ಜ್ಞಾನತ್‌ರ ಪಡಿಮ 22:1 - ಕೊಡವ ಬೈಬಲ್

¹ ದುಂಬ ಐಶ್ವರ್ಯಕಿಂಜಿ ನಲ್ಲ ಪೆದತ್‌ನ ಆಯ್ಕೆ ಮಾಡ್‌ವದ್‌ ನಲ್ಲದ್. ಬೊಳ್ಳಿ ಪೊನ್ನ್‌ಕಿಂಜಿ ಬೋರೆಯಿಂಗಡ ಕೈಯಿಂಜ ಕ್‌ಟ್ಟುವ ನಲ್ಲೋನೆಯೆ ನಲ್ಲದ್.

ಜ್ಞಾನತ್‌ರ ಪಡಿಮ 22:1 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:7

ನೀತಿವಂತಂವೊಂಡ ಪೆದ ಕ್‍ೕಳಿ ಪೋಯಿತ್‌ ದುಂಬ ಕಾಲಕ್‌ ಇಪ್ಪ. ಆಚೇಂಗಿ ದುಷ್ಟಂಡ ಪೆದತ್‌ನ ಬೆರಿಯ ಮರ್‌ಂದರ್ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:20

ಆಚೇಂಗಿ, ನಿಂಗಡ ತಕ್ಕ್‌ಕ್ ಕೂಳಿಯ ಮಂಡೆ ಬಗ್ಗ್‌ಚಿಟ್ಟಗುಂಡ್ ನಿಂಗ ಸಂತೋಷ ಪಡತಿ. ಅದ್ಂಡ ಬದ್‍ಲ್, ನಿಂಗಡ ಪೆದ ಪರಲೋಕತ್‍ಲ್ ಒಳ್‌ದಿತುಳ್ಳಗುಂಡ್ ಸಂತೋಷ ಪಡಿರಿ.

ಅಪೊಸ್ತಲ 7:10

ಅಂವೊಂಗ್ ಬಂದ ಕಷ್ಟತ್ಂಜ ಬುಡ್‌ತಿತ್ ಐಗುಪ್ತ ದೇಶತ್‍ರ ರಾಜನಾನ ಫರೋಹನಂಡ ಮಿಂಞ ಅಂವೊಂಗ್ ನಲ್ಲರೆಕೆಯು ಜ್ಞಾನವು ಕೊಡ್‌ತಿತ್ ಆಶೀರ್ವಾದ ಮಾಡ್‍ಚಿ. ಫರೋಹನ ಅಂವೊನ ಐಗುಪ್ತ ದೇಶಕ್ ಪಿಂಞ ತಾಂಡ ಅರಮನೆಕ್ ಅದಿಕಾರಿಯಾಯಿತ್ ನೇಮಿಚಿಟ್ಟತ್.

ಫಿಲಿಪ್ಪಿ 4:3

ನಾಡ ಕೂಡೆ ಸೇವೇಲ್ ಇಂಜ ಸತ್ಯತ್‍ರ ಕೂಟಾಳಿಯೇ, ಈ ದಂಡ್ ಪೊಣ್ಣಾಳ್‍ವಳ ಸಮಾದಾನತ್‍ಲ್ ಇಪ್ಪಕ್ ಸಹಾಯ ಮಾಡ್‍ೕಂದ್ ನಿನ್ನ ಬೋಡುವಿ. ಎನ್ನಂಗೆಣ್ಣ್‌ಚೇಂಗಿ, ಕ್ಲೇಮೆನ್ಸ್ ಪಿಂಞ ಬೋರೆ ನಾಡ ಕೂಡೆ ಸೇವೆ ಮಾಡ್‌ವಯಿಂಗ ಕ್ರಿಸ್ತಂಡ ನಲ್ಲ ಸುದ್ದಿನ ನೇರಾಯಿತು ಎಣ್ಣ್‌ವಕ್ ದುಂಬ ಕಷ್ಟಪಟ್ಟತ್, ಅಯಿಂಗಡ ಪೆದಯೆಲ್ಲಾ ಜೀವ ಪುಸ್ತಕತ್‍ಲ್ ಒಳ್‍ದಿತ್ ಉಂಡ್.

ಇಬ್ರಿಯ 11:39

ಈಂಗ ಎಲ್ಲಾರ್‌ಕು ನಂಬಿಕೇರ ಮೂಲಕ ಚಾಯಿ ಸಾಕ್ಷಿ ಕ್‍ಟ್ಟಿಪೋಚೇಂಗಿಯು, ವಾಗ್ದಾನ ಮಾಡ್‍ನದ್‍ನ ಪಡೆಯುವಕ್ ಕಯಿಂಜಿತ್‌ಲ್ಲೆ.