ಜ್ಞಾನತ್‌ರ ಪಡಿಮ 23:23 - ಕೊಡವ ಬೈಬಲ್

²³ ಸತ್ಯತ್‌ನ ಕ್ರಯಕ್‌ ಎಡ್‌ತ, ಅದ್‌ನ ಮಾರತೆ. ಅನ್ನನೆ ಜ್ಞಾನತ್‌ನ, ಬೋದನೆನ ಪಿಂಞ ಬುದ್ದಿನ ಕ್ರಯಕ್‌ ಎಡ್‌ತ.

ಜ್ಞಾನತ್‌ರ ಪಡಿಮ 23:23 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:1

ಜ್ಞಾನವುಳ್ಳ ಮೋಂವೊ ಅಪ್ಪನ ಕುಶಿಪಡ್‌ತುವ; ಆಚೇಂಗಿ ಮೂಡತನ ಉಳ್ಳಂವೊ ಅವ್ವನ ದುಃಖ ಪಡ್‌ತ್‌ವ.

ಜ್ಞಾನತ್‌ರ ಪಡಿಮ 16:16

ಪೊನ್ನ್‌ನ ಸಂಪಾದನೆ ಮಾಡ್‌ವಕಿಂಜಿ ಜ್ಞಾನತ್‌ನ ಸಂಪಾದನೆ ಮಾಡ್‌ವದ್‌ ಎಚ್ಚಕ್‌ ನಲ್ಲದ್‌! ಬೊಳ್ಳಿನ ಸಂಪಾದನೆ ಮಾಡ್‌ವಕಿಂಜಿ ಬುದ್ದಿನ ಸಂಪಾದನೆ ಮಾಡ್‌ವದ್‌ ನಲ್ಲದ್‌!

ಜ್ಞಾನತ್‌ರ ಪಡಿಮ 17:16

ಜ್ಞಾನತ್‌ನ ಕ್ರಯಕ್‌ ಎಡ್‌ಪಕಾಯಿತ್‌ ಮೂಡಂಡ ಕೈಯಿಲ್‌ ದುಡ್ಡ್ ಎನ್ನಂಗ್? ಅದ್‌ಂಡ ವಿಷಯತ್‌ ಅಂವೊಂಗ್‌ ಮನಸ್ಸ್‌ ಇಲ್ಲೆಲ್ಲಾ.

ಜ್ಞಾನತ್‌ರ ಪಡಿಮ 18:15

ಬುದ್ದಿವಂತಂವೊಂಡ ಮನಸ್ಸ್‌ ಅರಿವುನ ಸಂಪಾದನೆ ಮಾಡುವ. ಜ್ಞಾನ ಉಳ್ಳಂವೊಂಡ ಕೆಮಿ ಅರಿವುನ ತ್‍ೕಡುವ.

ಜ್ಞಾನತ್‌ರ ಪಡಿಮ 9:8

ಪರಿಹಾಸ ಮಾಡ್‌ವಂವೊನ ತಿದ್ದಂಡ, ಅಂವೊ ನಿನ್ನ ದ್ವೇಷ ಮಾಡುವ. ಜ್ಞಾನ ಉಳ್ಳಂವೊನ ತಿದ್ದ್‌ಚೇಂಗಿ, ಅಂವೊ ನಿನ್ನ ಪ್ರೀತಿ ಮಾಡುವ.

ಮತ್ತಾಯ 13:44

ಪರಲೋಕ ರಾಜ್ಯ ಎಣ್ಣ್‌ವದ್ ಬೇಲ್‌ಲ್ ಒಳ್‍ಪ್‌ಚಿಟ್ಟ್ ಬೆಚ್ಚಿತುಳ್ಳ ನಿದಿಕ್ ಸಮವಾಯಿತುಂಡ್. ಒರ್ ಮನುಷ್ಯ ಅದ್‍ನ ಕಂಡದು, ಅದ್‍ನ ಮುಚ್ಚಿರುವಂಜಿ, ಆ ಕುಶೀಲ್ ಈ ಬೇಲ್‍ನ ಕ್ರಯಕ್ ಎಡ್‌ಪಕಾಯಿತ್, ಅಂವೊಂಡ ಪಕ್ಕ ಇಂಜ ಆಸ್ತಿನೆಲ್ಲ ಮಾರಿರುವ.

ಮತ್ತಾಯ 13:46

ಅಂವೊ ಆ ನಲ್ಲ ಮುತ್ತ್ ಮಣಿನ ಕಂಡ್‍ಪುಡ್‌ಚ ಪಿಂಞ ಅಂವೊ ಪೋಯಿತ್, ಅಂವೊಂಡ ಪಕ್ಕ ಇಂಜ ಎಲ್ಲಾ ಐಶ್ವರ್ಯತ್‍ನ ಮಾರ್‌ವಂಜಿ ಆ ನಲ್ಲ ಮುತ್ತ್ ಮಣಿನ ಕ್ರಯಕ್ ಎಡ್‌ಪ.

ಮತ್ತಾಯ 16:26

ಒರ್ ಮನುಷ್ಯ ಈ ಲೋಕತ್‍ಲ್ ಉಳ್ಳಾನೆಲ್ಲಾ ತಾಂಗ್ ಸ್ವಂತವಾಯಿತ್ ಮಾಡ್‍ಚೇಂಗಿಯು, ಅಂವೊ ನಾಡ ಶಿಷ್ಯನಾಯಿತ್ ನಾಡ ಬಯ್ಯತ್ ಬರತೆ ಪೋಚೇಂಗಿ, ಅಂವೊಂಗ್ ಎಂತ ಲಾಬ? ಅಂವೊ ನಿತ್ಯ ಜೀವ ಇಲ್ಲತೆ ಚತ್ತ್ ಪೋಪ. ಅನ್ನನೆ ಆಚೇಂಗಿ ಅಂವೊಂಗ್ ನಿತ್ಯ ಜೀವ ಕ್‍ಟ್ಟ್‌ವಕ್ ಒಂದು ಮಾಡ್‌ವಕ್ ಕಯ್ಯುಲೆ.

ಅಪೊಸ್ತಲ 20:23

ನಾನ್ ಪೋಪ ಜಾಗತ್‍ಲೆಲ್ಲ ಜನ ನನ್ನ ಪೊಜ್ಜಿತ್ ಜೈಲ್‌ಕ್ ಇಟ್ಟಿತ್, ತೊಂದರೆ ಮಾಡ್‌ವಾಂದ್ ಪವಿತ್ರಾತ್ಮ ಎಣ್ಣಿಯಂಡುಳ್ಳದ್ ಮಾತ್ರ ನಾಕ್ ಎಲ್ಲಾ ಜಾಗತ್‍ಲು ಗೊತ್ತಾಯಂಡುಂಡ್.

ಇಬ್ರಿಯ 11:26

ಐಗುಪ್ತ ದೇಶತ್‍ರ ಆಸ್ತಿಕಿಂಜ ಕ್ರಿಸ್ತಂಗಾಯಿತ್ ಕ್‍ಟ್ಟುವ ಅವಮಾನತ್‍ನ ಬಲ್ಯ ಆಸ್ತಿಯಾಯಿತ್ ಲೆಕ್ಕ ಮಾಡಿತ್, ಇಂಞು ಮಿಂಞಕ್ ಬಪ್ಪಕುಳ್ಳ ಪ್ರತಿಫಲಕಾಯಿತ್ ನೋಟಿಯಂಡಿಂಜತ್.

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 3:18

ನೀನ್ ಐಶ್ವರ್ಯವಂತನಾಪಕ್, ತಿತ್ತ್‌ಲ್ ಇಟ್ಟಿತ್ ಎಡ್‌ತ ಪೊನ್ನ್‌ನ ಪಿಂಞ ನೀಡ ಅವಮಾನವಾಯಿತುಳ್ಳ ಬೆತ್ತಲೇನ ಮುಚ್ಚ್‌ವಕ್ ಬೊಳ್‍ತ ಬಟ್ಟೇನ ನಾಡ ಕೈಯಿಂಜ ಕ್ರಯಕ್ ಎಡ್‌ತ ಪಿಂಞ ನೀಡ ಕಣ್ಣ್ ಕಾಂಬನೆಕೆ, ಕಣ್ಣ್‌ಕ್ ಮದ್ದ್ ಇಡ್‍ೕಂದ್ ನಾನ್ ನೀಕ್ ಬುದ್ದಿ ಎಣ್ಣ್‌ವಿ.