ಜ್ಞಾನತ್‌ರ ಪಡಿಮ 19:21 - ಕೊಡವ ಬೈಬಲ್

²¹ ಮನುಷ್ಯಂಡ ಮನಸ್ಸ್‌ಲ್‌ ಅನೇಕ ಯೋಜನೆ, ಆಚೇಂಗಿಯು ಯೆಹೋವಂಡ ಚಿತ್ತವೇ ನೆರವೇರುವ.

ಜ್ಞಾನತ್‌ರ ಪಡಿಮ 19:21 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 50:20

ನಿಂಗ ನಾಕ್‍ ಕ್‍ೕಡ್‌ ಮಾಡಂಡೂಂದ್‌ ಗೇನ ಮಾಡಿರ. ಆಚೇಂಗಿ ದೇವ ಇದ್‌ನೆಲ್ಲ ನಲ್ಲಂಗೇ ಮಾಡ್‌ಚಿ. ಇಕ್ಕ ಎಚ್ಚಕೋ ಜನಡ ಜೀವತ್‌ನ ಉಳ್‌ಚಿಡ್‌ವಕ್‌ ನನ್ನ ಈ ಸ್ತಾನಕ್‌ ದೇವ ಕೊಂಡಬಂದಿಯೆ.

ಎಸ್ತೆರ್‌ 9:25

ಆಚೇಂಗಿಯು ಎಸ್ತೇರ್, ರಾಜಂಡ ಮಿಂಞತ್‌ ಪೋಯಿತ್, ಒಳ್‌ದಿತುಳ್ಳ ಆಜ್ಙೇನೆ ಕೊಡ್‌ತ್ತತ್. ಹಾಮಾನ ಯೆಹೂದ್ಯಂಗಕ್‌ ವಿರುದ್ದವಾಯಿತ್‌ ಗೇನ ಮಾಡ್‌ನ ಚದಿನ ಅಂವೊಂಡ ಮಂಡೆರ ಮೇಲೆಯೇ ಬಪ್ಪನೆಕೆ ಬೋರೆ ಆಜ್ಞೆನ ಮಾಡ್‍ನಗುಂಡ್, ಅಂವೊನ ಪಿಂಞ ಅಂವೊಂಡ ಕ್‌ಣ್ಣ ಮಕ್ಕಳ ಸಹ ತೂಕ್‌ಮರತ್‌ಲ್‌ ಇಟ್ಟತ್.

ಜ್ಞಾನತ್‌ರ ಪಡಿಮ 12:2

ನಲ್ಲ ಮನುಷ್ಯಂಗ್‌ ಯೆಹೋವಂಡ ದಯೆ ಇಪ್ಪ. ಆಚೇಂಗಿ ಕೆಟ್ಟ ಗೇನ ಉಳ್ಳಂವೊಂಗ್‌ ದಂಡನೆ ಕ್‌ಟ್ಟುವ .

ಜ್ಞಾನತ್‌ರ ಪಡಿಮ 16:1

ಮನಸ್ಸ್‌ರ ಯೋಜನೆ ಮನುಷ್ಯಂಗಡದ್. ನಾವ್‌ಕ್‌ ಸೆರಿಯಾನ ಜವಾಬ್ ಕೊಡ್‌ಪಂವೊ ಯೆಹೋವನೇ.

ಜ್ಞಾನತ್‌ರ ಪಡಿಮ 16:9

ಮನುಷ್ಯಂಡ ಮನಸ್ಸ್‌ ಅಂವೊಂಡ ಕಾರ್ಯತ್‌ನ ಗೇನ ಮಾಡುವ. ಆಚೇಂಗಿ ಅಂವೊಂಡ ಬದ್‌ಕ್‌ರ ಬಟ್ಟೆನ ತೀರ್ಮಾನ ಮಾಡ್‌ವಂವೊ ಯೆಹೋವನೇ.

ಜ್ಞಾನತ್‌ರ ಪಡಿಮ 19:22

ತನ್ನ ಎಕ್ಕಾಲು ಪ್ರೀತಿಚಿಡಂಡೂಂದೇ ಮನುಷ್ಯ ಆಸೆ ಪಡುವ. ಪೊಟ್ಟ್‌ ಪರಿಯುವಕಿಂಜಿ ಗರೀಬನಾಯಿತ್‌ ಇಪ್ಪದೇ ಮೇಲ್.

ಜ್ಞಾನತ್‌ರ ಪಡಿಮ 21:1

ರಾಜಂಡ ಹೃದಯ ಯೆಹೋವಂಡ ಕೈಯಿಲ್‌ ತೋಡುರನೆಕೆ ಉಂಡ್. ಅದ್‌ನ ಅಂವೊಂಡ ಚಿತ್ತತ್‌ರನೆಕೆ ಏದ್‌ ಬರಿಕ್‌ ಬೋಂಡಿಯೇಂಗಿಯು ತಿರ್‌ಕುವ.

ಜ್ಞಾನತ್‌ರ ಪಡಿಮ 21:30

ಮನುಷ್ಯಂಡ ಜ್ಞಾನವು, ಬುದ್ದಿಯು, ಆಲೋಚನೆಯು ಯೆಹೋವಂಡ ಮಿಂಞ ನಿಪ್ಪುಲೆ.

ಎಫೆಸ 1:11

ದೇವಡ ಏರ್ಪಾಡ್‌ರ ಪ್ರಕಾರ ಅಂವೊಂಡ ತೀರ್ಮಾನತ್‍ರನೆಕೆ ಎಲ್ಲಾ ಆಯಂಡುಂಡ್. ಅನ್ನನೆ, ಅಂವೊಂಡ ಚಿತ್ತತ್‍ರನೆಕೆ, ನಂಗ ಅಂವೊಂಡ ಕೂಡೆ ಒಂದಾಯಿತ್ ಇಪ್ಪಕು, ಅಂವೊಂಡ ಕೂಡೆ ಪಾಲ್‍ದಾರಂಗಳಾಯಿತ್ ಇಪ್ಪಕು ಎಲ್ಲಾಕಿಂಜ ಮಿಂಞಲೇ, ದೇವ ನಂಗಳ ಗೊತ್ತ್ ಮಾಡ್‍ಚಿ.

1 ಪೇತ್ರ 2:8

ಆ ಕಲ್ಲ್ ಮನುಷ್ಯಂಗಳ ತಡ್‍ಪಕು ಬೂವಕು ಮಾಡ್‌ವ ಬಂಡೆಯಾಯಿತ್ ಆಚಿ. ಅಯಿಂಗ ದೇವಡ ಉಪದೇಶಕ್ ಬಗ್ಗ್‌ಚಿಡತಗುಂಡ್ ಅದ್ ತಡ್‍ತಂಡುಂಡ್, ಅದ್ಂಗೇ ಅಯಿಂಗಳ ನೇಮಿಚಿಟ್ಟಯಿಂಗಳಾಯಿತುಂಡ್.

ಯೂದ ಒಳ್‍ದ್‍ನ ಕಾಗದ 1:4

ಎನ್ನಂಗೆಣ್ಣ್‌ಚೇಂಗಿ, ದೇವಡ ಮೇಲೆ ದಂಗೆ ಮಾಡ್‌ವ ಚೆನ್ನ ಜನ ನಿಂಗಕ್ ಗೊತ್ತಿಲ್ಲತೆ ನಿಂಗಡ ಸಬೇಲ್ ನುಗ್ಗಿತ್, ದೇವಡ ಕೃಪೆ ನಂಗಳ ಕಾಮಾಬಿಲಾಷೆ ಪಾಪ ಮಾಡ್‌ವಕ್ ಅನುಮತಿ ಕೊಡ್‍ತಿತುಂಡ್‍ೕಂದ್ ಎಣ್ಣಿಯಂಡ್, ಯೇಸು ಕ್ರಿಸ್ತ ಒಬ್ಬನೇ ನಂಗಡ ಮೇಲೆ ಎಲ್ಲಾ ಅದಿಕಾರ ಉಳ್ಳ ಒಡೆಯಾಂದ್ ಉಳ್ಳಾನ ಒತ್ತಂಡಿಲ್ಲೆ. ಅಯಿಂಗಡ ತೀರ್ಪ್‌ನ ಪಂಡೇ ದೇವ ಒಳ್‍ದಿ ಬೆಚ್ಚಿತುಂಡ್.