ಜ್ಞಾನತ್‌ರ ಪಡಿಮ 2:19 - ಕೊಡವ ಬೈಬಲ್

¹⁹ ಅವಡ ಪಕ್ಕ ಪೋಪಯಿಂಗ ದಾರು ತಿರಿತ್‌ ಬಪ್ಪದು ಇಲ್ಲೆ, ಜೀವತ್‌ರ ಬಟ್ಟೆನ ಪುನಃ ಕಂಡ್‌ ಪುಡಿಪದು ಇಲ್ಲೆ.

ಜ್ಞಾನತ್‌ರ ಪಡಿಮ 2:19 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 4:18

ನೀತಿವಂತಂಯಿಂಗಡ ಬಟ್ಟೆ ಪೊಲಾಕತ್‌ರ ಬೊಳೀರನೆಕೆ ಇಪ್ಪ, ಅದ್‌ ಎನ್ನನೆ ಎಣ್ಣ್‌ಚೇಂಗಿ ಮಜ್ಜಣತ್‌ರ ಬೊಳಿ ಪ್ರಕಾಶ ಆಯಂಡೇ ಇಪ್ಪನೆಕೆ ಜಾಸ್ತಿ ಆಯಿತ್‌ ಇಪ್ಪ.

ಜ್ಞಾನತ್‌ರ ಪಡಿಮ 5:11

ಕಡೇಕ್‌ ನೀಡ ಯರ್ಚಿಯು, ನೀಡ ತಡಿಯು ಕುಂದಿ ಪೋಪಕ ನೀನ್‌ ದುಃಖ್‌ಚಿಟ್ಟಂಡ್‌ ಗೋಳಾಡುವಿಯ.

ಜ್ಞಾನತ್‌ರ ಪಡಿಮ 5:6

ಅವ ಜೀವ ತಪ್ಪ ಬಟ್ಟೆರ ವಿಷಯತ್‌ ಗೇನ ಮಾಡುಲೆ, ಅವಡ ನಡ್‌ತೆ ಚಂಚಲವಾಯಿತ್‌ಪ್ಪ, ಆಚೇಂಗಿ ಅದ್‌ ಅವಕ್‌ ಅರ್ಥ ಆಪುಲೆ.

ಜ್ಞಾನತ್‌ರ ಪಡಿಮ 6:32

ಆಚೇಂಗಿ ಇಂಞೊಬ್ಬಂಡ ಪೊಣ್ಣಾಳ್‌ರ ಕೂಡೆ ವ್ಯಬಿಚಾರ ಮಾಡ್‌ವಂವೊ ಒರ್‌ ದಡ್ಡೆನಾಯಿತುಂಡ್. ಅನ್ನನೆ ಮಾಡ್‌ವಂವೊ ತಾಂಡ ಬದ್‌ಕ್‌ನೇ ನಾಶ ಮಾಡಿಯೊವ.

ಇಬ್ರಿಯ 6:18

ಆನಗುಂಡ್ ದೇವ ತಾಂಡ ವಾಗ್ದಾನತ್‍ನ ಪಿಂಞ ಆಣೆನ ನಂಗಕ್ ತಂದಿತುಂಡ್. ಈ ದಂಡ್ ವಿಷಯವು ಎಕ್ಕಾಲು ಬದ್‍ಲ್ ಆಪುಲೆ. ಅಂವೊ ಇನ್ನನೆ ಎನ್ನಂಗ್ ಮಾಡ್‍ಚೇಂಗಿ, ದೇವ ಪೊಟ್ಟ್ ಪರಿವಕ್ ಸಾದ್ಯತೆ ಇಲ್ಲೆ. ಆನಗುಂಡ್ ನಂಗಡ ಮಿಂಞಕ್ ಬೆಚ್ಚಿತುಳ್ಳ ನಿರಿಕ್ಷೇನ ಗಟ್ಟಿಯಾಯಿತ್ ಪುಡ್‌ಚಿತ್, ಬಚಾವಾಪಕ್ ಅಂವೊಂಡ ಪಕ್ಕ ಓಡಿ ಬಂದ ನಂಗಕ್ ದುಂಬ ನಿಶ್ಚಯ ಉಂಡ್.