ಜ್ಞಾನತ್‌ರ ಪಡಿಮ 24:7 - ಕೊಡವ ಬೈಬಲ್

⁷ ಜ್ಞಾನ ಮೂಡಂಗ್‌ ಎತ್ತುವಕಯ್ಯತ ಎತ್ತ್‌ರತ್‌ಲ್‌ ಉಂಡ್. ನ್ಯಾಯ ತ್‍ೕಪ ಜಾಗತ್‌ಲ್‌ ಅಂವೊ ಬಾಯಿ ತೊರ್ಪುಲೆ.

ಜ್ಞಾನತ್‌ರ ಪಡಿಮ 24:7 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:6

ಪರಿಹಾಸ ಮಾಡ್‌ವಂವೊ ಜ್ಞಾನತ್‌ನ ತ್‍ೕಡ್‌ಚೇಂಗಿಯು ಅಂವೊಂಗ್‌ ಕ್‌ಟ್ಟುಲೆ, ಆಚೇಂಗಿ ವಿವೇಕ ಉಳ್ಳಂವೊಂಗ್‌ ಅರಿವು ಸುಲಭವಾಯಿತ್‌ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 15:24

ಜೀವತ್‌ರ ಬಟ್ಟೆ ಜ್ಞಾನಿಯಾನಂವೊನ ಕೊಡಿಕ್‌ ಕೊಂಡ್‌ ಪೋಪ. ಅದ್‌ ಚಾವ್‌ರ ಬಟ್ಟೆಯಿಂಜ ತಪ್ಪ್‌ಚಿಡುವ.

ಜ್ಞಾನತ್‌ರ ಪಡಿಮ 17:16

ಜ್ಞಾನತ್‌ನ ಕ್ರಯಕ್‌ ಎಡ್‌ಪಕಾಯಿತ್‌ ಮೂಡಂಡ ಕೈಯಿಲ್‌ ದುಡ್ಡ್ ಎನ್ನಂಗ್? ಅದ್‌ಂಡ ವಿಷಯತ್‌ ಅಂವೊಂಗ್‌ ಮನಸ್ಸ್‌ ಇಲ್ಲೆಲ್ಲಾ.

ಜ್ಞಾನತ್‌ರ ಪಡಿಮ 17:24

ಬುದ್ದಿವಂತಂವೊಂಡ ಮಿಂಞ ಜ್ಞಾನವೇ ಇಪ್ಪ. ಆಚೇಂಗಿ ಮೂಡಂಡ ಕಣ್ಣ್‌ ಈ ಬೂಮಿರ ಕಡೇಕತ್ತನೆ ತಿರ್‌ಗಿಯಂಡಿಪ್ಪ.

ಜ್ಞಾನತ್‌ರ ಪಡಿಮ 17:7

ಉತ್ತಮವಾನ ತಕ್ಕ್‌ ಮೂಡಂಗ್‌ ಸೆರಿ ಆಪುಲೆ. ಅನ್ನನಾಚೇಂಗಿ ಪೊಟ್ಟ್‌ ಪರಿಯುವದ್‌ ಅದಿಪತಿಯಂಗಕ್‌ ಚೆನ್ನಂಗೂ ಸೆರಿ ಆಪುಲೆ.

ಜ್ಞಾನತ್‌ರ ಪಡಿಮ 22:22

ಗರೀಬಂಗಕ್‌ ಬೋರೆ ಬಟ್ಟೆ ಇಲ್ಲೆ ಎಣ್ಣಿಯಂಡ್‌ ಅಯಿಂಗಳ ಲೂಟಿ ಮಾಡತೆ. ನ್ಯಾಯಾಲಯತ್‌ ಅಯಿಂಗಳ ಉಪತ್‌ರ ಪಡ್‌ತತೆ.

ಜ್ಞಾನತ್‌ರ ಪಡಿಮ 28:5

ದುಷ್ಟ ಜನ ನ್ಯಾಯತ್‌ನ ಅರ್ಥ ಮಾಡಿಯೊಲೆ. ಆಚೇಂಗಿ ಯೆಹೋವನ ತ್‍ೕಡ್‌ವಯಿಂಗ ಎಲ್ಲಾನ ಅರ್ಥ ಮಾಡಿಯೊವ.

ಜ್ಞಾನತ್‌ರ ಪಡಿಮ 31:23

ಅವಡ ವಡಿಯ ಪೇಟೆರ ನ್ಯಾಯಸ್ತಾನತ್‌ಲ್‌ ಅಳ್‌ತಿತ್‌ಪ್ಪಕ ಪೇಟೆರ ಪೆರಿಯಯಿಂಗಡತ್‌ಲ್‌ ಬಲ್ಯಂವೊನಾಯಿತ್‌ಪ್ಪ.

1 ಕೊರಿಂಥ 2:14

ದೇವಡ ಆತ್ಮ ಇಲ್ಲತ ಮನುಷ್ಯ, ದೇವಡ ಆತ್ಮತ್‍ರ ವಿಷಯತ್‍ನ ಸ್ವೀಕಾರ ಮಾಡುಲೆ. ದೇವಡ ವಿಷಯವೆಲ್ಲ ಅಂವೊಂಗ್ ಪುಚ್ಚಿ ತಕ್ಕ್‌ರನೆಕೆ ಇಪ್ಪ. ಅಂವೊಂಗ್ ಅದ್‍ನ ಅರ್ಥ ಮಾಡ್‌ವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ ಆತ್ಮೀಯವಾಯಿತ್ ಉಳ್ಳಯಿಂಗಕ್ ಮಾತ್ರ ಪವಿತ್ರಾತ್ಮ ಎಣ್ಣ್‌ವದ್ ಅರ್ಥ ಆಪ.