ಜ್ಞಾನತ್‌ರ ಪಡಿಮ 22:16 - ಕೊಡವ ಬೈಬಲ್

¹⁶ ತಾನ್‌ ಅಬಿವೃದ್ದಿ ಆಂಡೂಂದ್‌ ಗರೀಬನ ಹಿಂಸೆಪಡ್‌ತವಂವೊನು, ಐಶ್ವರ್ಯವಂತಂವೊಂಗ್‌ ಇನಾಮ್‌ ಕೊಡ್‌ಪ ದಂಡಾಳು ಗರೀಬನಾಪ.

ಜ್ಞಾನತ್‌ರ ಪಡಿಮ 22:16 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:31

ಗರೀಬನ ಹಿಂಸೆಪಡ್‌ತವಂವೊ ಅಂವೊನ ಸೃಷ್ಟಿ ಮಾಡನಂವೊನ ಕಮ್ಮಿಯಾಯಿತ್‌ ನೋಟಿಯಂಡುಂಡ್. ಗರೀಬಂಗ್‌ ಕರುಣೆ ಕಾಟ್‌ವಂವೊ ಅಂವೊನ ಗನಪಡ್‌ತುವ.

ಜ್ಞಾನತ್‌ರ ಪಡಿಮ 28:22

ಜೀಣೆ ಬುದ್ದಿ ಉಳ್ಳಂವೊ ಐಶ್ವರ್ಯವಂತನಾಪಕ್‌ ಆತುರ ಪಡುವ. ಆಚೇಂಗಿ ಅಂವೊ ಬೆರಿಯ ಗರೀಬನಾಪಾಂದ್‌ ಅಂವೊಂಗ್‌ ಗೊತ್ತಿಲ್ಲೆ.

ಜ್ಞಾನತ್‌ರ ಪಡಿಮ 28:3

ಗರೀಬ ಜನಳ ಹಿಂಸೆಪಡ್‌ತುವ ಗರೀಬ, ಬೊಳೆನ ನಾಶಮಾಡಿತ್‌ ಅಡಿಚಂಡ್‌ ಪೋಪ ಮಳೆರನೆಕೆ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:24

ಅಕ್ಕ ಐಶ್ವರ್ಯವಂತಂವೊ: ಅಪ್ಪನಾನ ಅಬ್ರಹಾಮನೇ, ನಾಕ್ ಕನಿಕರ ಕಾಟ್! ಲಾಜರನ ಇಲ್ಲಿ ಅಯಿಚಿತ್, ಅಂವೊ ಅಂವೊಂಡ ತುದಿ ಬೆರತ್‌ನ ನೀರ್‌ಲ್ ಮುಕ್ಕಿತ್ ನಾಡ ನಾವ್‌ನ ತಣಿಚಿಡಡ್, ಈ ಉರಿಲ್ ನಾನ್ ಕಷ್ಟಪಟ್ಟಂಡ್ ಉಳ್ಳ್‌ಂದ್ ಕೂತ್ ಕೊಡ್‍ತತ್.

ಯಾಕೋಬ 2:13

ಈ ಲೋಕತ್‍ಲ್ ಜನಕ್ ಕರುಣೆ ಕಾಟತಯಿಂಗಕ್, ದೇವ ತೀರ್ಪ್ ತಪ್ಪ ದಿವಸತ್‍ಲ್, ಅಂವೊ ಕರುಣೆ ಕಾಟುಲೆ; ಆಚೇಂಗಿ, ನಿಂಗ ಕರುಣೆಯುಳ್ಳಯಿಂಗಳಾಯಿತ್ ಇಂಜತೇಂಗಿ, ದೇವ ನಿಂಗಳ ತೀರ್ಪ್ ಮಾಡ್‌ವ ದಿವಸತ್‍ಲ್ ನಿಂಗಕ್ ಕರುಣೆಯುಳ್ಳಂವೊನಾಯಿತಿಪ್ಪಾಂದ್ ನಿಂಗಕ್ ಗೊತ್ತಿರಂಡು.