ಜ್ಞಾನತ್‌ರ ಪಡಿಮ 19:2 - ಕೊಡವ ಬೈಬಲ್

² ಮನುಷ್ಯಂಗ್‌ ಅರಿವು ಇಲ್ಲತೆ ಇಪ್ಪದ್‌ ನಲ್ಲದಿಲ್ಲೆ. ದುಡುಕುವ ಕಾಲ್‌ ಬಟ್ಟೆ ತಪ್ಪಿ ಪೋಪ.

ಜ್ಞಾನತ್‌ರ ಪಡಿಮ 19:2 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:16

ಅಯಿಂಗಡ ಕಾಲ್‌ ಕ್‍ೕಡ್‌ ಮಾಡ್‌ವಕ್‌ ಅವಸರತ್‌ಲ್‌ ಇಪ್ಪ. ಅಯಿಂಗ ಜನಡ ಚೋರೆನ ಚೆಲ್ಲ್‌ವಕ್‌ ಅವಸರ ಪಡುವ.

ಜ್ಞಾನತ್‌ರ ಪಡಿಮ 10:21

ನೀತಿವಂತಂವೊಂಡ ತಕ್ಕ್‌ ದುಂಬ ಜನತ್‌ನ ಉಂಬ್‌ಚಿಡುವ. ಆಚೇಂಗಿ ಮೂಡಂಗ, ದಡ್ಡತನತ್‌ಂಜ ನಾಶ ಆಯಿ ಪೋಪ.

ಜ್ಞಾನತ್‌ರ ಪಡಿಮ 14:29

ದುಂಬ ತಾಳ್ಮೆ ಉಳ್ಳಂವೊ ಬಲ್ಯ ಬುದ್ದಿವಂತ. ಮುಂಜೆಡಿ ಉಳ್ಳಂವೊ ತಾನ್‌ ಮೂಡ ಎಣ್ಣಿಯಂಡ್‌ ಕಾಟಿಯೊವ.

ಜ್ಞಾನತ್‌ರ ಪಡಿಮ 21:5

ಕಷ್ಟಪಟ್ಟಿತ್‌ ಕೆಲಸ ಮಾಡುವಂವೊಂಡ ಯೋಜನೆ ಅಬಿವೃದಿ ಪೊಂದ್ವನೆಕೆ ಮಾಡುವ. ಆತುರತ್‌ಲ್‌ ನಡ್‌ಪಂವೊಂಡ ಯೋಜನೆ ಗರಿಬನಾಪಕ್‌ ಮಾಡುವ.

ಜ್ಞಾನತ್‌ರ ಪಡಿಮ 25:8

ನ್ಯಾಯಾಲಯತ್‌ ಪೋಪಕ್‌ ಆತುರ ಪಡತೆ. ಕಡೇಕ್‌ ನೀಡ ನೆರೆಮನೆಕಾರ ನೀನ್‌ ಎಣ್ಣ್‌ವದ್‌ ಪೊಟ್ಟ್‌ಂದ್‌ ಅವಮಾನ ಪಡ್‌ತ್‌ಚೇಂಗಿ ನೀನ್‌ ಎಂತ್‌ ಮಾಡುವಿಯಾ?

ಜ್ಞಾನತ್‌ರ ಪಡಿಮ 28:20

ನಂಬಿಗಸ್ತಂಗ್‌ ಬಲ್ಯ ಆಶೀರ್ವಾದ ಕ್‌ಟ್ಟುವ. ಐಶ್ವರ್ಯವಂತನಾಪಕ್‌ ಆತುರಪಡ್‌ವಂವೊಂಗ್‌ ಕಂಡಿತವಾಯಿತ್‌ ತಂಡನೆ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 28:22

ಜೀಣೆ ಬುದ್ದಿ ಉಳ್ಳಂವೊ ಐಶ್ವರ್ಯವಂತನಾಪಕ್‌ ಆತುರ ಪಡುವ. ಆಚೇಂಗಿ ಅಂವೊ ಬೆರಿಯ ಗರೀಬನಾಪಾಂದ್‌ ಅಂವೊಂಗ್‌ ಗೊತ್ತಿಲ್ಲೆ.

ಜ್ಞಾನತ್‌ರ ಪಡಿಮ 29:20

ದುಡ್‌ಕಿತ್‌ ತಕ್ಕ್‌ ಪರಿಯುವಂವೊನ ನೀನ್‌ ಕಂಡಿತುಳ್ಳಿಯ? ಅನ್ನನೆ ಉಳ್ಳ ಮನುಷ್ಯಕಿಂಜಿ ಮೂಡಂಡ ಮೇಲೆ ನಂಬಿಕೆ ಇಡಲು.

ಯೋಹಾನ 16:3

ಅಯಿಂಗಕ್ ನನ್ನ, ನಾಡ ಅಪ್ಪನ ಗೊತ್ತಿಲ್ಲತಗುಂಡ್ ಇದ್‍ನೆಲ್ಲಾ ನಿಂಗಕ್ ಮಾಡ್‌ವ.

ರೋಮ್ 10:2

ದೇವಡ ಮೇಲೆ ಅಯಿಂಗಕ್ ಬಾರಿ ಬಕ್ತಿ ಉಂಡ್‍ೕಂದ್ ನಾನ್ ಅಯಿಂಗಡ ವಿಷಯತ್ ಸಾಕ್ಷಿ ಎಣ್ಣ್‌ವಿ; ಆಚೇಂಗಿ ಅದ್ ಬುದ್ದಿವಂತ ಬಕ್ತಿ ಅಲ್ಲ.

ಫಿಲಿಪ್ಪಿ 1:9

ನಿಂಗಡ ಪ್ರೀತಿ ಇಂಞು ದುಂಬ ದುಂಬಿತ್ ದೇವಡ ವಿಷಯತ್‍ಲ್ ನೇರಾನ ಬುದ್ದಿಲ್, ಶುದ್ದವಾನ ಜ್ಞಾನತ್‍ಲ್ ನಿಂಗ ಬೊಳ್ಂದಂಡ್ ಬರಂಡೂಂದ್ ನಾನ್ ನಿಂಗಕಾಯಿತ್ ದೇವಡ ಪಕ್ಕ ಪ್ರಾರ್ಥನೆ ಮಾಡಿಯುಂಡುಳ್ಳ.