ಜ್ಞಾನತ್‌ರ ಪಡಿಮ 23:17 - ಕೊಡವ ಬೈಬಲ್

¹⁷ ಪಾಪಿಯಳ ನೋಟಿತ್‌ ಹೊಟ್ಟೆಕಿಚ್ಚ್‌ ಪಡಂಡ. ಆಚೇಂಗಿ ಎಲ್ಲಾ ದಿವಸವು ಯೆಹೋವಂಗ್‌ ಬೊತ್ತಿತ್‌ ನಡೆ.

ಜ್ಞಾನತ್‌ರ ಪಡಿಮ 23:17 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 15:16

ತೊಂದರೆ ಕೂಡ್‌ನ ದುಂಬ ಐಶ್ವರ್ಯತ್‌ನ ಬೆಚ್ಚಂಡಿಪ್ಪಕಿಂಜಿ ಯೆಹೋವಂಗ್‌ ಬೊತ್ತಿತ್‌ ಚೆನ್ನಂಗೇ ಬೆಚ್ಚಂಡಿಪ್ಪದ್‌ ಮೇಲ್.

ಜ್ಞಾನತ್‌ರ ಪಡಿಮ 24:1

ದುಷ್ಟಂಗಡ ವಿಷಯತ್‌ ಹೊಟ್ಟೆಕಿಚ್ಚ್‌ ಪಡಂಡ. ಅಯಿಂಗಡ ಕೂಡೆ ಇಪ್ಪಕು ಕುಶಿ ಪಡಂಡ.

ಜ್ಞಾನತ್‌ರ ಪಡಿಮ 24:19

ಕ್‍ೕಡ್‌ ಮಾಡ್‌ವಯಿಂಗಡ ವಿಷಯತ್‌ ಚೆಡಿ ಮಾಡಿಯೊತೆ. ದುಷ್ಟಂಗಡ ಮೇಲೆ ಹೊಟ್ಟೆಕಿಚ್ಚ್‌ ಪಡತೆ.

ಜ್ಞಾನತ್‌ರ ಪಡಿಮ 24:21

ನಾಡ ಮೋನೇ, ಯೆಹೋವಂಗು, ರಾಜಂಗು ಬೊತ್ತಿತ್‌ ನಡೆ. ಅಯಿಂಗ ದಂಡಾಳ್‌ನ ವಿರೋದಿಚಿಡುವ ಜನಡ ಕೂಡೆ ಕೂಡತೆ.

ಜ್ಞಾನತ್‌ರ ಪಡಿಮ 28:14

ದೇವಡ ಮಿಂಞತ್‌ ಎಕ್ಕಾಲು ಪೋಡಿಚಿಡುವಂವೊ ಆಶೀರ್ವಾದ ಪಡ್‌ಂದಂವೊ. ಆಚೇಂಗಿ ತಾಂಡ ಹೃದಯತ್‌ನ ಕಠಿಣಪಡ್‌ತ್‌ವಂವೊ ಕ್‍ೕಡ್‌ಕ್‌ ಚಿಕ್ಕಿ ಬೂವ.

ಜ್ಞಾನತ್‌ರ ಪಡಿಮ 3:31

ಹಿಂಸೆ ಪಡುತ್‌ವಂವೊನ ನೋಟಿತ್‌ ಹೊಟ್ಟೆಕಿಚ್ಚ್‌ ಪಡತೆ. ಅಂವೊಂಡ ಒರು ಬಟ್ಟೆಲೂ ಪೋಕತೆ.

ಅಪೊಸ್ತಲ 9:31

ಇನ್ನನೆ ಇಪ್ಪಕ ಯೂದಾಯ ಗಲಿಲಾಯ ಸಮಾರ್ಯ ಪ್ರಾಂತ್ಯತ್‍ಲ್ ಉಳ್ಳ ಸೆಬೇಕೆಲ್ಲ ಸಮಾದಾನ ಕ್‍ಟ್ಟ್‌ಚಿ; ಅನ್ನನೆ ಅಯಿಂಗ ಒಡೆಯಂಡ ಬಕ್ತಿಲ್ ಪಿಂಞ ಪವಿತ್ರಾತ್ಮ ತಪ್ಪ ಪುರಡ್‍ಲ್ ಬದ್‍ಕಿಯಂಡ್, ಬೊಳ್ಂದಂಡ್ ಬಲಪಟ್ಟಂಡ್ ಇಂಜತ್.

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

1 ಪೇತ್ರ 1:17

ಮೂಡ್‍ನ ನೋಟಿತ್ ಪಕ್ಷಪಾತವಿಲ್ಲತೆ, ಅಯಿಂಗಡ ಕ್ರೀಯರನೆಕೆ ನ್ಯಾಯತೀರ್ಪ್‌ನ ತಪ್ಪ ಅಪ್ಪನ ನಿಂಗ ಆರಾದರನೆ ಮಾಡಿಯಂಡ್ ಉಳ್ಳಾಂಗ್, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ, ದೇವಡ ಮೇಲೆ ಪೋಡಿಲ್ ಬದ್‍ಕಂಡು.