ಜ್ಞಾನತ್‌ರ ಪಡಿಮ 21:1 - ಕೊಡವ ಬೈಬಲ್

¹ ರಾಜಂಡ ಹೃದಯ ಯೆಹೋವಂಡ ಕೈಯಿಲ್‌ ತೋಡುರನೆಕೆ ಉಂಡ್. ಅದ್‌ನ ಅಂವೊಂಡ ಚಿತ್ತತ್‌ರನೆಕೆ ಏದ್‌ ಬರಿಕ್‌ ಬೋಂಡಿಯೇಂಗಿಯು ತಿರ್‌ಕುವ.

ಜ್ಞಾನತ್‌ರ ಪಡಿಮ 21:1 ပူးပေါင်းရင်းမြစ်များ

ಎಸ್ತೆರ್‌ 2:17

ರಾಜ ಎಲ್ಲಾ ಕನ್ನಿ ಮೂಡಿಯಕಿಂಜ ಎಸ್ತೇರ್‌ನ ಕುಶಿಪಟ್ಟತ್. ಎಲ್ಲಾ ಕನ್ನಿ ಮೂಡಿಯಕಿಂಜ ಅವಕ್‌ ಅಂವೊಂಡ ದಯೆ ಪಿಂಞ ಪ್ರೀತಿ ಕ್‌ಟ್ಟ್‌ಚಿ. ಅಂವೊ ರಾಜಕಿರೀಟತ್‌ನ ಅವಡ ಮಂಡೆರ ಮೇಲೆ ಇಟ್ಟಿತ್, ವಷ್ಟಿಕ್‌ ಬದ್‌ಲ್‌ ಎಸ್ತೇರಳ ರಾಣಿಯಾಯಿತ್‌ ಮಾಡಿಯಂಡತ್.

ಜ್ಞಾನತ್‌ರ ಪಡಿಮ 16:1

ಮನಸ್ಸ್‌ರ ಯೋಜನೆ ಮನುಷ್ಯಂಗಡದ್. ನಾವ್‌ಕ್‌ ಸೆರಿಯಾನ ಜವಾಬ್ ಕೊಡ್‌ಪಂವೊ ಯೆಹೋವನೇ.

ಜ್ಞಾನತ್‌ರ ಪಡಿಮ 16:9

ಮನುಷ್ಯಂಡ ಮನಸ್ಸ್‌ ಅಂವೊಂಡ ಕಾರ್ಯತ್‌ನ ಗೇನ ಮಾಡುವ. ಆಚೇಂಗಿ ಅಂವೊಂಡ ಬದ್‌ಕ್‌ರ ಬಟ್ಟೆನ ತೀರ್ಮಾನ ಮಾಡ್‌ವಂವೊ ಯೆಹೋವನೇ.

ಜ್ಞಾನತ್‌ರ ಪಡಿಮ 20:24

ಮನುಷ್ಯಂಡ ಬದ್‌ಕ್‌ರ ಬಟ್ಟೆನ ತೀರ್ಮಾನ ಮಾಡ್‌ವಂವೊ ಯೆಹೋವನೇ. ಆನಗುಂಡ್‌ ಮನುಷ್ಯ ತಾಂಡ ಬಟ್ಟೆನ ಎನ್ನನೆ ಅರ್ಥ ಮಾಡುವಕಯ್ಯು?

ಅಪೊಸ್ತಲ 7:10

ಅಂವೊಂಗ್ ಬಂದ ಕಷ್ಟತ್ಂಜ ಬುಡ್‌ತಿತ್ ಐಗುಪ್ತ ದೇಶತ್‍ರ ರಾಜನಾನ ಫರೋಹನಂಡ ಮಿಂಞ ಅಂವೊಂಗ್ ನಲ್ಲರೆಕೆಯು ಜ್ಞಾನವು ಕೊಡ್‌ತಿತ್ ಆಶೀರ್ವಾದ ಮಾಡ್‍ಚಿ. ಫರೋಹನ ಅಂವೊನ ಐಗುಪ್ತ ದೇಶಕ್ ಪಿಂಞ ತಾಂಡ ಅರಮನೆಕ್ ಅದಿಕಾರಿಯಾಯಿತ್ ನೇಮಿಚಿಟ್ಟತ್.

ಪ್ರಕಟನೆ 16:12

ಆರನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಯೂಫ್ರೇಟೀಸ್ ಎಣ್ಣುವ ಬಲ್ಯ ಪೊಳೆರ ಮೇಲೆ ಬೂಕ್‍ಚಿ. ಅಕ್ಕ ಕ್‍ೕಕ್ ದಿಕ್ಕ್‌ಂಜ ಬಪ್ಪ ರಾಜಂಗಕ್ ಬಟ್ಟೆ ತಯಾರಾಪನೆಕೆ ಪೊಳೇಲ್ ಇಂಜ ನೀರ್ ಬತ್ತಿ ಪೋಚಿ.

ಪ್ರಕಟನೆ 16:4

ಮೂಂದನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಪೊಳೆಕ್ ಪಿಂಞ ನೀರ್‌ರ ಬುಗ್ಗೆಕ್ ಬೂಕ್‍ಚಿ. ಅಕ್ಕ ಅದ್ ಚೋರೆಯಾಯಿತ್ ಬದ್‍ಲ್ ಆಚಿ.