ಜ್ಞಾನತ್‌ರ ಪಡಿಮ 20:3 - ಕೊಡವ ಬೈಬಲ್

³ ವಾದತ್ತಿಂಜ ದೂರ ಇಪ್ಪಂವೊಂಗ್‌ ಗೌರವ. ಆಚೇಂಗಿ ಎಲ್ಲಾ ಮೂಡಂಗಳು ಜಗಳಕ್‌ ಆತುರ ಪಡುವ.

ಜ್ಞಾನತ್‌ರ ಪಡಿಮ 20:3 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:7

ಇದ್‌ನಗುಂಡ್‌ ಅಮ್ರಾಮಂಡ ಎತ್ತ್‌ ಕಾಪಯಿಂಗಕು ಲೋಟಂಡ ಎತ್ತ್‌ ಕಾಪಾಯಿಂಗಕು ತಕರಾರ್‌ ಸುರು ಆಚಿ. ಇದ್‌ಲ್ಲತೆ ಆ ಕಾಲತ್‌ಲ್‌ ಕಾನಾನ್ಯರ ಜನ ಪಿಂಞ ಪರಿಜೀಯರಯಿಂಗ ಆ ದೇಶತ್‌ಲ್‌ ವಾಸಮಾಡಿಯಂಡಿಂಜತ್.

ಆದ್ಯತ್‌ರ ಪುಸ್ತಕ 13:8

ಆನಗುಂಡ್‌ ಅಬ್ರಾಮ ಲೋಟಂಗ್: ನಾಕು ನೀಕು, ನಾಡ ಎತ್ತ್‌ ಕಾಪಯಿಂಗಕು ನೀಡ ಎತ್ತ್‌ ಕಾಪಯಿಂಗಕು ತಕರಾರ್‌ ಬೋಂಡ. ಎಚ್ಚಕಾಚೇಂಗಿಯು ನಂಗ ಬೆಂದ್‌ಕ ಅಲ್ಲ!

ಜ್ಞಾನತ್‌ರ ಪಡಿಮ 14:17

ಮುಂಜೆಡಿ ಉಳ್ಳಂವೊ ದಡ್ಡ ಕಾರ್ಯತ್‌ನ ಮಾಡುವ. ಕ್‍ೕಡ್‌ನ ಗೇನ ಮಾಡ್‌ವಂವೊನ ದ್ವೇಷ ಮಾಡುವ.

ಜ್ಞಾನತ್‌ರ ಪಡಿಮ 14:29

ದುಂಬ ತಾಳ್ಮೆ ಉಳ್ಳಂವೊ ಬಲ್ಯ ಬುದ್ದಿವಂತ. ಮುಂಜೆಡಿ ಉಳ್ಳಂವೊ ತಾನ್‌ ಮೂಡ ಎಣ್ಣಿಯಂಡ್‌ ಕಾಟಿಯೊವ.

ಜ್ಞಾನತ್‌ರ ಪಡಿಮ 16:32

ಶಕ್ತಿವಂತಂವೊಕಿಂಜಿ ಬಲ್ಯ ತಾಳ್ಮೆ ಉಳ್ಳಂವೊ ಮೇಲಾನಂವೊ. ಒರ್‌ ಪಟ್ಟಣತ್‌ನ ಗೆಲ್ಲ್‌ವಂವೊಕಿಂಜಿ ತಾಂಡ ಚೆಡಿನ ಅಡ್‌ಕ್‌ವಂವೊ ಮೇಲಾನಂವೊ.

ಜ್ಞಾನತ್‌ರ ಪಡಿಮ 17:14

ವಿವಾದತ್‌ನ ಸುರುಮಾಡ್‌ವದ್‌ ನೀರ್‌ಕಟ್ಟೆನ ತೊರ್‌ಂದನೆಕೆ. ಆನಗುಂಡ್‌ ಅದ್‌ ಬಲ್ಯದಾಪಕ್‌ ಮಿಂಞಲೇ ನಿಪ್ಪ್‌ಚಿಡ್.

ಜ್ಞಾನತ್‌ರ ಪಡಿಮ 18:6

ಮೂಡಂಡ ತಕ್ಕ್‌ ಜಗಳತ್‌ನ ಉಂಟ್ ಮಾಡುವ. ಅಂವೊಂಡ ಬಾಯಿ ಪೊಯ್ಯಿತ್‌ ಕ್‌ಟ್ಟ್‌ವಕ್‌ ಕ್‍ೕಪ.

ಜ್ಞಾನತ್‌ರ ಪಡಿಮ 19:11

ಮನುಷ್ಯಂಡ ವಿವೇಕ ಅಂವೊಂಡ ಚೆಡಿನ ಅಡಕುವ. ಕುತ್ತತ್‌ನ ಮನ್ನಿಚಿಡ್‌ವದ್‌ ಅಂವೊಂಗ್‌ ಕೀರ್ತಿ.

ಜ್ಞಾನತ್‌ರ ಪಡಿಮ 21:24

ಬಡಾಯಿಯು ಆಂಗಾರವು ಉಳ್ಳಂವೊಂಗ್‌ ಪರಿಹಾಸಕಾರಂದ್‌ ಪೆದ. ಅಂವೊ ಗರ್ಬತ್‌ಂಜ ಬಲ್ಯ ಚೆಡಿಲ್‌ ನಡ್‌ಪ.

ಜ್ಞಾನತ್‌ರ ಪಡಿಮ 26:17

ಬಟ್ಟೆಲ್‌ ಪೋಯಂಡಿಪ್ಪಕ, ತಾಂಗ್‌ ಸಮ್ಮಂದಯಿಲ್ಲತ ಜಗಳತ್‌ ಮಂಡೆ ಇಡೋದ್, ಬಟ್ಟೆಲ್‌ ಪೋಯಂಡಿಪ್ಪ ನಾಯಿರ ಕೆಮಿನ ಪುಡ್‌ಚಿತ್‌ ಬಲಿಪಂವೊಂಡನೆಕೆ ಇಪ್ಪ.

ಎಫೆಸ 4:32

ಒಬ್ಬಂಡ ಮೇಲೆ ಒಬ್ಬ ದಯೆ ಕಾಟಿತ್, ಕರುಣೆ ಉಳ್ಳಯಿಂಗಳಾಯಿತ್, ಕ್ರಿಸ್ತಂಡ ಮೂಲಕ ದೇವ ನಿಂಗಕ್ ಮನ್ನಿಚಿಟ್ಟನೆಕೆ, ನಿಂಗಳು ಒಬ್ಬಂಗ್ ಒಬ್ಬ ಮನ್ನಿಚಿಡಿ.

ಯಾಕೋಬ 3:14

ಆಚೇಂಗಿ ನಿಂಗಡ ಹೃದಯತ್‍ಲ್ ನಿಂಗ ಕೆಟ್ಟದ್ ಮಾಡಂಡೂಂದ್ ಗೇನ ಮಾಡಿಯಂಡ್ ಒಟ್ಟೆಕಿಚ್ಚ್‌ಪಟ್ಟಂಡ್, ನಿಂಗ ಬುದ್ದಿವಂತಂಗಾಂದ್ ಕಳಿಕತಿ, ಅದ್ ಎಲ್ಲಾಕಿಂಜಿ ಬಲ್ಯ ಪೊಟ್ಟ್.

ಯಾಕೋಬ 4:1

ನಿಂಗಡಲ್ಲಿ ಎನ್ನಂಗಾಯಿತ್ ಯುದ್ದ ಮಾಡ್‌ವಿರ? ಜಗಳ ಮಾಡ್‌ವಿರ? ನಿಂಗಡ ಶರೀರತ್‌ನ ಅದಿಕಾರ ಮಾಡ್‌ವಕಾಯಿತ್ ನಿಂಗಡಲ್ಲಿ ಯುದ್ದ ಮಾಡ್‌ವ ಇಚ್ಛೆರಗುಂಡಲ್ಲ?