಯಂಡ್‌ ಸೋಮಾರಿಯಾನಂವೊ ಗೇನ ಮಾಡಿಯೊವ.

ಜ್ಞಾನತ್‌ರ ಪಡಿಮ 26:5

ದಡ್ಡಂಗ್‌ ಅಂವೊಂಡ ದಡ್ಡತನಕ್‌ ಸೆರಿಯಾಯಿತ್‌ ಉತ್ತರ ಕೊಡ್. ಉತ್ತರ ಕೊಡ್‌ಕತೆ ಪೋಚೇಂಗಿ ತನ್ನ ತಾನೇ ಜ್ಞಾನವುಳ್ಳಂವೊಂದ್‌ ಗೇನ ಮಾಡುವ.

ಜ್ಞಾನತ್‌ರ ಪಡಿಮ 3:7

ನೀನೇ ಜ್ಞಾನಿ ಎಣ್ಣಿಯಂಡ್‌ ಗೇನ ಮಾಡತೆ, ಯೆಹೋವಂಗ್‌ ಬೊತ್ತಿಯಂಡ್‌ ಪಾಳ್‌ ಬಟ್ಟೆಯಿಂಜ ದೂರ ಇರ್.

ರೋಮ್ 11:25

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನಮಾಡತನೆಕೆ, ನಾನ್ ನಿಂಗಕ್ ಒರ್ ಗುಟ್ಟ್‌ನ ಎಣ್ಣಿ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತಯಿಂಗಡ ರಕ್ಷಣೆರ ಲೆಕ್ಕ ಪೂರ್ತಿ ಆಪಕತ್ತನೆ, ಇಸ್ರಾಯೇಲ್‍ರ ಒರ್ ಗುಂಪ್ ಕಠಿಣ ಮನಸ್ಸಾಯಿತೇ ಇಪ್ಪ.

ರೋಮ್ 12:16

ಎಲ್ಲಾಡ ಕೂಡೆ ಒರೇ ಮನಸ್ಸುಳ್ಳಯಿಂಗಳಾಯಿತಿರಿ; ಜಂಬ ಮಾಡತೆ, ಕಮ್ಮಿಯಾಯಿತ್ ಉಳ್ಳಯಿಂಗಡ ಕೂಟ್‍ಕ್ ಕೂಡಿ. ನಿಂಗಳ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನ ಮಾಡತಿ.

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.