ಜ್ಞಾನತ್‌ರ ಪಡಿಮ 27:8 - ಕೊಡವ ಬೈಬಲ್

⁸ ತಾಂಡ ಗೂಡ್‌ನ ಬುಟ್ಟಿತ್‌ ತಿರ್‌ಗಾಡುವ ಪಕ್ಷಿ ಎನ್ನನೆ ಇಪ್ಪೊ, ಅನ್ನನೆ ತಾಂಡ ಮನೆನ ಬುಟ್ಟಿತ್‌ ತಿರ್‌ಗಾಡುವ ಮನುಷ್ಯನು ಇಪ್ಪ.

ಜ್ಞಾನತ್‌ರ ಪಡಿಮ 27:8 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 21:14

ಪಿತ್ಯಾಂದ್‌ ಪೊಲಾಕ ಅಬ್ರಹಾಮ ಬೆರಿಯ ಎದ್ದಿತ್, ಚೆನ್ನ ಆಹಾರ ಪಿಂಞ ಒರ್‌ ಚರ್ಮತ್‌ಲ್‌ ಮಾಡ್‌ನ ಚೀಲತ್‌ ನೀರ್‌ನ ಎಡ್‌ತಿತ್‌ ಹಾಗರಂಡ ನಿಪ್ಪ್‌ಕ್‌ ಕೆಟ್ಟಿತ್, ಅವಡ ಮೋಂವೊನ ಸಹ ಅವಡ ಪಕ್ಕ ಒಪ್ಪ್‌ಚಿಟ್ಟಿತ್‌ ಅವಳ ಅಯಿಚಿ ಕೊಡ್‌ತತ್. ಅವ ಅಲ್ಲಿಂಜ ಪೋಯಿತ್‌ ಬೇರ್ಷೆಬ ಎಣ್ಣುವ ಮಣಬೂಮಿಲ್‌ ತಿರ್‌ಗಾಡ್‌ಚಿ.

ಆದ್ಯತ್‌ರ ಪುಸ್ತಕ 4:16

ಅಕ್ಕ ಕಾಯೀನ ಯೆಹೋವಂಡ ಸನ್ನಿದಾನತಿಂಗ ಪೊರಟಿತ್‌ ಪೋಯಿತ್, ಏದೇನ್‌ರ ಕೇಕ್‌ ತಿಕ್‌ಲ್ ಉಳ್ಳ ನೋಡ್‌ ಎನ್ನುವ ಜಾಗತ್‌ಲ್‌ ವಾಸಮಾಡ್‌ಚಿ.

ಜ್ಞಾನತ್‌ರ ಪಡಿಮ 21:16

ವಿವೇಕತ್‌ರ ಬಟ್ಟೆನ ಬುಟ್ಟಿತ್‌ ಪೋನಂವೊ ಕಡೇಕ್‌ ಚತ್ತಯಿಂಗಡ ಗುಂಪ್‌ಕ್‌ ಕೂಡಿರುವ.

ಜ್ಞಾನತ್‌ರ ಪಡಿಮ 26:2

ಮನೆಪಕ್ಷಿ ತಿರ್‌ಗಾಡುವನಕೆಯು, ಬೋರೆ ಪಕ್ಷಿಯ ಪಾರಿ ಪೋಯಿತ್‌ ನೆಲಕ್‌ ಮುಟ್ಟತನೆಕೆಯು, ಕಾರಣಯಿಲ್ಲತೆ ಕೊಡ್‌ತ ಶಾಪ ನಿಪ್ಪುಲೆ.

ಜ್ಞಾನತ್‌ರ ಪಡಿಮ 27:7

ಕೆಲ ದುಂಬ್‌ನಂವೊ ತೇನ್ನ ಬೋಂಡಾಂದೇ ಎಣ್ಣುವ, ಆಚೇಂಗಿ ಕೆಲಪೈಚಿತ್‌ ಉಳ್ಳಂವೊಂಗ್‌ ಕೈಪಾನ ಆಹಾರ ಸಹ ಮೊದರವಾಯಿತ್‌ ಇಪ್ಪ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:3

ಅಕ್ಕ ಯೋನ, ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಪಕಾಯಿತ್‌ ತಾರ್ಷೀಷ್ ಎಣ್ಣುವ ಪಟ್ಟಣಕ್‌ ಪೊರ್‌ಟತ್. ಅಂವೊ ಯೊಪ್ಪ ಎಣ್ಣುವ ಪಟ್ಟಣಕ್‌ ಪೋಯಿತ್‌ ಅಲ್ಲಿಂಜ ತಾರ್ಷೀಷ್‌ಕ್‌ ಪೋಪ ಹಡಗ್‌ನ ಕಂಡಿತ್‌ ಅಲ್ಲಿಕತ್ತನೆ ಪೋಪಕುಳ್ಳ ದುಡ್ಡ್‌ನ ಕೊಡ್‌ತಿತ್, ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಪಕಾಯಿತ್, ಹಡಗ್‌ಲುಳ್ಳಯಿಂಗಡ ಕೂಡೆ ಪೊರ್‌ಟ್ ಪೋಚಿ.

1 ಕೊರಿಂಥ 7:20

ದೇವ ನಿಂಗಳ ಕಾಕ್‍ವಕ ಏದ್ ಸ್ತಿತಿಲ್ ಇಂಜಿರೋ ಅನ್ನನೆ ಇರಿ.

ಯೂದ ಒಳ್‍ದ್‍ನ ಕಾಗದ 1:13

ಞಾಣ ಆಪನೆಕೆ ಕೆಟ್ಟ ಕಾರ್ಯ ಮಾಡ್‌ವ ಅಯಿಂಗ, ಕಡಲ್‍ರ ಅಲೆ, ಆಲೆ ಈಲೆ ಪೋಯಿತ್ ನೊರೆನ ತಳ್ಳ್‌ವನೆಕೆ ಪಿಂಞ ಎಲ್ಲಿ ಪೋಕಂಡೂಂದ್ ಗೊತ್ತಿಲ್ಲತೆ ಬಟ್ಟೆ ತಪ್ಪಿ ಪೋಯಂಡುಳ್ಳ ನಕ್ಷತ್ರನೆಕೆ ಉಂಡ್. ಈಂಗಕಾಯಿತ್ ಸದಾ ಇರ್‌ಟೇ ನಿತ್ಯವಾಯಿತ್ ಬೆಚ್ಚಿತುಂಡ್.