ಜ್ಞಾನತ್‌ರ ಪಡಿಮ 19:8 - ಕೊಡವ ಬೈಬಲ್

⁸ ಜ್ಞಾನತ್‌ನ ಪಡೆಯುವಂವೊ ತಾಂಡ ಆತ್ಮತ್‌ನ ಪ್ರೀತಿಚಿಡುವ. ಬುದ್ದಿನ ಕಾಪಾಡ್‌ವಂವೊ ನಲ್ಲದ್‌ನ ಪಡೆಯುವ.

ಜ್ಞಾನತ್‌ರ ಪಡಿಮ 19:8 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:20

ವಿವೇಕತ್‌ಂಜ ಕಾರ್ಯತ್‌ನ ನಡ್‌ತ್‌ವಂವೊ ನಂದಾಪ. ಯೆಹೋವನ ನಂಬುವಂವೊ ಆಶೀರ್ವಾದ ಪಡ್‌ಂದಂವೊನಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 17:16

ಜ್ಞಾನತ್‌ನ ಕ್ರಯಕ್‌ ಎಡ್‌ಪಕಾಯಿತ್‌ ಮೂಡಂಡ ಕೈಯಿಲ್‌ ದುಡ್ಡ್ ಎನ್ನಂಗ್? ಅದ್‌ಂಡ ವಿಷಯತ್‌ ಅಂವೊಂಗ್‌ ಮನಸ್ಸ್‌ ಇಲ್ಲೆಲ್ಲಾ.

ಜ್ಞಾನತ್‌ರ ಪಡಿಮ 19:9

ಪೊಟ್ಟ್‌ ಸಾಕ್ಷಿ ಪರಿಯುವಂವೊಂಗ್‌ ದಂಡನೆ ಕಂಡಿತ. ಪೊಟ್ಟ್‌ ಪರಿಯುವಂವೊನು ತಪ್ಪ್‌ಚಿಡುವಕಯ್ಯುಲೆ.

ಜ್ಞಾನತ್‌ರ ಪಡಿಮ 22:18

ಈ ಬೋದನೆನ ನೀಡ ಹೃದಯತ್‌ಲ್‌ ಬೆಚ್ಚಂಡ್, ಕ್ಷಣತ್‌ಲ್‌ ಎಣ್ಣ್‌ವಕ್‌ ಕೈಯ್ಯುವದಾಚೇಂಗಿ ಅದ್‌ ದುಂಬ ಚಾಯಿ ಇಪ್ಪ.

ಜ್ಞಾನತ್‌ರ ಪಡಿಮ 3:18

ಜ್ಞಾನತ್‌ನ ನಂಬ್‌ನಯಿಂಗಕ್‌ ಜ್ಞಾನ ಜೀವತಪ್ಪ ಮರವಾಯಿತ್‌ಪ್ಪ. ಅದ್‌ನ ಗಟ್ಟಿಯಾಯಿತ್‌ ಪುಡ್‌ಚಯಿಂಗ ಆಶೀರ್ವಾದ ಪಡ್‌ಂದಯಿಂಗಳಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 3:21

ನಾಡ ಮೋನೇ, ನೇರಾನ ಜ್ಞಾನತ್‌ನ ಪಿಂಞ ನಲ್ಲ ಆಲೋಚನೇನ ಬದ್ರವಾಯಿತ್‌ ಬೆಚ್ಚ, ಅದ್‌ ನೀಡ ಕಣ್ಣ್‌ಯಿಂಜ ದೂರ ಪೋಪಕ್‌ ಬುಡತೆ.

ಜ್ಞಾನತ್‌ರ ಪಡಿಮ 3:22

ಅದ್‌ ನೀಡ ಆತ್ಮಕ್‌ ಜೀವವಾಯಿತು, ನೀಡ ಬೋಳೆಕ್‌ ಚಿಂಗಾರತ್‌ರ ಆಭರಣವಾಯಿತು ಇಪ್ಪ.

ಜ್ಞಾನತ್‌ರ ಪಡಿಮ 4:21

ನೀಡ ದೃಷ್ಟಿ ಎಕ್ಕಾಲು ಅದ್‌ಂಡ ಮೇಲೆ ಇರಡ್; ಅದ್‌ನ ನೀಡ ಹೃದಯತ್‌ರ ಆಳತ್‌ ಪತ್‌ರವಾಯಿತ್‌ ಬೆಚ್ಚ.

ಜ್ಞಾನತ್‌ರ ಪಡಿಮ 4:4

ನಾಡ ಅಪ್ಪ ನಾಕ್‍ ಬೋದನೆ ಮಾಡಿತ್: ನಾಡ ತಕ್ಕ್‌ನ ನೀಡ ಹೃದಯತ್‌ ಬೆಚ್ಚ. ನಾಡ ಆಜ್ಞೇರನೆಕೆ ನಡೆ; ಅಕ್ಕ ನೀನ್‌ ಚಾಯಿತೆ ಬದುಕುವಿಯಾಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 4:6

ಜ್ಞಾನತ್‌ನ ಬುಟ್ಟಿತ್‌ ಬೋರೆ ಕಡೆಕ್‌ ತಿರಿತ್‌ ಪೋಕತೆ. ಅದ್‌ ನಿನ್ನ ಕಾಪಾಡುವ. ಅದ್‌ನ ಪ್ರೀತಿ ಮಾಡ್. ಅದ್‌ ನಿನ್ನ ಕಾಪ.

ಯೋಹಾನ 12:25

ತಾಂಡ ಜೀವತ್‍ರ ಮೇಲೆ ದಾರ್ ದುಂಬ ಆಸೆ ಬೆಚ್ಚಿತ್‌ಪ್ಪ, ಅಯಿಂಗಕ್ ಅಯಿಂಗಡ ಜೀವ ನಾಶ ಆಯಿಪೋಪ; ಈ ಲೋಕತ್‍ಲ್ ದಾರ್ ತಾಂಡ ಜೀವತ್‍ನ ದ್ವೇಶ ಮಾಡ್‌ವ, ಅಯಿಂಗ ಅಯಿಂಗಡ ಜೀವತ್‍ನ ನಿತ್ಯ ಜೀವಕಾಯಿತ್ ಕಾಪಾಡ್‌ವ.

ಯೋಹಾನ 14:21

ನಾಡ ಆಜ್ಞೆನ ಪಡ್ಂದಿತ್ ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನನ್ನ ಪ್ರೀತಿ ಮಾಡ್‌ವಯಿಂಗ; ನನ್ನ ಪ್ರೀತಿ ಮಾಡ್‌ವಯಿಂಗಳ ನಾಡ ಅಪ್ಪ ಪ್ರೀತಿ ಮಾಡ್‌ವ. ನಾನ್ ಸಹ ಅಯಿಂಗಳ ಪ್ರೀತಿ ಮಾಡಿತ್, ನನ್ನ ಅಯಿಂಗಕ್ ಕಾಂಬ್‌ಚಿಡ್‍ವೀಂದ್ ಎಣ್ಣ್‌ಚಿ.

1 ಪೇತ್ರ 3:10

ದಾರ್ ಅಯಿಂಗಡ ಬದ್‍ಕ್‍ನ ಪ್ರೀತಿಚಿಡುವ, ಪಿಂಞ ನಲ್ಲ ಬವಿಷ್ಯ ಬರಂಡೂಂದ್ ಗೇನ ಮಾಡ್‌ವ, ಅಯಿಂಗ ಕೆಟ್ಟದ್ ಪರಿಯುವಕ್ ತಾಂಡ ನಾವ್‌ನ ಪಿಂಞ ಪೊಟ್ಟ್ ಪರಿಯುವಕ್ ತಾಂಡ ಕಿರಿನ ಅಡಕುವ.