ಜ್ಞಾನತ್‌ರ ಪಡಿಮ 22:18 - ಕೊಡವ ಬೈಬಲ್

¹⁸ ಈ ಬೋದನೆನ ನೀಡ ಹೃದಯತ್‌ಲ್‌ ಬೆಚ್ಚಂಡ್, ಕ್ಷಣತ್‌ಲ್‌ ಎಣ್ಣ್‌ವಕ್‌ ಕೈಯ್ಯುವದಾಚೇಂಗಿ ಅದ್‌ ದುಂಬ ಚಾಯಿ ಇಪ್ಪ.

ಜ್ಞಾನತ್‌ರ ಪಡಿಮ 22:18 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:13

ವಿವೇಕ ಉಳ್ಳಂವೊಂಡ ಬಾಯಿಯಿಂಜ ಬಪ್ಪ ತಕ್ಕ್‌ ಜ್ಞಾನ ಉಳ್ಳದಾಯಿತ್‌ಪ್ಪ. ಆಚೇಂಗಿ ಬುದ್ದಿ ಇಲ್ಲತಂವೊಂಡ ಬೆನ್ನ್‌ಕ್ ಪೊಯ್ಯಿತ್‌ ಕ್‌ಟ್ಟುವದೇ ಸೆರಿ.

ಜ್ಞಾನತ್‌ರ ಪಡಿಮ 10:21

ನೀತಿವಂತಂವೊಂಡ ತಕ್ಕ್‌ ದುಂಬ ಜನತ್‌ನ ಉಂಬ್‌ಚಿಡುವ. ಆಚೇಂಗಿ ಮೂಡಂಗ, ದಡ್ಡತನತ್‌ಂಜ ನಾಶ ಆಯಿ ಪೋಪ.

ಜ್ಞಾನತ್‌ರ ಪಡಿಮ 15:7

ಜ್ಞಾನಿಯಡ ತಕ್ಕ್‌ಯಿಂಜ ಅರಿವು ಪಬ್ಬುವ. ಆಚೇಂಗಿ ಮೂಡಂಗಡ ಹೃದಯ ಅನ್ನನೆ ಮಾಡುಲೆ.

ಜ್ಞಾನತ್‌ರ ಪಡಿಮ 16:21

ಹೃದಯತ್‌ಲ್‌ ಜ್ಞಾನ ಉಳ್ಳಂವೊನ ವಿವೇಕ ಉಳ್ಳಂವೊ ಎಣ್ಣಿಯಂಡ್‌ ಗುರುತ್‌ಚಿಡುವ. ಮೊದರ್ವಾನ ತಕ್ಕ್‌ಯಿಂಜ ಅರಿವು ಜಾಸ್ತಿ ಆಪ.

ಜ್ಞಾನತ್‌ರ ಪಡಿಮ 2:10

ಅನ್ನನೆ ಜ್ಞಾನ ನೀಡ ಹೃದಯತ್‌ಲ್‌ ಪ್ರವೇಶ ಮಾಡಿತ್, ಅರಿವು ನೀಡ ಆತ್ಮಕ್‌ ಸುಕವಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 22:19

ನೀಡ ನಂಬಿಕೆ ಯೆಹೋವಂಡ ಮೇಲೆ ಇಡಂಡೂಂದ್, ಅದ್‌ನೆಲ್ಲಾ ಈ ದಿವಸ ನಾನ್‌ ನೀಕ್‌ ಎಣ್ಣಿ ತಂದಂಡುಳ್ಳ.

ಜ್ಞಾನತ್‌ರ ಪಡಿಮ 25:11

ತಕ್ಕ ಸಮಯತ್‌ ಎಣ್ಣ್‌ನ ಶಬ್ದ ಬೊಳ್ಳಿರ ತಟ್ಟೆಲ್‌ ಉಳ್ಳ ಪೊನ್ನ್‌ರ ಪಣ್ಣ್‌ಕ್ ಸರಿಸಮ.

ಜ್ಞಾನತ್‌ರ ಪಡಿಮ 3:17

ಜ್ಞಾನ ನಿನ್ನ ಸುಕವಾನ ಬಟ್ಟೆಲ್‌ ನಡ್‌ತಿಯಂಡ್‌ ಪೋಪ. ಅದ್‌ ನಿನ್ನ ಸಮಾದಾನತ್‌ಲ್‌ ನಡ್‌ತ್‌ವ.

ಜ್ಞಾನತ್‌ರ ಪಡಿಮ 4:20

ನಾಡ ಮೋನೇ, ನಾನ್‌ ಎಣ್ಣುವಾನ ಎಚ್ಚರ ಎಡ್‌ತಿತ್‌ ಕೇಳ್; ನಾಡ ತಕ್ಕ್‌ಕ್‌ ಕೆಮಿ ಕೊಡ್.

ಜ್ಞಾನತ್‌ರ ಪಡಿಮ 4:21

ನೀಡ ದೃಷ್ಟಿ ಎಕ್ಕಾಲು ಅದ್‌ಂಡ ಮೇಲೆ ಇರಡ್; ಅದ್‌ನ ನೀಡ ಹೃದಯತ್‌ರ ಆಳತ್‌ ಪತ್‌ರವಾಯಿತ್‌ ಬೆಚ್ಚ.

ಜ್ಞಾನತ್‌ರ ಪಡಿಮ 8:6

ಕ್‍ೕಳಿ, ಯೋಗ್ಯವಾನ ಕಾರ್ಯತ್‌ನ ನಾನ್‌ ಎಣ್ಣುವಿ. ನಾನ್‌ ಎಣ್ಣ್‌ವದೆಲ್ಲ ಸೆರಿಯಾನದಾಯಿತಿಪ್ಪ.

ಮಲಾಕಿ 2:7

ಸತ್ಯತ್‌ನ ಬೋದನೆ ಮಾಡ್‌ವದ್‌ ಯಾಜಕಂಗಡ ಕರ್ತವ್ಯ. ದೇವ ಎಂತ ಎಣ್ಣಿಯಂಡುಂಡ್‍ೕಂದ್‌ ಕ್‍ೕಪಕಾಯಿತ್‌ ಜನ ನಿಂಗಡ ಪಕ್ಕ ಬರಂಡು. ಎನ್ನಂಗೆಣ್ಣ್‌ಚೇಂಗಿ, ಯಾಜಕಂಗಳೇ ದೇವಡ ದೂತಂಗಾಂದ್‌ ಒಡೆಯನಾನ ಸೇನೇನ ಒಡಯನಾನ ಯೆಹೋವ ಎಣ್ಣಿಯಂಡುಂಡ್.

ಯೋಹಾನ 7:38

ದೇವಡ ವಾಕ್ಯ ಎಣ್ಣ್‌ವನೆಕೆ, ನಾಡ ಮೇಲೆ ನಂಬಿಕೆ ಬೆಪ್ಪ್ಂವೊಂಗ್, ಅಂವೊಂಡ ಹೃದಯತ್ಂಜ ಜೀವ ತಪ್ಪ ನೀರ್ ಉಳ್ಳ ಪೊಳೆ ಉಕ್ಕ್‌ವಾಂದ್ ಎಣ್ಣ್‌ಚಿ.

ಇಬ್ರಿಯ 13:15

ಆನಗುಂಡ್, ಅಂವೊಂಡ ಮೂಲಕವೇ, ದೇವಡ ಪೆದತ್‍ನ ಅರಿಕೆ ಮಾಡ್‌ವ ಕಿರಿರ ಪಣ್ಣಾಯಿತುಳ್ಳ ತುದೀರ ಬಲಿನ, ಎಕ್ಕಾಲು ಅರ್ಪಿಚಿಡಂಡು.