ಜ್ಞಾನತ್‌ರ ಪಡಿಮ 2:10 - ಕೊಡವ ಬೈಬಲ್

¹⁰ ಅನ್ನನೆ ಜ್ಞಾನ ನೀಡ ಹೃದಯತ್‌ಲ್‌ ಪ್ರವೇಶ ಮಾಡಿತ್, ಅರಿವು ನೀಡ ಆತ್ಮಕ್‌ ಸುಕವಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 2:10 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:4

ಈ ಜ್ಞಾನತ್‌ರ ಪಡಿಮ ಸಾದು ಮನುಷ್ಯಂಗಕ್‌ ಬುದ್ದಿನ, ಬಾಲೆಕಾರಂಗಕ್‌ ಅರಿವ್‌ನ ಪಿಂಞ ವಿವೇಕತ್‌ನ ತಪ್ಪ.

ಜ್ಞಾನತ್‌ರ ಪಡಿಮ 14:33

ಬುದ್ದಿವಂತಂವೊಂಡ ಹೃದಯತ್‌ಲ್‌ ಜ್ಞಾನ ವಾಸ ಮಾಡುವ. ಆಚೇಂಗಿ ಮೂಡಂಗಡ ಹೃದಯತ್‌ಲ್‌ ಜ್ಞಾನ ವಾಸ ಮಾಡುವಕ್‌ ಕೈಯುಲೆ.

ಜ್ಞಾನತ್‌ರ ಪಡಿಮ 22:18

ಈ ಬೋದನೆನ ನೀಡ ಹೃದಯತ್‌ಲ್‌ ಬೆಚ್ಚಂಡ್, ಕ್ಷಣತ್‌ಲ್‌ ಎಣ್ಣ್‌ವಕ್‌ ಕೈಯ್ಯುವದಾಚೇಂಗಿ ಅದ್‌ ದುಂಬ ಚಾಯಿ ಇಪ್ಪ.

ಜ್ಞಾನತ್‌ರ ಪಡಿಮ 4:6

ಜ್ಞಾನತ್‌ನ ಬುಟ್ಟಿತ್‌ ಬೋರೆ ಕಡೆಕ್‌ ತಿರಿತ್‌ ಪೋಕತೆ. ಅದ್‌ ನಿನ್ನ ಕಾಪಾಡುವ. ಅದ್‌ನ ಪ್ರೀತಿ ಮಾಡ್. ಅದ್‌ ನಿನ್ನ ಕಾಪ.

ಕೊಲೊಸ್ಸೆ 3:16

ಕ್ರಿಸ್ತಂಡ ವಾಕ್ಯ, ನಿಂಗಡ ಹೃದಯತ್‍ಲ್ ಪೂರ್ತಿಯಾಯಿತ್ ಇರಡ್. ನಿಂಗ ಎಲ್ಲಾ ಜ್ಞಾನತ್‍ಲ್ ಒಬ್ಬಂಗ್ ಒಬ್ಬ ಬೋದನೆ ಮಾಡಿತ್ ಬುದ್ದಿ ಎಣ್ಣಿಯಂಡ್ ಇರಿ. ಕೀರ್ತನೆ ಪಾಡಿಯಂಡ್, ದೇವಡ ಪಾಟ್ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್ ನಿಂಗಡ ಹೃದಯತ್‍ಲ್ ದೇವನ ತುದಿಚಂಡ್ ಇರಿ.