ಜ್ಞಾನತ್‌ರ ಪಡಿಮ 24:31 - ಕೊಡವ ಬೈಬಲ್

³¹ ಅದಾ, ಆ ಬೇಲ್‌ಲ್‌ ಮುಳ್ಳ್‌ಗಿಡವು ಕಚಡವು ಬೊಳ್‌ಂದಿತಿಂಜತ್. ಅದ್‌ಂಡ ಕಲ್ಲ್‌ರ ಗೋಡೆ ಬುದ್ದ್‌ಪೋಯಿತ್ತಿಂಜತ್.

ಜ್ಞಾನತ್‌ರ ಪಡಿಮ 24:31 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 13:4

ಸೋಮಾರಿ ಕುಶಿಪಡುವ ಏದು ಅಂವೊಂಗ್‌ ಕ್‌ಟ್ಟುಲೆ. ಎಚ್ಚರತ್‌ಲ್‌ ಬದ್‌ಕ್ಕುವಯಿಂಗ ಅಬಿವೃದ್ದಿ ಪೊಂದುವ.

ಜ್ಞಾನತ್‌ರ ಪಡಿಮ 19:23

ಯೆಹೋವಂಗ್‌ ಬೊತ್ತಿತ್‌ ನಡ್‌ಪಯಿಂಗ ದುಂಬ ಕಾಲ ಬದ್‌ಕುವ. ಅದ್‌ನ ಪಡ್‌ಂದಂವೊ ತೃಪ್ತಿ ಆಯಿತ್‌ ನೆಲೆನಿಪ್ಪ. ಕ್‍ೕಡ್‌ ಅಂವೊಂಡ ಪಕ್ಕ ಬಪ್ಪುಲೆ.

ಜ್ಞಾನತ್‌ರ ಪಡಿಮ 20:4

ಸೋಮಾರಿಯಾನಂವೊ ಕುಳ್‌ರ್ ಎಣ್ಣಿಯಂಡ್‌ ಸೆರಿಯಾನ ಕಾಲತ್‌ ಉಪ್ಪ್‌ಲೆ. ಕೊಯ್ಯಿಪಣಿರ ಕಾಲತ್‌ ಬೋಡ್‌ಚೇಂಗಿಯು ಅಂವೊಂಗ್‌ ಒಂದು ಕ್‌ಟ್ಟುಲೆ.

ಜ್ಞಾನತ್‌ರ ಪಡಿಮ 22:13

ಪೊರಮೆ ಸಿಂಹ ಉಂಡ್, ನಾನ್‌ ಪೋಪ ಬಟ್ಟೆಲ್‌ ಅದ್‌ ನನ್ನ ಕೊಂದ್ರುವಾಂದ್‌ ಸೋಮಾರಿ ಎಣ್ಣುವ.

ಜ್ಞಾನತ್‌ರ ಪಡಿಮ 23:21

ಎನ್ನಂಗೆಣ್ಣ್‌ಚೇಂಗಿ ಕುಡುಕನು ಹೊಟ್ಟೆಬಾಕೆನು ಗರಿಬಂಗಳಾಪ. ಕಣ್ಣೊರ್‌ಕ್‌ ಕೀತ್‌ನ ಬಟ್ಟೆನ ಉಡ್‌ಪನೆಕೆ ಮಾಡುವ.

ಜ್ಞಾನತ್‌ರ ಪಡಿಮ 24:32

ಅದ್‌ನ ಕಂಡಿತ್‌ ಗೇನ ಮಾಡ್‌ನ. ಅದ್‌ನ ನೋಟಿತ್‌ ಪಾಠ ಪಡ್‌ಚಂಡ:

ಮತ್ತಾಯ 13:22

ಮುಳ್ಳ್‌ರ ಪೊದೆಲ್ ಬುದ್ದ ಕುರು ಎನ್ನನೇಂದ್ ಎಣ್ಣ್‌ಚೇಂಗಿ, ಅಯಿಂಗ ದೇವಡ ವಾಕ್ಯತ್‍ನ ಕ್‍ೕಪ. ಆಚೇಂಗಿ ಈ ಬದ್‍ಕ್‍ರ ವಿಷಯತ್ ಬೇಜಾರ್ ಮಾಡಿಯಂಡ್, ಪಣತ್‍ರ ಮೇಲೆ ಉಳ್ಳ ಆಸೆರಗುಂಡ್, ಇದೆಲ್ಲ, ಅಯಿಂಗ ಕ್‍ೕಟ ದೇವಡ ವಾಕ್ಯತ್‍ನ ನೆರ್‌ಕಿತ್, ಅಯಿಂಗ ಫಲ ಕೊಡ್‍ಕತೆ ಪೋಪ.

ಮತ್ತಾಯ 13:7

ಚೆನ್ನ ಕುರು ಮುಳ್ಳ್ ಪೊದೆಲ್ ಬುದ್ದತ್; ಮುಳ್ಳ್ ಗಿಡ ಬೊಳ್ಂದಿತ್ ಅದ್‍ನ ನೆರ್‌ಕ್‌ಚಿ.

ಇಬ್ರಿಯ 6:8

ಆಚೇಂಗಿ, ಮುಳ್ಳ್ ಗಿಡ ಪಿಂಞ ಕಚ್ಚಡತ್‌ನ ತಪ್ಪ ನೆಲ ದೇವಡ ಶಾಪಕ್ ತಕ್ಕಂತದಾಯಿತುಂಡ್. ತಿತ್ತ್‌ಕ್ ಇಡ್‌ವದೇ ಅದ್ಂಡ ಅಂತ್ಯ.