ಜ್ಞಾನತ್‌ರ ಪಡಿಮ 27:18 - ಕೊಡವ ಬೈಬಲ್

¹⁸ ಅತ್ತಿಮರತ್‌ನ ನೋಟಿಯಂವೊ ಅದ್‌ಂಡ ಪಣ್ಣ್‌ನ ತಿಂಬ. ಅನ್ನನೆ ಯಜಮಾನನ ಕಾಪಂವೊ ಗನತ್‌ನ ಪಡೆಯುವ.

ಜ್ಞಾನತ್‌ರ ಪಡಿಮ 27:18 ပူးပေါင်းရင်းမြစ်များ

ಎಸ್ತೆರ್‌ 6:11

ಅನ್ನನೆ ಹಾಮಾನ ರಾಜಂಡ ಉಡ್‌ಪನ ಪಿಂಞ ರಾಜ ಸವಾರಿ ಮಾಡ್‌ನ ಕುದರೆನ ಕೊಂಡಪೋಯಿತ್, ಬಟ್ಟೆನ ಮೊರ್ದೆಕೈಕ್‌ ಇಟ್ಟಿತ್, ಅಂವೊನ ಕುದರೆನ ಮೇಲೆ ಅಳ್‌ಪ್‌ಚಿಟ್ಟಿತ್‌ ಪಟ್ಟಣತ್‌ರ ಬೀದಿರ ಬಟ್ಟೆಲ್‌ ಕೊಂಡಪೋಯಿತ್‌ ಅಂವೊಂಡ ಮಿಂಞತ್: ರಾಜ ಗೌರವ ಪಡ್‌ತಂಡೂಂದ್‌ ಕುಶಿಪಡ್‌ವ ಮನುಷ್ಯಂಗ್‌ ಇನ್ನನೆ ಮಾಡುವಾಂದ್‌ ಎಣ್ಣಿಯಂಡ್‌ ಪ್ರಚಾರ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 17:2

ಬುದ್ದಿವಂತ ಅಡಿಯಾಳ್, ಅವಮಾನತ್‌ಲ್‌ ಬಡುಕ್ಕುವ ಮೋಂವೊನ ಆಳುವ. ಅಂವೊಂಡ ಅಣ್ಣತಮ್ಮಣಂಗಡ ಆಸ್ತಿಲ್‌ ಇಂವೊಂಗು ಪಾಲ್‌ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 22:29

ತಾಂಡ ಕೆಲಸತ್‌ನ ಸಾಮಾರ್ತನಾಯಿತ್‌ ಮಾಡ್‌ವಂವೊನ ನೋಟ್, ಅನ್ನನೆ ಉಳ್ಳ ಮನುಷ್ಯ ಸಾಮಾನ್ಯ ಮನುಷ್ಯಂಗಕ್‌ ಅಲ್ಲ ಆಚೇಂಗಿ ರಾಜಂಗಕ್‌ ಸೇವೆ ಮಾಡುವ.

ಜ್ಞಾನತ್‌ರ ಪಡಿಮ 27:17

ಇರ್‌ಂಬ್‌ನ ಇರ್‌ಂಬ್ ಚಾಣೆ ಮಾಡುವನೆಕೆ, ಒರ್‌ ಮನುಷ್ಯ ತಾಂಡ ಸ್ನೇಹಿತನ ಚಾಣೆ ಮಾಡುವ.

ಜ್ಞಾನತ್‌ರ ಪಡಿಮ 27:19

ನೀರ್‌ ಮೂಡ್‌ರ ಪ್ರತಿಬಿಂಬತ್‌ನ ಕಾಂಬಿಚ್ಚಿಡುವನೆಕೆ ಮನುಷ್ಯಂಡ ಹೃದಯ ಅಯಿಣಗಡ ನೇರಾನ ರೂಪತ್‌ನ ಕಾಟುವ.

ಮತ್ತಾಯ 24:25

ಆಚೇಂಗಿ, ನಾನ್ ಇದ್‍ನೆಲ್ಲ ಆಪಕ್ ಮಿಂಞಲೇ ಎಣ್ಣಿ ತಂದಿಯೆ.

ಮತ್ತಾಯ 24:46

ಎಜಮಾನ ಬಪ್ಪಕ ಏದ್ ಒರ್ ಆಳ್ ಇನ್ನನೆ ಮಾಡ್‌ವಾನ ಅಂವೊ ಕಾಂಬ, ಆ ಆಳ್‍ಕಾರನೇ ಆಶೀರ್ವಾದ ಪಡ್ಂದಂವೊ.

ಮಾರ್ಕ 10:43

ನಿಂಗಡ ಒಳ್‍ಲ್ ಅನ್ನನೆ ಇಪ್ಪಕ್ಕಾಗ. ನಿಂಗಡಲ್ಲಿ ದಾರ್‌ಕ್ ಬಲ್ಯಂವೊನಾಯಿತ್ ಇಪ್ಪಕ್ ಕುಶಿಯುಂಡೋ ಅಂವೊ ಎಲ್ಲಾರ್‌ಕು ಅಡಿಯಾಳಾಯಿತ್ ಸೇವೆ ಮಾಡ್‌ವನೆಕೆ ಇಕ್ಕಂಡು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:37

ಅನ್ನನೆ ಅಂವೊ ಬಪ್ಪಕ, ಪಾರಾಕಾತಂಡ್ ತಯಾರಾಯಿತುಳ್ಳಯಿಂಗಕ್ ವಿಶೇಷ ದಯೆ ಕಾಟುವ. ಅಂವೊನೇ ಅಯಿಂಗಳ ಅಳ್‍ಪ್‍ಚಿಟ್ಟಿತ್, ಊಟೋಪಚಾರ ಮಾಡ್‌ವಕ್ ಉಳ್ಳ ಬಟ್ಟೆ ಇಟ್ಟಂಡ್, ಅಯಿಂಗ ಅಳ್‌ತಿತ್ ಉಂಬಕ, ಅಂವೊನೇ ಅಯಿಂಗಕ್ ಸೇವೆ ಮಾಡ್‌ವಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:42

ಅಂವೊಂಗ್ ಯೇಸು: ತಾಂಡ ಮನೆಕಾರಂಗಕ್ ಸರಿಯಾನ ಸಮಯತ್‍ಲ್ ಕೂಲಿ ಕೊಡ್‍ಪನೆಕೆ ಎಜಮಾನ ಅಯಿಂಗಡ ಮೇಲೆ ಅದಿಕಾರಿಯಾಯಿತ್ ನೇಮಿಚಿಡುವಕ್ ನಂಬಿಕಸ್ತನು, ಜ್ಞಾನಿಯೂ ಆನ ಸೇವಕ ದಾರ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:17

ಅಂವೊಂಡ ಎಜಮಾನ ಅಂವೊನ ನೋಟಿತ್: ನಲ್ಲದ್ ಆಚಿ, ನೀನ್ ನಂಬಿಕೆಯುಳ್ಳ ಆಳ್, ಚೆರಿಯ ವಿಷಯತ್‍ಲ್ ನೀನ್ ನಂಬಿಕಸ್ತನಾಯಿತ್ ಇಂಜಗುಂಡ್, ನಿನ್ನ ಪತ್ತ್ ಪಟ್ಟಣಕ್ ಅದಿಕಾರಿಯಾಯಿತ್ ಮಾಡ್‌ವೀಂದ್ ರಾಜ ಎಣ್ಣ್‌ಚಿ.

ಯೋಹಾನ 12:26

ನಾಕ್ ಸೇವೆ ಮಾಡ್‌ವಕ್ ಕುಶಿಪಡ್‌ವಯಿಂಗ ನಾನ್ ಮಾಡ್‌ವನೆಕೆ ಮಾಡಿತ್ ನಾಡ ಬಯ್ಯಕ್ ಬರಂಡು; ನಾನ್ ಎಲ್ಲಿ ಇಪ್ಪಿ ಅಲ್ಲಿ ಅಂವೊನು ಇಪ್ಪ; ನಾಕ್ ಒಬ್ಬ ಸೇವೆ ಮಾಡ್‍ಚೇಂಗಿ ಅಪ್ಪನಾನ ದೇವ ಅಂವೊನ ಗನಪಡುತುವಾಂದ್ ಎಣ್ಣ್‌ಚಿ.

ಅಪೊಸ್ತಲ 10:7

ಕೊರ್ನೇಲ್ಯ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತ ಪೋನ ಪಿಂಞ ತಾಂಡ ಮನೆಲ್ ಕೆಲಸ ಮಾಡ್‌ವ ದಂಡ್ ಆಳ್‍ವಳ ಪಿಂಞ ತಾಂಡ ಪಕ್ಕ ಸೇವೆ ಮಾಡ್‌ವ ದೇವಡ ಬಕ್ತಿಯುಳ್ಳ ಒರ್ ಸಿಪಾಯಿನ ಕಾಕಿತ್,

1 ಕೊರಿಂಥ 3:8

ಇಂಞು ಕುರುನ ಬಿತ್ತ್‌ವಂವೊನು ನೀರ್ ಬೂಕ್‍ವಂವೊನು ಒರೇ ಉದ್ದೇಶಕಾಯಿತ್ ಕೆಲಸ ಮಾಡ್‌ವ. ದಂಡಾಳ್‍ಕು ಅಯಿಂಗಯಿಂಗ ಮಾಡ್‍ನ ಕೆಲಸಕ್ ತಕ್ಕಂತ ಸಂಬಳ ಕ್‍ಟ್ಟ್‌ವ.

1 ಕೊರಿಂಥ 9:13

ದೇವಾಲಯತ್‍ಲ್ ಸೇವೆ ಮಾಡ್‌ವ ಜನಕ್ ದೇವಾಲಯತ್ಂಜ ಆಹಾರ ಕ್‍ಟ್ಟ್‌ವಾಂದು, ಬಲಿಪೀಠತ್‍ಲ್ ಸೇವ ಮಾಡ್‌ವ ಜನಕ್, ಬಲಿಪೀಠತ್‍ಲ್ ಎಂತ ಉಂಡೋ, ಅದ್‍ಯಿಂಜ ಅಯಿಂಗಕ್ ಪಾಲ್ ಕ್‍ಟ್ಟ್‌ವಾಂದು ನಿಂಗಕ್ ಗೊತ್ತ್‌ಲ್ಲೆಯಾ?

1 ಕೊರಿಂಥ 9:7

ದಾರ್ ತಾಂಡ ಸ್ವಂತ ಪಣತ್‍ನ ಕರ್ಚ್ ಮಾಡಿತ್ ಯುದ್ದತ್‍ಲ್ ಸೇವೆ ಮಾಡ್‌ವ? ದಾರ್ ದ್ರಾಕ್ಷಿ ತೋಟ ಮಾಡಿತ್ ಅದ್ಂಡ ಪಣ್ಣ್‌ನ ತಿಂಗತೆ ಇಪ್ಪ? ದಾರ್ ಕೊರಿ ಕಾತಂಡ್, ಅದ್ಂಡ ಪಾಲ್‍ನ ಕುಡಿಕತೆ ಇಪ್ಪ?

ಕೊಲೊಸ್ಸೆ 3:22

ಅಡಿಯಾಳ್‌ವಳೇ, ಈ ಲೋಕತ್‍ಲ್ ಉಳ್ಳ ನಿಂಗಡ ಎಜಮಾನಂಗ್ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್‌ಕಂಡು. ಅಯಿಂಗಡ ದಯೆ ಕ್‍ಟ್ಟುವಕಾಯಿತ್, ಅಯಿಂಗ ನಿಂಗಳ ನೋಟಿಯಂಡಿಪ್ಪ ಸಮಯತ್‍ಲ್ ಮಾತ್ರ ಕೆಲಸ ಮಾಡತೆ, ಒಡೆಯಂಡ ಬಕ್ತಿ ಉಳ್ಳಯಿಂಗಳಾಯಿತ್, ಕಪಟ ಇಲ್ಲತ ಮನಸ್ಸ್‌ಲ್ ಕೆಲಸ ಮಾಡಂಡು.

2 ತಿಮೊಥೆಯ 2:6

ಕಷ್ಟಪಟ್ಟಿತ್ ವ್ಯವಸಾಯ ಮಾಡ್‌ವಂವೊ ಬೊಳ್‍ತ್‍ನ ಬೊಳೆರ ಆದ್ಯ ಫಲ ಅಂವೊಂಗ್ ಕ್‍ಟ್ಟಂಡು.

1 ಪೇತ್ರ 2:18

ಅಳುವಳೇ, ಎಲ್ಲಾ ಮರ್ಯಾದೆಲ್ ನಿಂಗಡ ಎಜಮಾನಂಗಕ್ ತಗ್ಗಿತ್ ನಡ್‌ಪಿರ, ನಲ್ಲಯಿಂಗಕು, ಶಾಂತ ಗುಣ ಉಳ್ಳಯಿಂಗಕ್ ಮಾತ್ರ ಅಲ್ಲ, ಕಠಿಣ ಗುಣ ಉಳ್ಳಯಿಂಗಕು ಅನ್ನನೆ ಮಾಡಿ.

1 ಪೇತ್ರ 2:21

ಇದ್ಂಗಾಯಿತೇ ದೇವ ನಿಂಗಳ ಕಾಕಿಯತ್, ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನು ನಿಂಗಕಾಯಿತ್ ಪಾಡ್‍ಪಟ್ಟಿತ್ ನಿಂಗ ಅಂವೊಂಡ ಬಟ್ಟೇಲ್ ಬಪ್ಪಕಾಯಿತ್ ಅಂವೊನ ಒರ್ ಉದಾರಣೆಯಾಯಿತ್ ಮಾಡ್‍ಚಿ.