ಜ್ಞಾನತ್‌ರ ಪಡಿಮ 27:3 - ಕೊಡವ ಬೈಬಲ್

³ ಕಲ್‌ಲ್‌ ಕನವಾಯಿತು, ಮರ್‌ಳ್‌ ಬಾರವಾಯಿತು ಇಪ್ಪ. ಮೂಡಂಡ ಬಲ್ಯ ಚೆಡಿ ಈ ದಂಡ್‌ಕಿಂಜಿ ಬಾರವಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 27:3 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:7

ಅಯಿಂಗಡ ಬಯಂಗರವಾನ ಚೆಡಿಕು, ಅಯಿಂಗಡ ಕ್ರೂರವಾನ ಬಲ್ಯ ಚೆಡಿಕು ಶಾಪ ಬರಡ್, ಅದ್‌ ಬಾರಿ ಕ್ರೂರವಾಯಿತುಂಡ್. ಯಾಕೋಬಂಡ ಕುಲತ್‌ರಯಿಂಗಡಡೆಲ್‌ ಅಯಿಂಗಳ ಬೋರೆ ಬೋರೆ ಮಾಡಿತ್, ಇಸ್ರಾಯೇಲ್‌ ದೇಶತ್‌ಲೆಲ್ಲ ಅಯಿಂಗಡ ಸಂತಾನತ್‌ನ ಚದ್‍ರ್‍ಚಿಡ್‌ವಿ.

ಜ್ಞಾನತ್‌ರ ಪಡಿಮ 12:16

ಒರ್‌ ಮೂಡ ತಾಂಡ ಚೆಡಿನ ಬೆರಿಯ ಕಾಟುವ, ಆಚೇಂಗಿ ವಿವೇಕ ಉಳ್ಳಂವೊ ಅವಮಾನತ್‌ನ ಅಡಕ್‌ವ.

ಜ್ಞಾನತ್‌ರ ಪಡಿಮ 17:12

ತಾಂಡ ದಡ್ಡತನಲ್‌ ಕಳಿಚಂಡುಳ್ಳ ದಡ್ಡನ ಎದಿಕೆ ಕ್‌ಟ್ಟೊಕಿಂಜಿ ತಾಂಡ ಕುಟ್ಟಿಯಳ ಕಳ್‌ಂದಂಡ ಚೆಡಿಲ್‌ ಉಳ್ಳ ಕರಡಿನ ಎದಿಕೆ ಕ್‌ಟ್ಟೊದೇ ನಲ್ಲದ್.

ಜ್ಞಾನತ್‌ರ ಪಡಿಮ 27:2

ನಿನ್ನ ನೀನೆ ಕೊಂಡಾಡತೆ, ಬೋಂಡಿಯೇಂಗಿ ಇಂಞೊಬ್ಬ ನಿನ್ನ ಹೊಗಳಡ್. ನಿನ್ನ ನೀನೇ ಕೊಂಡಾಡಿಯೊತೆ, ಬೋರೆ ಒಬ್ಬೊ ನಿನ್ನ ಕೊಂಡಾಡಡ್.

ಜ್ಞಾನತ್‌ರ ಪಡಿಮ 27:4

ಬಲ್ಯ ಚೆಡಿ ಕ್ರೂರವಾನದ್. ಚೆಡಿ ಪಾಳ್ಮಾಡಿರುವ. ಆಚೇಂಗಿ ಹೊಟ್ಟೆಕಿಚ್ಚ್‌ರ ಮಿಂಞ ದಾರ್‌ಕ್‌ ನಿಪ್ಪಕಯ್ಯು?

1 ಯೋಹಾನ 3:12

ತಾಂಡ ತಮ್ಮಣನೇ ಕೊಂದ ಕೇಡ್ ಮಾಡ್‌ವ ಸೈತಾನಂಗ್ ಸ್ವಂತವಾನ ಕಾಯಿನ ಎಣ್ಣ್‌ವಂವೊನೆಕೆ ನಂಗ ಇಪ್ಪಕ್ಕಾಗ. ಕಾಯಿನ ಎನ್ನಂಗ್ ತಾಂಡ ತಮ್ಮಣನಾನ ಹೇಬೆಲನ ಕೊಂದತ್? ತಾನ್ ಮಾಡ್‌ವ ಕೆಲಸ ಕೆಟ್ಟದ್, ತಾಂಡ ತಮ್ಮಣ ಮಾಡ್‌ವ ಕೆಲಸ ನಲ್ಲದ್‍ೕಂದ್ ಗೊತ್ತಾನಗುಂಡ್ ತಮ್ಮಣನ ಕೊಂದತ್.