ಜ್ಞಾನತ್‌ರ ಪಡಿಮ 27:2 - ಕೊಡವ ಬೈಬಲ್

² ನಿನ್ನ ನೀನೆ ಕೊಂಡಾಡತೆ, ಬೋಂಡಿಯೇಂಗಿ ಇಂಞೊಬ್ಬ ನಿನ್ನ ಹೊಗಳಡ್. ನಿನ್ನ ನೀನೇ ಕೊಂಡಾಡಿಯೊತೆ, ಬೋರೆ ಒಬ್ಬೊ ನಿನ್ನ ಕೊಂಡಾಡಡ್.

ಜ್ಞಾನತ್‌ರ ಪಡಿಮ 27:2 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 20:6

ಎಕ್ಕಾಲು ಪ್ರೀತಿಚಿಡ್‌ವೀಂದ್‌ ಸುಮಾರ್‌ ಜನ ಪ್ರಕಟಿಚಿಡುವ. ಆಚೇಂಗಿ ನಂಬಿಗಸ್ತನಾನ ಒಬ್ಬನ ದಾರ್‌ಕ್‌ ಕಂಡ್‌ಪುಡಿಪಕಯ್ಯು?

ಜ್ಞಾನತ್‌ರ ಪಡಿಮ 25:27

ತೇನ್ನ ಮಿತಿಮೀರಿತ್‌ ತಿಂಬದ್‌ ನಲ್ಲದಿಲ್ಲೆ. ಅನ್ನನೆ ಜನ ತನ್ನ ಮೆಚ್ಚಿಯಂಡೂಂದ್‌ ಪೇಚಾಡ್‌ವದ್‌ ನಲ್ಲದಿಲ್ಲೆ.

ಜ್ಞಾನತ್‌ರ ಪಡಿಮ 27:3

ಕಲ್‌ಲ್‌ ಕನವಾಯಿತು, ಮರ್‌ಳ್‌ ಬಾರವಾಯಿತು ಇಪ್ಪ. ಮೂಡಂಡ ಬಲ್ಯ ಚೆಡಿ ಈ ದಂಡ್‌ಕಿಂಜಿ ಬಾರವಾಯಿತ್‌ಪ್ಪ.

2 ಕೊರಿಂಥ 10:12

ಆಚೇಂಗಿಯು, ತಂಗಳ ತಾಂಗಳೇ ಬಲ್ಯಂಗಳಾಯಿತ್ ಕಾಂಬ್‍ಚಿಡುವಕಾಯಿತ್ ಬಡಾಯಿ ತಕ್ಕ್ ಎಣ್ಣುವ ಚೆನ್ನ ಜನಡ ಕೂಡೆ ನಂಗಳ ಸಮವಾಯಿತ್ ಹೋಲಿಕೆ ಮಾಡ್‌ವಕ್ ನಂಗ ದೈರ್ಯ ಎಡ್‍ಪುಲೆ; ಅಯಿಂಗ, ಅಯಿಂಗಡೊಳ್‌ಲ್ ಅಯಿಂಗ ಅಯಿಂಗಳೇ ಅಳ್‌ತೆ ಮಾಡಿಯಂಡ್, ಅಯಿಂಗಕೇ ಅಯಿಂಗಳ ಹೋಲಿಕೆ ಮಾಡಿಯಂಡುಳ್ಳ ಅಯಿಂಗ ಬುದ್ದಿವಂತಯಿಂಗ ಅಲ್ಲ.

2 ಕೊರಿಂಥ 10:18

ತಾಂಗ್ ತಾನೇ ಹೊಗಳಿಚಿಡುವಂವೊ ಯೋಗ್ಯನಲ್ಲ, ಒಡೆಯ ದಾರ್‌ನ ಹೊಗಳಿಚಿಡುಂವೊನೋ ಅಂವೊನೇ ಯೋಗ್ಯವಾನಂವೊ.

2 ಕೊರಿಂಥ 12:11

ಒರ್ ಬುದ್ದಿ ಇಲ್ಲತಂವೊನನೆಕೆ ಹೊಗಳ್‌ಚಿಡುವಕ್ ಬಲ ಇಲ್ಲತಂವೊನಾಯಿತ್ ನಾನ್ ಆಯೆ, ನಾನ್ ಅನ್ನನೆ ಆಪಕ್ ನಿಂಗಳೇ ಮಾಡಿರ. ನಿಂಗಡಗುಂಡೇ ನಾಕ್ ಹೊಗಳ್‍ಚಿಡುವನೆಕೆ ಆಪಕಿಂಜತ್. ನಾನ್ ಒಂದು ಇಲ್ಲೇಂದ್ ಗೇನಮಾಡ್‍ಚೇಂಗಿಯು, ದುಂಬ ಮುಕ್ಯಪಟ್ಟ ಅಪೊಸ್ತಲಂಗಕಿಂಜ ಒರ್ ವಿಷಯತ್‍ಲ್ ಕೂಡೆ ಅಯಿಂಗಕಿಂಜ ನಾನ್ ಕಮ್ಮಿ ಆನಂವೊ ಇಲ್ಲೆ.