ಜ್ಞಾನತ್‌ರ ಪಡಿಮ 21:11 - ಕೊಡವ ಬೈಬಲ್

¹¹ ಪರಿಹಾಸ ಮಾಡ್‌ವಂವೊನ ದಂಡ್‌ಚಿಡುವಕ ಸಾದು ಮನುಷ್ಯ ಅರಿವುನ ಪಡ್‌ಂದೊವ. ಬುದ್ದಿವಂತಂವೊನ ಬೋದನೆ ಮಾಡುವಕ ಅಂವೊ ಅರ್ಥಮಾಡಿಯೊವ.

ಜ್ಞಾನತ್‌ರ ಪಡಿಮ 21:11 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:5

ಬುದ್ದಿವಂತಂವೊ ಈ ಜ್ಞಾನತ್‌ರ ಪಡಿಮನ ಕ್‍ೕಟಿತ್‌ ಇಂಞು ಬುದ್ದಿವಂತಂವೊನಾಪ. ವಿವೇಕ ಉಳ್ಳಂವೊಂಗ್‌ ಇಂಞು ಆಲೋಚನೆ ಕ್‌ಟ್ಟ್‌ವ.

ಜ್ಞಾನತ್‌ರ ಪಡಿಮ 15:14

ವಿವೇಕ ಉಳ್ಳಂವೊಂಡ ಮನಸ್ಸ್‌ ಅರಿವುನ ತ್‍ೕಡುವ. ಆಚೇಂಗಿ ಮೂಡಂಗಡ ಬಾಯಿ ಮೂಡತನತ್‌ನ ಮೇಪ.

ಜ್ಞಾನತ್‌ರ ಪಡಿಮ 18:1

ಜನಡಯಿಂಜ ದೂರ ಇಪ್ಪಂವೊ ತಾಂಗ್‌ ಎಂತ ಕುಶಿ ಉಂಡೋ ಅದ್‌ನೇ ಮಾಡಿತ್, ಪ್ರತಿಯೊರ್‌ ನೇರಾನ ಜ್ಞಾನಕ್‌ ವಿರುದ್ದವಾಯಿತ್‌ ಅಂವೊ ವಾದ ಮಾಡುವ.

ಜ್ಞಾನತ್‌ರ ಪಡಿಮ 18:15

ಬುದ್ದಿವಂತಂವೊಂಡ ಮನಸ್ಸ್‌ ಅರಿವುನ ಸಂಪಾದನೆ ಮಾಡುವ. ಜ್ಞಾನ ಉಳ್ಳಂವೊಂಡ ಕೆಮಿ ಅರಿವುನ ತ್‍ೕಡುವ.

ಜ್ಞಾನತ್‌ರ ಪಡಿಮ 19:25

ಪರಿಹಾಸ ಮಾಡ್‌ವಂವೊನ ದಂಡ್‌ಚಿಡ್, ಅಕ್ಕ ಸಾದು ಮನುಷ್ಯ ಬುದ್ದಿವಂತನಾಪ. ವಿವೇಕವುಳ್ಳಂವೊನ ಎಚ್ಚರ ಮಾಡ್‌ಚೇಂಗಿ ಅಂವೊ ಅರಿವುನ ಅರ್ಥಮಾಡಿಯೊವ.

ಜ್ಞಾನತ್‌ರ ಪಡಿಮ 9:7

ಪರಿಹಾಸ ಮಾಡ್‌ವಂವೊನ ತಿದ್ದ್‌ವಂವೊಂಗ್‌ ಅವಮಾನ ಆಪ, ದುಷ್ಟನ ತಿದ್ದ್‌ವಂವೊಂಗ್‌ ಅಯಿಂಗಳ ಗಾಯ ಮಾಡುವ.

ಜ್ಞಾನತ್‌ರ ಪಡಿಮ 9:9

ಜ್ಞಾನ ಉಳ್ಳಂವೊಂಗ್‌ ಬುದ್ದಿ ಎಣ್ಣ್, ಅಂವೊ ಇಂಞು ಜ್ಞಾನಿ ಆಪ. ನೀತಿವಂತಂವೊಂಗ್‌ ಪಡಿಪ್‌ಚಿಡ್. ಅಂವೊ ಇಂಞು ಪಡಿಪ.

ಅಪೊಸ್ತಲ 5:5

ಅನನೀಯ ಈ ತಕ್ಕ್‌ನ ಕ್‍ೕಪಕ ಅಲ್ಲೇ ಬುದ್ದಿತ್ ಜೀವ ಬುಟ್ಟತ್. ಇದ್‍ನ ಕ್‍ೕಟ ಜನಕೆಲ್ಲ ದುಂಬ ಪೋಡಿ ಆಚಿ.

ಪ್ರಕಟನೆ 11:13

ಅದೇ ಸಮಯತ್‍ಲ್ ಬಲ್ಯ ಬೂಕಂಪ ಆಚಿ. ಅಕ್ಕಣೆಕ್ ಆ ಪಟ್ಟಣತ್‍ರ ಪತ್ತ್ ಬಾಗತ್‍ಲ್ ಒರ್ ಬಾಗ ಪೊಳಿಂಜ್ ಬುದ್ದ್ ಪೋಚಿ; ಏಳ್ ಆಯಿರ ಜನ ಚತ್ತ್ ಪೋಚಿ, ಬಾಕಿ ಜನಕ್ ಬಲ್ಯ ಪೋಡಿಯಾಯಿತ್ ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆ ಕೊಡ್‍ತತ್.