ಜ್ಞಾನತ್‌ರ ಪಡಿಮ 19:29 - ಕೊಡವ ಬೈಬಲ್

²⁹ ಪರಿಹಾಸ ಮಾಡ್‌ವಯಿಂಗಕ್‌ ದಂಡನೆಯು, ಮೂಡಂಗಡ ಬೆನ್ನ್‌ಕ್ ಪೊಯ್ತು ತಯಾರಾಯಿತ್ ಉಂಡ್.

ಜ್ಞಾನತ್‌ರ ಪಡಿಮ 19:29 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:22

ಸಾದು ಜನಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಮೂಡತನತ್‌ಲ್‌ ಕುಶಿಪಡುವಿರಾ? ಪರಿಹಾಸ ಮಾಡ್‌ವಯಿಂಗಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಪರಿಹಾಸ ಮಾಡ್‌ವದ್‌ಲ್‌ ಕುಶಿಪಡುವಿರಾ? ಮೂಡಂಗಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಅರಿವ್‌ನ ದ್ವೇಷ ಮಾಡುವಿರ?

ಜ್ಞಾನತ್‌ರ ಪಡಿಮ 1:26

ಆಂಗಾಯಿತ್, ನಾನ್‌ ಸಹ ನಿಂಗಡ ಅಪಾಯತ್‌ರ ನೇರತ್‌ಲ್‌ ನಿಂಗಳ ನೋಟಿತ್‌ ತೆಳಿಪಿ, ನಿಂಗಕ್‌ ಕ್‍ೕಡ್‌ ಬಪ್ಪಕ ನಿಂಗಳ ಪರಿಹಾಸ ಮಾಡುವಿ.

ಜ್ಞಾನತ್‌ರ ಪಡಿಮ 10:13

ವಿವೇಕ ಉಳ್ಳಂವೊಂಡ ಬಾಯಿಯಿಂಜ ಬಪ್ಪ ತಕ್ಕ್‌ ಜ್ಞಾನ ಉಳ್ಳದಾಯಿತ್‌ಪ್ಪ. ಆಚೇಂಗಿ ಬುದ್ದಿ ಇಲ್ಲತಂವೊಂಡ ಬೆನ್ನ್‌ಕ್ ಪೊಯ್ಯಿತ್‌ ಕ್‌ಟ್ಟುವದೇ ಸೆರಿ.

ಜ್ಞಾನತ್‌ರ ಪಡಿಮ 17:10

ಮೂಡನ ಅರ್ಥ ಮಾಡ್‌ಚಿಡೊಕ್‌ ನೂರ್‌ ಪೊಯ್ಯಿತ್‌ ಕೊಡ್‌ಪಕಿಂಜಿ ಬುದ್ದಿವಂತಂವೊಂಗ್‌ ಒಮ್ಮ ಚೂಕ್‌ಚಿಟ್ಟತೇಂಗಿ ಮದಿ ಆಪ.

ಜ್ಞಾನತ್‌ರ ಪಡಿಮ 18:6

ಮೂಡಂಡ ತಕ್ಕ್‌ ಜಗಳತ್‌ನ ಉಂಟ್ ಮಾಡುವ. ಅಂವೊಂಡ ಬಾಯಿ ಪೊಯ್ಯಿತ್‌ ಕ್‌ಟ್ಟ್‌ವಕ್‌ ಕ್‍ೕಪ.

ಜ್ಞಾನತ್‌ರ ಪಡಿಮ 26:3

ಕುದುರೆಕ್‌ ಕೋಲು, ಕತ್ತೆಕ್‌ ಕಡಿವಾಣವು, ಮೂಡಂಡ ಬೆನ್ನ್‌ಕ್ ಪೊಯ್ಯಿತ್‌ ಕ್‌ಟ್ಟುವದು ಸೆರಿ.

ಜ್ಞಾನತ್‌ರ ಪಡಿಮ 3:34

ಪರಿಹಾಸ ಮಾಡ್‌ವಂವೊನ ಯೆಹೋವ ಪರಿಹಾಸ ಮಾಡುವ. ತಗ್ಗಿತ್‌ ಉಳ್ಳಯಿಂಗಕ್‌ ಕರುಣೆ ಕಾಟುವ.

ಜ್ಞಾನತ್‌ರ ಪಡಿಮ 7:22

ಒಮ್ಮಕೆ ಅಂವೊ ಅವಡ ಬಯ್ಯ ಪೋಚಿ. ಒರ್‌ ಎತ್ತ್‌ ಅರ್ಪಕಾಯಿತ್‌ ಪೋಪನೆಕೆಯು, ಒರ್‌ ಮೂಡ ತಾಂಗ್‌ ಸರ್ಪಣಿ ಇಟ್ಟಿತ್‌ ದಂಡನೆಕ್‌ ಪೋಪನೆಕೆಯು,

ಜ್ಞಾನತ್‌ರ ಪಡಿಮ 9:12

ನೀನ್‌ ಜ್ಞಾನಿಯಾಚೇಂಗಿ, ನೀಡ ಜ್ಞಾನ ನೀಕೆ ಲಾಬವಾಯಿತ್‌ಪ್ಪ. ನೀನ್‌ ಪರಿಹಾಸ ಮಾಡ್‌ವೊಂವೊನಾಚೇಂಗಿ, ನೀನೆ ಅದ್‌ಂಡ ಫಲತ್‌ನ ಅನುಬವಿಚಿಡುವಿಯ.

ಇಬ್ರಿಯ 12:6

ಒಡೆಯಂಗ್ ದಾಡ ಮೇಲೆ ಪ್ರೀತಿ ಉಂಡೋ, ಅಯಿಂಗಕ್ ಅಂವೊ ಶಿಕ್ಷೆ ತಪ್ಪ. ತಾಂಡ ಮಕ್ಕಳಾಯಿತ್ ಸ್ವೀಕಾರ ಮಾಡ್‌ವ ಎಲ್ಲಾ ಮಕ್ಕಳ ಅಂವೊ ಪೊಯ್ಯುವಾಂದ್ ಮಕ್ಕಕ್ ಎಣ್ಣುವನೆಕೆ ನಾನ್ ನಿಂಗಕ್ ಬುದ್ದಿ ಎಣ್ಣ್‌ನದ್‍ನ ನಿಂಗ ಮರ್‌ಂದಿತುಳ್ಳಿರ.