ಜ್ಞಾನತ್‌ರ ಪಡಿಮ 27:21 - ಕೊಡವ ಬೈಬಲ್

²¹ ಜನ ಬೊಳ್ಳಿನ ತಿತ್‌ ಬೂಕ್ಕು ಪಾತ್‌ರತ್‌ಲು ಪೊನ್ನ್‌ನ ತಿತ್ತ್‌ ತೊಳೆಯಿಲು ಇಟ್ಟಿತ್‌ ಪರೀಕ್ಷೆ ಮಾಡುವ ಮಾಡುವನೆಕೆ, ಮನುಷ್ಯಂಗ್‌ ಜನಡಿಂಜ ಬಪ್ಪ ಹೊಗಳಿಕಯೇ ಪರೀಕ್ಷೆ ಆಪ.

ಜ್ಞಾನತ್‌ರ ಪಡಿಮ 27:21 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 17:3

ಜನ ಬೊಳ್ಳಿನ ತಿತ್‌ ಬೂಕ್ಕು ಪಾತ್‌ರತ್‌ಲು ಪೊನ್ನ್‌ನ ತಿತ್ತ್‌ ತೊಳೆಯಿಲು ಇಟ್ಟಿತ್‌ ಪರೀಕ್ಷೆ ಮಾಡುವ, ಆಚೇಂಗಿ ಜನಡ ಹೃದಯತ್‌ನ ಪರೀಕ್ಷೆ ಮಾಡ್‌ವಂವೊ ಯೆಹೋವನೇ.

ಮಲಾಕಿ 3:3

ಅಂವೊ ಶುದ್ದಮಾಡುಬವನೆಕೆ ಅಳತ್ತಿತ್‌ ಬೊಳ್ಳಿನ ಚಾಯಿ ಮಾಡುವ; ಅಂವೊ ಲೇವಿಯಡ ಸಂತಾನತ್‌ನ ಬೊಳ್ಳಿ ಪಿಂಞ ಪೊನ್ನ್‌ರನೆಕೆ ಸುದ್ದಮಾಡುವ. ಪಿಂಞ ಒಡಯನಾನ ಯೆಹೋವಂಗ್‌ ನೀತಿರ ಕಾಣಿಕೆ ಅರ್ಪ್ಪಿಚ್ಚಿಡುವ ಜನ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:26

ಜನ ನಿಂಗಳ ದುಂಬ ಹೊಗಳಿಯಂಡುಂಡೇಂಗಿ ನಿಂಗಕ್ ಅಯ್ಯೋ! ಪೂರ್ವ ಕಾಲತ್‍ರ ಅಪ್ಪಂಗಳು, ಕಳ್ಳ ಪ್ರವಾದಿಯಂಗಕ್ ಅನ್ನನೆ ಪರ್ಂದತ್.

1 ಪೇತ್ರ 1:7

ಪಾಳಾಯಿ ಪೋಪ ಪೊನ್ನ್‌ನ ತಿತ್ತ್‌ರಗುಂಡ್ ಸೋದನೆ ಮಾಡ್‌ವ; ಆಚೇಂಗಿ, ಅದ್ಂಗಿಂಜ ಬಲ್ಯ ಬೆಲೆಯುಳ್ಳ ನಿಂಗಡ ನಂಬಿಕೆ ಈ ಕಷ್ಟತ್‍ರಗುಂಡ್ ಸೋದನೆಕ್ ಒಳಪಟ್ಟಿತ್, ನೇರಾನದ್‍ೕಂದ್‌ ಗೊತ್ತಾಪಗುಂಡ್, ಯೇಸು ಕ್ರಿಸ್ತ ಬಪ್ಪಕ, ಅದ್ ನಿಂಗಕ್ ಕೀರ್ತಿಯಾಯಿತ್, ಗನವಾಯಿತ್ ಪಿಂಞ ಮಹಿಮೆಯಾಯಿತ್ ಕ್‍ಟ್ಟುವನೆಕೆ ಆಪ.

1 ಪೇತ್ರ 4:12

ನಾಡ ಪ್ರೀತಿರ ಜನಳೇ, ನಿಂಗಕ್ ಎಂತ ಆಯಂಡುಂಡ್‍ೕಂದ್ ಗೇನ ಮಾಡಿಯಂಡ್, ನಿಂಗಡ ಮದ್ಯತ್‍ಲ್ ಆಯಂಡುಳ್ಳ ಕಷ್ಟತ್‍ನ ನೋಟಿತ್, ನಿಂಗ ಬೇಜಾರ್ ಮಾಡತಿ.