ಜ್ಞಾನತ್‌ರ ಪಡಿಮ 27:4 - ಕೊಡವ ಬೈಬಲ್

⁴ ಬಲ್ಯ ಚೆಡಿ ಕ್ರೂರವಾನದ್. ಚೆಡಿ ಪಾಳ್ಮಾಡಿರುವ. ಆಚೇಂಗಿ ಹೊಟ್ಟೆಕಿಚ್ಚ್‌ರ ಮಿಂಞ ದಾರ್‌ಕ್‌ ನಿಪ್ಪಕಯ್ಯು?

ಜ್ಞಾನತ್‌ರ ಪಡಿಮ 27:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 26:14

ಅಂವೊಂಗ್‌ ಆಡ್‌ ಕೊರಿಯ, ಎತ್ತ್‌ ಕಡ್‌ಚಿಯ, ಪಿಂಞ ದುಂಬ ಪಣಿಕಾರಂಗ ಇಂಜತ್. ಇದ್‌ನ ನೊಟ್‌ನ ಫಿಲಿಷ್ಟಿರಯಿಂಗಕ್‌ ಅಂವೊಂಡ ಮೇಲೆ ಹೊಟ್ಟೆಕಿಚ್ಚ್‌ ಪಟ್ಟತ್.

ಆದ್ಯತ್‌ರ ಪುಸ್ತಕ 37:11

ಯೋಸೇಫಂಡ ಅಣ್ಣಂಗ ಅಂವೊಂಡ ಮೇಲೆ ಹೊಟ್ಟೆಕಿಚ್ಚ್‌ಪಟ್ಟತ್. ಆಚೇಂಗಿ ಅಂವೊಂಡ ಅಪ್ಪ ಅಂವೊ ಕಂಡ ಸ್ವಪ್ನ ಎಂತ ಆಯಿತಿಕ್ಕೂಂದ್‌ ಗೇನ ಮಾಡಿಯಂಡಿಂಜತ್.

ಆದ್ಯತ್‌ರ ಪುಸ್ತಕ 38:9

ಆಚೇಂಗಿ ಓನಾನ್‌ ಈ ರೀತಿಲ್‌ ಆಪ ಸಂತಾನ ತಾಂಡದ್‌ ಆಪ್‌ಲೇಂದ್‌ ಅರಿಂಜಿತ್, ತಾಂಡ ಅಣ್ಣಂಡ ಪೊಣ್ಣ್‌ರ ಕೂಡೆ ಕೂಡ್‌ವಕ ತಾಂಡ ಅಣ್ಣಂಗ್‌ ಸಂತಾನ ಆಕತನೆಕೆ ಇಪ್ಪಕ್‌ ಅಂವೊ ಎಚ್ಚರತ್‌ಲ್‌ ಇಂಜತ್.

ಜ್ಞಾನತ್‌ರ ಪಡಿಮ 14:30

ನೆಮ್ಮದಿ ಉಳ್ಳ ಮನಸ್ಸ್‌ ತಡಿಕ್‌ ಸೌಕ್ಯ ತಪ್ಪ. ಆಚೇಂಗಿ ಹೊಟ್ಟೆಕಿಚ್ಚ್‌ಲ್‌ ಮೂಳೆ ಕೀವ.

ಜ್ಞಾನತ್‌ರ ಪಡಿಮ 27:3

ಕಲ್‌ಲ್‌ ಕನವಾಯಿತು, ಮರ್‌ಳ್‌ ಬಾರವಾಯಿತು ಇಪ್ಪ. ಮೂಡಂಡ ಬಲ್ಯ ಚೆಡಿ ಈ ದಂಡ್‌ಕಿಂಜಿ ಬಾರವಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 6:34

ಎನ್ನಂಗೆಣ್ಣ್‌ಚೇಂಗಿ ತಾಂಡ ಪೊಣ್ಣಾಳ್‌ರ ವಿಷಯತ್‌ ವೈರಾಗ್ಯವುಳ್ಳ ವಡಿಯಂಗ್‌ ದುಂಬ ಚೆಡಿ ಬಪ್ಪ. ಅಂವೊ ಪಗೆ ತ್‍ೕಪ ನೇರತ್‌ ಚೆನ್ನಂಗು ಕರುಣೆ ಕಾಟುಲೆ.

ಮತ್ತಾಯ 27:18

ಎನ್ನಂಗೆಣ್ಣ್‌ಚೇಂಗಿ ಯೇಸುರ ಮೇಲೆ ಉಳ್ಳ ಒಟ್ಟೆಕಿಚ್ಚ್‌ಯಿಂಜಲೇ ಅಂವೊನ ಪುಡ್‍ಚಿ ಕೊಡ್‌ತತ್‍ೕಂದ್ ಪಿಲಾತಂಗ್ ಗೊತ್ತಾನಗುಂಡ್ ಇನ್ನನೆ ಕ್‍ೕಟತ್.

ಅಪೊಸ್ತಲ 17:5

ಇದ್‍ನ ನಂಬತ ಚೆನ್ನ ಯೆಹೂದ್ಯಂಗ, ಒಟ್ಟೆಕಿಚ್ಚ್ ಪಟ್ಟಿತ್ ಅಲ್ಲಿ ಚತ್ತೆಲ್ ಇಂಜ ಚೆನ್ನ ಕೆಟ್ಟ ಜನಳ ಕಾಕಿತ್, ಗುಂಪ್‍ಕೂಡಿತ್, ಪಟ್ಟಣತ್‍ಲ್ ಕಲಹ ಮಾಡಿತ್, ಪೌಲ ಪಿಂಞ ಸೀಲನ ಪಟ್ಟಣತ್‍ಲ್ ಎಲ್ಲಾಡ ಮಿಂಞತ್ ಬಲ್‍ಚಂಡ್ ಬರಂಡೂಂದ್ ತ್‍ೕಡಿಯಂಡ್ ಬಾತ್. ಅನ್ನನೆ ಪೌಲ ಪಿಂಞ ಸೀಲ ವಾಸ ಮಾಡಿಯಂಡಿಂಜ ಯಾಸೋನ ಎಣ್ಣ್‌ವಂವೊಂಡ ಮನೆಕ್ ಬಾತ್.

ಅಪೊಸ್ತಲ 5:17

ಇಕ್ಕ, ಮಹಾ ಯಾಜಕ ಪಿಂಞ ಅಂವೊಂಡ ಮುಕ್ಯಸ್ತಂಗಳಾನ ಸದ್ದುಕಾಯಂಗಡ ಕೂಟ್‍ಕ್ ಕೂಡ್‍ನಯಿಂಗ, ದುಂಬ ಒಟ್ಟೆಕಿಚ್ಚ್‌ಲ್ ಇಂಜತ್

ಅಪೊಸ್ತಲ 7:9

ಆ ಗೋತ್ರತ್‍ರ ಮುತ್ತಜ್ಜಂಗ ಅಯಿಂಗಡ ಎಳಿಯ ತಮ್ಮಣನಾನ ಯೋಸೇಫಂಡ ಮೇಲೆ ಒಟ್ಟೆಕಿಚ್ಚ್ ಪಟ್ಟಿತ್, ಯೋಸೇಫನ ಐಗುಪ್ತ ದೇಶಕ್ ಅಡಿಮೆಯಾಯಿತ್ ಮಾರಿರ್‌ತ್. ಆಚೇಂಗಿ ದೇವ ಅಂವೊಂಡ ಕೂಡೆ ಇಂಜತ್.

ರೋಮ್ 1:29

ಅಯಿಂಗ ಎಲ್ಲಾ ವಿದವಾನ ದುಷ್ಟತನತ್‍ಲ್, ಕೇಡ್‍ಲ್, ದ್ರೋಹ ಮಾಡ್‌ವದ್‍ಲ್, ಪಣತ್‍ರ ಆಸೇಲ್, ಆಂಗಾರತ್‍ಲ್, ಕೊಲೆ ಮಾಡ್‌ವದ್‍ಲ್, ತರ್ಕ ಮಾಡ್‌ವದ್‍ಲ್, ಕೆಟ್ಟ ಆಸೇಲ್, ವಂಚನೆಲ್, ಒಟ್ಟೆಕಿಚ್ಚ್‌ಲ್ ದುಂಬಿತುಂಡ್.

1 ಯೋಹಾನ 3:12

ತಾಂಡ ತಮ್ಮಣನೇ ಕೊಂದ ಕೇಡ್ ಮಾಡ್‌ವ ಸೈತಾನಂಗ್ ಸ್ವಂತವಾನ ಕಾಯಿನ ಎಣ್ಣ್‌ವಂವೊನೆಕೆ ನಂಗ ಇಪ್ಪಕ್ಕಾಗ. ಕಾಯಿನ ಎನ್ನಂಗ್ ತಾಂಡ ತಮ್ಮಣನಾನ ಹೇಬೆಲನ ಕೊಂದತ್? ತಾನ್ ಮಾಡ್‌ವ ಕೆಲಸ ಕೆಟ್ಟದ್, ತಾಂಡ ತಮ್ಮಣ ಮಾಡ್‌ವ ಕೆಲಸ ನಲ್ಲದ್‍ೕಂದ್ ಗೊತ್ತಾನಗುಂಡ್ ತಮ್ಮಣನ ಕೊಂದತ್.