ಜ್ಞಾನತ್‌ರ ಪಡಿಮ 26:3 - ಕೊಡವ ಬೈಬಲ್

³ ಕುದುರೆಕ್‌ ಕೋಲು, ಕತ್ತೆಕ್‌ ಕಡಿವಾಣವು, ಮೂಡಂಡ ಬೆನ್ನ್‌ಕ್ ಪೊಯ್ಯಿತ್‌ ಕ್‌ಟ್ಟುವದು ಸೆರಿ.

ಜ್ಞಾನತ್‌ರ ಪಡಿಮ 26:3 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:13

ವಿವೇಕ ಉಳ್ಳಂವೊಂಡ ಬಾಯಿಯಿಂಜ ಬಪ್ಪ ತಕ್ಕ್‌ ಜ್ಞಾನ ಉಳ್ಳದಾಯಿತ್‌ಪ್ಪ. ಆಚೇಂಗಿ ಬುದ್ದಿ ಇಲ್ಲತಂವೊಂಡ ಬೆನ್ನ್‌ಕ್ ಪೊಯ್ಯಿತ್‌ ಕ್‌ಟ್ಟುವದೇ ಸೆರಿ.

ಜ್ಞಾನತ್‌ರ ಪಡಿಮ 17:10

ಮೂಡನ ಅರ್ಥ ಮಾಡ್‌ಚಿಡೊಕ್‌ ನೂರ್‌ ಪೊಯ್ಯಿತ್‌ ಕೊಡ್‌ಪಕಿಂಜಿ ಬುದ್ದಿವಂತಂವೊಂಗ್‌ ಒಮ್ಮ ಚೂಕ್‌ಚಿಟ್ಟತೇಂಗಿ ಮದಿ ಆಪ.

ಜ್ಞಾನತ್‌ರ ಪಡಿಮ 19:25

ಪರಿಹಾಸ ಮಾಡ್‌ವಂವೊನ ದಂಡ್‌ಚಿಡ್, ಅಕ್ಕ ಸಾದು ಮನುಷ್ಯ ಬುದ್ದಿವಂತನಾಪ. ವಿವೇಕವುಳ್ಳಂವೊನ ಎಚ್ಚರ ಮಾಡ್‌ಚೇಂಗಿ ಅಂವೊ ಅರಿವುನ ಅರ್ಥಮಾಡಿಯೊವ.

ಜ್ಞಾನತ್‌ರ ಪಡಿಮ 19:29

ಪರಿಹಾಸ ಮಾಡ್‌ವಯಿಂಗಕ್‌ ದಂಡನೆಯು, ಮೂಡಂಗಡ ಬೆನ್ನ್‌ಕ್ ಪೊಯ್ತು ತಯಾರಾಯಿತ್ ಉಂಡ್.

ಜ್ಞಾನತ್‌ರ ಪಡಿಮ 27:22

ಮೂಡನ ಒರಲ್‌ಲ್‌ ಇಟ್ಟಿತ್‌ ಒನಕೆಯಿಂಜ ದಾನ್ಯತ್‌ರ ಕಾಳ್‌ರ ಬೋರೆ ಮಾಡುವಕ್ಕಾಯಿತ್‌ ಜಜ್ಜ್‌ವನೆಕೆ ಮಾಡ್‌ಚೇಂಗಿಯು, ಅಂವೊಂಡ ಮೂಡತನ ಅಂವೊನ ಬುಟ್ಟಿತ್‌ ಪೋಪುಲೆ.

1 ಕೊರಿಂಥ 4:21

ನಿಂಗಕ್ ಏದ್ ಕುಶಿ? ನಾನ್ ನಿಂಗಡ ಪಕ್ಕ ಬಪ್ಪಕ ಕೋಲ್ ಎಡ್‍ತಂಡ್ ಶಿಕ್ಷೆ ಕೊಡ್‍ಪಕ್ ಬಪ್ಪದಾ? ಅಥವ ಪ್ರೀತಿಲ್ ಪಿಂಞ ಶಾಂತ ಗುಣತ್‍ಲ್ ಬಪ್ಪಾದಾ?

2 ಕೊರಿಂಥ 10:6

ನಿಂಗ ಪೂರ್ತಿಯಾಯಿತ್ ತಗ್ಗಿತ್ ನಡ್‍ಪದ್ ನೆರವೇರುವಕ, ತಗ್ಗಿತ್ ನಡ್‍ಕತೆ ಇಪ್ಪಾಂಗ್ ತಕ್ಕಂತ ನೀತಿರ ಶಿಕ್ಷೆ ತಪ್ಪಕ್ ತಯಾರಾಯಿತ್ ಉಂಡ್.

2 ಕೊರಿಂಥ 13:2

ನಾನ್ ದಂಡನೆ ಕುರಿ ನಿಂಗಡಲ್ಲಿ ಇಪ್ಪಕ ಎಣ್ಣ್‌ನನೆಕೆ, ಇಕ್ಕ ದೂರವಾಯಿತ್ ಇಂಜತೇಂಗಿಯು, ನಿಂಗಡ ಪಕ್ಕ ಇಪ್ಪನೆಕೆ, ನಾನ್ ಪುನಃ ಬಾತೇಂಗಿ ನಿಂಗಳ ತಪ್ಪಿಚಿಡ್‌ವಕ್ ಬುಡ್‍ಲೇಂದ್ ಮಿಂಞ ಪಾಪ ಮಾಡ್‍ನಯಿಂಗಕು ಇಂಞು ಎಲ್ಲಾರ್‌ಕು ಎಚ್ಚರ ಮಾಡಿತ್ ಒಳ್‌ದಿಯಂಡುಳ್ಳ.