ಜ್ಞಾನತ್‌ರ ಪಡಿಮ 2:7 - ಕೊಡವ ಬೈಬಲ್

⁷ ಅಂವೊ ನೀತಿವಂತಯಿಂಗಕಾಯಿತ್‌ ನೇರಾನ ಜ್ಞಾನತ್‌ನ ಕೂಟಿ ಬೆಚ್ಚಿತುಂಡ್; ಸತ್ಯತ್‌ಲ್‌ ನಡ್‌ಪಯಿಂಗಕ್‌ ಅಂವೊ ಪಡೆತಟ್ಟೆಯಾಯಿತ್‌ ಇಪ್ಪ.

ಜ್ಞಾನತ್‌ರ ಪಡಿಮ 2:7 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:8

ತಾಂಡ ಬಟ್ಟೆನ ಅರ್ಥ ಮಾಡಿಯೊದ್‌ ವಿವೇಕ ಉಳ್ಳಂವೊಂಡ ಜ್ಞಾನ. ಆಚೇಂಗಿ ಮೂಡಂಗ ದಡ್ಡತನತಿಂಜ ಅಯಿಂಗಳ ವಂಚನೆ ಮಾಡಿಯೊವ.

ಜ್ಞಾನತ್‌ರ ಪಡಿಮ 28:18

ಸತ್ಯತ್‌ಲ್‌ ನಡ್‌ಪಂವೊ ಸೌಕ್ಯತ್‌ ಇಪ್ಪ. ಕಪಟತನತ್‌ಲ್‌ ದಂಡ್‌ ಬಟ್ಟೆಲ್‌ ನಡ್‌ಪಂವೊ, ಅದ್‌ಂಡ ಒರ್‌ ಬಟ್ಟೆಲ್‌ ಬುದ್ದ್ ಪೋಪ.

ಜ್ಞಾನತ್‌ರ ಪಡಿಮ 30:5

ದೇವ ಎಣ್ಣುವ ಪ್ರತಿಯೋರ್‌ ತಕ್ಕು ನಂಬಿಕೆಕ್‌ ಯೋಗ್ಯವಾಯಿತ್ತುಂಡ್. ಅಂವೊನ ನಂಬಿತ್‌ ಅಂವೊಂಡ ಪಕ್ಕ ಬಪ್ಪಯಿಂಗಕ್‌ ಅಂವೊ ಪಡೆತಟ್ಟಾಯಿತುಂಡ್.

ಜ್ಞಾನತ್‌ರ ಪಡಿಮ 8:14

ಆಲೋಚನೆಯು, ನೇರಾನ ಜ್ಞಾನವು ನಾಡದೇ. ಬುದ್ದಿಯು, ಶಕ್ತಿಯು ನಾಡ ಪಕ್ಕ ಉಂಡ್.

1 ಕೊರಿಂಥ 1:19

ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ, ಜ್ಞಾನಿಯರ ಜ್ಞಾನತ್‍ನ ನಾನ್ ಪಾಳ್ ಮಾಡಿತ್, ಬುದ್ದಿವಂತಯಿಂಗಂಡ ಬುದ್ದಿನ ನಾನ್ ಇಲ್ಲತನೆಕೆ ಮಾಡಿಯಂಡುಂಡ್.

1 ಕೊರಿಂಥ 1:24

ಆಚೇಂಗಿ, ದೇವ ದಾರ್‌ನ ಅಂವೊಂಡ ಮಕ್ಕಳಾಯಿತ್ ಕಾಕಿತುಂಡೋ, ಅಯಿಂಗ ಯೆಹೂದ್ಯರಾಚೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನ ಆಚೇಂಗಿಯು, ಅಯಿಂಗಕ್ ಕ್ರಿಸ್ತ ದೇವಡ ಶಕ್ತಿಯಾಯಿತು, ದೇವಡ ಜ್ಞಾನವಾಯಿತು ಉಂಡ್.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

ಕೊಲೊಸ್ಸೆ 2:3

ಕ್ರಿಸ್ತಂಡ ಒಳ್‌ಲೇ ಎಲ್ಲಾ ಜ್ಞಾನ ಪಿಂಞ ಬುದ್ದಿ ಎಣ್ಣುವ ಬಂಡಾರ ಮುಚ್ಚಿತುಂಡ್.