ಜ್ಞಾನತ್‌ರ ಪಡಿಮ 22:5 - ಕೊಡವ ಬೈಬಲ್

⁵ ಕಪಟತನ ಉಳ್ಳಂವೊಂಡ ಬಟ್ಟೆಲ್‌ ದುಂಬ ಮುಳ್ಳು ಕೆಣಿಯು ಉಂಡ್. ಆಚೇಂಗಿ ತಾಂಡ ಆತ್ಮತ್‌ನ ಕಾಪಂವೊ ಅದ್‌ನೆಲ್ಲಾ ಬುಟ್ಟಿತ್‌ ದೂರ ಇಪ್ಪ.

ಜ್ಞಾನತ್‌ರ ಪಡಿಮ 22:5 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 13:15

ನಲ್ಲ ಬುದ್ದಿ ದಯೆ ಕ್‌ಟ್ಟುವನೆಕೆ ಮಾಡುವ. ಆಚೇಂಗಿ ದ್ರೋಹಿಯ ಪೋಪ ಬಟ್ಟೆ ಒರಟಾನದಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 13:3

ತಾಂಡ ಬಾಯಿನ ಕಾಪಂವೊ ತಾಂಡ ಜೀವತ್‌ನ ಕಾಪಾಡಿಯೊವ. ಆಚೇಂಗಿ ಎಚ್ಚರ ಇಲ್ಲತೆ ತಕ್ಕ್‌ ಪರಿಯುವಂವೊ ನಾಶ ಆಯಿಪೋಪ.

ಜ್ಞಾನತ್‌ರ ಪಡಿಮ 15:19

ಸೋಮಾರಿಯಡ ಬಟ್ಟೆ ಮುಳ್ಳ್ ಬೇಲಿಕ್‌ ಸಮಾನ, ಆಚೇಂಗಿ ನೀತಿವಂತಂವೊಂಡ ಬಟ್ಟೆ ರಾಜಂಡ ಬಟ್ಟೆರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 16:17

ಸತ್ಯವಂತಯಿಂಗಡ ಬದ್‌ಕ್‌ರ ಬಟ್ಟೆ ಅಯಿಂಗಳ ಕ್‍ೕಡಿಂಜ ದೂರ ಬೆಪ್ಪ. ತಾಂಡ ಬಟ್ಟೆನ ಎಚ್ಚರಿಕೆಲ್‌ ನಡ್‌ತ್‌ವಂವೊ ತಾಂಡ ಆತ್ಮತ್‌ನ ಕಾಪಾಡಿಯೊವ.

ಜ್ಞಾನತ್‌ರ ಪಡಿಮ 19:16

ಆಜ್ಞೆಕ್‌ ತಗ್ಗಿತ್‌ ನಡ್‌ಪಂವೊ ತಾಂಡ ಜೀವತ್‌ನ ಕಾಪಾಡುವ. ಆಚೇಂಗಿ ತಾಂಡ ಬಟ್ಟೆಲ್‌ ಎಚ್ಚರಯಿಲ್ಲತೆ ನಡ್‌ಪಂವೊ ಚತ್ತ್‌ ಪೋಪ.

ಜ್ಞಾನತ್‌ರ ಪಡಿಮ 22:4

ತಗ್ಗಿತ್‌ ಪಿಂಞ ಯೆಹೋವಂಗ್‌ ಬೊತ್ತಿತ್‌ ನಡ್‌ಂದ್‌ತೇಂಗಿ ಅದ್‌ಂಡ ಫಲವಾಯಿತ್‌ ಐಶ್ವರ್ಯ, ಗೌರವ ಪಿಂಞ ಜೀವ ಕ್‌ಟ್ಟು.

ಜ್ಞಾನತ್‌ರ ಪಡಿಮ 29:6

ದುಷ್ಟಂಗ ಅಯಿಂಗಡ ಪಾಪತಿಂಜಲೇ ಚಿಕ್ಕಿಯೊವ. ಆಚೇಂಗಿ ನೀತಿವಂತಂವೊ ಕುಶೀಲ್‌ ಪಾಡುವ.

ಜ್ಞಾನತ್‌ರ ಪಡಿಮ 4:19

ಆಚೇಂಗಿ ದುಷ್ಟಂಗಡ ಬದ್‌ಕ್‌ ಪೂರ್ತಿ ಇರ್‌ಟಾಯಿತ್‌ಪ್ಪ; ಅಯಿಂಗಳ ತಡ್‌ತಿತ್‌ ಬೂವನೆಕೆ ಮಾಡ್‌ವದ್‌ ಎಂತದ್‍ೕಂದ್‌ ಅಯಿಂಗಕ್‌ ಗೊತ್ತಾಪುಲೆ.

1 ಯೋಹಾನ 5:18

ದೇವಡ ಮಕ್ಕ ಪಾಪ ಮಾಡಿಯಂಡೇ ಇಪ್ಪುಲೇಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ದೇವಡ ಮೋಂವೊ ಅಯಿಂಗಳ ಬದ್ರವಾಯಿತ್ ಕಾಪಾಡ್‌ವ. ಪಿಂಞ ಸೈತಾನ ಅಯಿಂಗಳ ತೊಂದರೆ ಮಾಡ್‌ವಕ್ ಕಯ್ಯುಲೆ.