ಜ್ಞಾನತ್‌ರ ಪಡಿಮ 20:7 - ಕೊಡವ ಬೈಬಲ್

⁷ ನೀತಿವಂತಂವೊ ಸತ್ಯತ್‌ಲ್‌ ಜೀವನ ಮಾಡುವ. ಅಯಿಂಗಡ ಕಾಲ ಆನ ಪಿಂಞ ಅಂವೊಂಡ ಮಕ್ಕ ಆಶೀರ್ವಾದ ಪಡ್‌ಂದಯಿಂಗಳಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 20:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:7

ನೀಕು ನೀಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕು ನಾನ್‌ ಯೆಹೋವನಾನ ದೇವನಾಯಿತ್‌ಪ್ಪಕಾಯಿತ್‌ ನಾಕು ನೀಕು, ನೀಡ ಬಯ್ಯ ಬಪ್ಪ ಮಕ್ಕಡ ಸಂತಾನತ್‌ರ ಮದ್ಯತ್‌ಲ್, ನಾಡ ಒಪ್ಪಂದತ್‌ನ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಜ್ಞಾನತ್‌ರ ಪಡಿಮ 13:22

ಒರ್‌ ನಲ್ಲ ಮನುಷ್ಯ ತಾಂಡ ಕ್‌ರ್‌ಮಕ್ಕಕ್‌ ಬಾದ್ಯತೆನ ಬೆಚ್ಚಿತ್‌ ಪೋಪ. ಆಚೇಂಗಿ ಪಾಪಿಯಡ ಐಶ್ವರ್ಯ ನೀತಿವಂತಯಿಂಗಕಾಯಿತ್‌ ಕೂಟಿಬೆಚ್ಚನೆಕೆ ಆಪ.

ಜ್ಞಾನತ್‌ರ ಪಡಿಮ 14:2

ನೀತಿರ ಬಟ್ಟೆಲ್‌ ನಡ್‌ಪಂವೊ ಯೆಹೋವಂಗ್‌ ಬೊತ್ತಿತ್‌ ನಡ್‌ಪ. ಆಚೇಂಗಿ ಕ್‍ೕಡಾನ ಬಟ್ಟೆಲ್‌ ಪೋಪಂವೊ ಅಂವೊನ ತ್‌ಕ್ಕಾರ ಮಾಡುವ.

ಜ್ಞಾನತ್‌ರ ಪಡಿಮ 14:26

ಯೆಹೋವಂಗ್‌ ಬೊತ್ತ್‌ವಂವೊ ದೈರ್ಯತ್‌ಲ್‌ ಸೌಕ್ಯವಾಯಿತ್‌ ಇಪ್ಪ. ಅಂವೊಂಡ ಮಕ್ಕಕ್‌ ಸಹ ನೆಲೆ ಕ್‌ಟ್ಟ್‌ವ.

ಜ್ಞಾನತ್‌ರ ಪಡಿಮ 19:1

ಕಪಟವಾಯಿತ್‌ ತಕ್ಕ್‌ ಪರಿವ ಮೂಡಕಿಂಜಿ, ಸತ್ಯತ್‌ಲ್‌ ನಡ್‌ಪ ಗರಿಬನೇ ಮೇಲ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:6

ಅಯಿಂಗ ದಂಡಾಳು ದೇವಡ ಎಲ್ಲಾ ಕಾನೂನ್ ಪ್ರಕಾರ, ಆಜ್ಞೆರ ಪ್ರಕಾರ ನೀತಿವಂತಯಿಂಗಳಾಯಿತ್, ಏದ್ ಮನುಷ್ಯನು ಕುತ್ತ ಪರಿಯುವಕ್ ಕಯ್ಯತ ಬದ್‍ಕ್‍ನ ಬದ್‍ಕಿಯಂಡ್ ಇಂಜತ್.

ಅಪೊಸ್ತಲ 2:39

ಈ ದೇವಡ ವಾಗ್ದಾನ, ನಿಂಗಕು, ನಿಂಗಡ ಮಕ್ಕಕು, ನಂಗಡ ಒಡೆಯನಾನ ದೇವ ಕಾಕುವ ದೂರತ್‍ಲ್ ಉಳ್ಳ ಎಲ್ಲಾ ಜನಕು ಉಂಡ್‍ೕಂದ್ ಎಣ್ಣ್‌ಚಿ.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.