ಜ್ಞಾನತ್‌ರ ಪಡಿಮ 28:10 - ಕೊಡವ ಬೈಬಲ್

¹⁰ ಸತ್ಯವಂತಯಿಂಗಳ ಬಟ್ಟೆತಪ್ಪಿಪೋಪನೆಕೆ ನಡ್‌ತ್‌ವಂವೊ ತಾನ್‌ ತೋಡ್‌ನ ಕುಂಡ್‌ಕ್‌ ತಾನೇ ಬುದ್ದ್ ಪೋಪ. ಆಚೇಂಗಿ ಸತ್ಯವಂತಯಿಂಗ ನಲ್ಲದ್‌ನ ಬಾದ್ಯತೆಯಾಯಿತ್‌ ಪಡೆಯುವ.

ಜ್ಞಾನತ್‌ರ ಪಡಿಮ 28:10 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:3

ಯೆಹೋವ ನೀತಿವಂತಂವೊನ ಪಟ್ಟಣಿ ಇಪ್ಪಕ್‌ ಬುಡುಲೆ. ಆಚೇಂಗಿ ದುಷ್ಟ ಜನಕ್‌ ಬೋಂಡಿಯಾನದ್‌ನ ತಪ್ಪುಲೆ.

ಜ್ಞಾನತ್‌ರ ಪಡಿಮ 15:6

ನೀತಿವಂತಂವೊಂಡ ಮನೆಲ್ ದುಂಬ ಐಶ್ವರ್ಯ ಇಪ್ಪ. ಆಚೇಂಗಿ ದುಷ್ಟಂಡ ಸಂಪಾದನೆಲ್‌ ತೊಂದರೆ ಉಂಡ್.

ಜ್ಞಾನತ್‌ರ ಪಡಿಮ 2:21

ಎನ್ನಂಗೆಣ್ಣ್‌ಚೇಂಗಿ ಸತ್ಯವಂತಯಿಂಗಳೇ ಈ ಬೂಮಿಲ್‌ ವಾಸ ಮಾಡ್‌ವ. ಸತ್ಯತ್‌ಲ್‌ ನಡ್‌ಪಯಿಂಗ ಅದ್‌ಲ್‌ ನೆಲೆಗೊಳ್ಳುವ.

ಜ್ಞಾನತ್‌ರ ಪಡಿಮ 21:20

ಜ್ಞಾನಿಯಾನಂವೊಂಡ ಮನೆಲ್ ಬೋಂಡಿಯಾನ ಸಂಪತು ಎಣ್ಣೆಯು ಇಪ್ಪ. ಆಚೇಂಗಿ ಮೂಡನಾನಂವೊ ತಾಂಡ ಪಕ್ಕ ಉಳ್ಳ ಎಲ್ಲಾನ ಮುಗ್ಗಿರುವ.

ಜ್ಞಾನತ್‌ರ ಪಡಿಮ 26:27

ಕುಂಡ್‌ ತೋಡುವಂವೊ ತಾನೆ ಅದ್‌ಲ್‌ ಬೂವ. ಬಂಡೆನ ಉರುಳಿಚಿಡುವಂವೊ ಆ ಬಂಡೆಯಿಂಜಲೇ ಜಜ್ಜಿ ಪೋಪ.

ಜ್ಞಾನತ್‌ರ ಪಡಿಮ 28:18

ಸತ್ಯತ್‌ಲ್‌ ನಡ್‌ಪಂವೊ ಸೌಕ್ಯತ್‌ ಇಪ್ಪ. ಕಪಟತನತ್‌ಲ್‌ ದಂಡ್‌ ಬಟ್ಟೆಲ್‌ ನಡ್‌ಪಂವೊ, ಅದ್‌ಂಡ ಒರ್‌ ಬಟ್ಟೆಲ್‌ ಬುದ್ದ್ ಪೋಪ.

ಮತ್ತಾಯ 6:33

ಆಚೇಂಗಿ ಎಲ್ಲಾಕಿಂಜ ಮಿಂಞ ದೇವಡ ರಾಜ್ಯತ್‍ನ, ನೀತಿನ ತ್‍ೕಡಿ, ಅಕ್ಕ ಇದ್‍ನೆಲ್ಲ ನಿಂಗಕ್ ಕೂಟಿ ತಪ್ಪ.

ಗಲಾತ್ಯ 2:4

ಆಚೇಂಗಿ, ಈ ವಿಷಯತ್‍ಲ್ ಯೇಸುನ ನಂಬ್‍ನಯಿಂಗಾಂದ್ ಎಣ್ಣುವ ಚೆನ್ನ ಕಳ್ಳಂಗ ತರ್ಕ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ; ದಾರ್‌ಕು ಗೊತ್ತಿಲ್ಲತೆ ನಂಗಡ ಒಳ್‍ಕ್ ಕೂಡ್‍ನ ಅಣ್ಣತಮ್ಮಣಂಗಳೇ. ಯೇಸು ಕ್ರಿಸ್ತನಗುಂಡ್ ನಂಗಕುಳ್ಳ ಸ್ವಾತಂತ್ರತ್‍ನ, ನಂಗಡಿಂಜ ಎಡ್‍ಪಕ್ ನೋಟಿತ್, ಯೆಹೂದ್ಯಂಗಡ ನ್ಯಾಯಪ್ರಮಾಣಕ್ ಅಡಿಯಾಳ್‌ರನೆಕೆ ನಂಗ ಇರಂಡೂಂದ್ ಅಯಿಂಗ ಒತ್ತಾಯ ಮಾಡ್‍ಚಿ.

ಇಬ್ರಿಯ 6:12

ನಿಂಗ ಸೋಮಾರಿಯಾಯಿತ್ ಬದ್‍ಕತೆ, ದೇವ ವಾಗ್ದಾನ ಮಾಡ್‍ನ ಎಲ್ಲಾ ಆಶೀರ್ವಾದತ್‍ನ ನಂಬಿಕೆ ಪಿಂಞ ತಾಳ್ಮೆರ ಮೂಲಕ ಪಡೆಯುವಯಿಂಗಳ ನೋಟಿತ್ ನಡ್‍ಪಯಿಂಗಳಾಯಿತ್ ಇರಿ.

1 ಪೇತ್ರ 3:9

ಕ್‍ೕಡ್ ಮಾಡ್‌ವಯಿಂಗಕ್ ಕ್‍ೕಡ್ ಮಾಡತಿ, ಅವಮಾನ ಮಾಡ್‌ವಯಿಂಗಳ ಅವಮಾನ ಮಾಡತಿ, ಆಚೇಂಗಿ, ನಿಂಗ ಆಶೀರ್ವಾದ ಪಡೆಯುವಕ್ ದೇವ ನಿಂಗಳ ಕಾಕಿತುಂಡ್‍ೕಂದ್ ಗೇನ ಮಾಡಿತ್ ಅಯಿಂಗಳ ಆಶೀರ್ವಾದ ಮಾಡಿ.

ಪ್ರಕಟನೆ 2:14

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಇಸ್ರಾಯೇಲ್ ಜನ ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು, ವ್ಯಬಿಚಾರ ಮಾಡ್‌ವಕು ಕಾರಣವಾಯಿತ್ಂಜ ಬಾಲಾಕ ಎಣ್ಣುವ ರಾಜಂಗ್ ವಂಚನೆರ ಬೋದನೆ ಮಾಡ್‍ನ ಪ್ರವಾದಿಯಾನ ಬಿಳಾಮ ಎಣ್ಣ್‌ವಂವೊಂಡ ಬೋದನೆರ ಪ್ರಕಾರ ನಡ್‍ಪಯಿಂಗಳು ನೀಡ ಕೂಡೆ ಉಂಡ್.