ಜ್ಞಾನತ್‌ರ ಪಡಿಮ 19:16 - ಕೊಡವ ಬೈಬಲ್

¹⁶ ಆಜ್ಞೆಕ್‌ ತಗ್ಗಿತ್‌ ನಡ್‌ಪಂವೊ ತಾಂಡ ಜೀವತ್‌ನ ಕಾಪಾಡುವ. ಆಚೇಂಗಿ ತಾಂಡ ಬಟ್ಟೆಲ್‌ ಎಚ್ಚರಯಿಲ್ಲತೆ ನಡ್‌ಪಂವೊ ಚತ್ತ್‌ ಪೋಪ.

ಜ್ಞಾನತ್‌ರ ಪಡಿಮ 19:16 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 13:13

ಬೋದನೇನ ಅಲ್ಲಗೆಳೆಯುವಂವೊ ನಾಶ ಆಯಿಪೋಪ. ಆಚೇಂಗಿ ಆಜ್ಞೆಕ್‌ ತಗ್ಗಿತ್‌ ನಡ್‌ಪಂವೊಂಗ್‌ ಬಹುಮಾನ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 15:32

ಬೋದನೆನ ತ್‌ಕ್ಕಾರ ಮಾಡ್‌ವಂವೊ, ತಾಂಡ ಆತ್ಮತ್‌ನ ದ್ವೇಷ ಮಾಡುವ. ಚೂಕ್‌ ತಕ್ಕ್‌ನ ಕ್‍ೕಪಂವೊ ಜ್ಞಾನತ್‌ನ ಪಡ್‌ಂದೊವ.

ಜ್ಞಾನತ್‌ರ ಪಡಿಮ 16:17

ಸತ್ಯವಂತಯಿಂಗಡ ಬದ್‌ಕ್‌ರ ಬಟ್ಟೆ ಅಯಿಂಗಳ ಕ್‍ೕಡಿಂಜ ದೂರ ಬೆಪ್ಪ. ತಾಂಡ ಬಟ್ಟೆನ ಎಚ್ಚರಿಕೆಲ್‌ ನಡ್‌ತ್‌ವಂವೊ ತಾಂಡ ಆತ್ಮತ್‌ನ ಕಾಪಾಡಿಯೊವ.

ಜ್ಞಾನತ್‌ರ ಪಡಿಮ 21:16

ವಿವೇಕತ್‌ರ ಬಟ್ಟೆನ ಬುಟ್ಟಿತ್‌ ಪೋನಂವೊ ಕಡೇಕ್‌ ಚತ್ತಯಿಂಗಡ ಗುಂಪ್‌ಕ್‌ ಕೂಡಿರುವ.

ಜ್ಞಾನತ್‌ರ ಪಡಿಮ 21:23

ತಾಂಡ ಬಾಯಿನ ಪಿಂಞ ನಾವ್‌ನ ಕಾಪಂವೊ, ನಾಶತಿಂಜೆಲ್ಲ ಅಂವೊನ ಕಾಪಾಡಿಯೊವ.

ಜ್ಞಾನತ್‌ರ ಪಡಿಮ 22:5

ಕಪಟತನ ಉಳ್ಳಂವೊಂಡ ಬಟ್ಟೆಲ್‌ ದುಂಬ ಮುಳ್ಳು ಕೆಣಿಯು ಉಂಡ್. ಆಚೇಂಗಿ ತಾಂಡ ಆತ್ಮತ್‌ನ ಕಾಪಂವೊ ಅದ್‌ನೆಲ್ಲಾ ಬುಟ್ಟಿತ್‌ ದೂರ ಇಪ್ಪ.

ಜ್ಞಾನತ್‌ರ ಪಡಿಮ 29:18

ಪ್ರವಾದನೆ ಇಲ್ಲತ ಜಾಗತ್‌ಲ್‌ ಜನ ನಾಶ ಆಯಿ ಪೋಪ. ಆಚೇಂಗಿ ನ್ಯಾಯಪ್ರಮಾಣಕ್‌ ತಗ್ಗಿತ್‌ ನಡ್‌ಪಂವೊ ಆಶೀರ್ವಾದ ಪಡ್‌ಂದಂವೊ.

ಜ್ಞಾನತ್‌ರ ಪಡಿಮ 3:1

ನಾಡ ಮೋನೇ, ನಾಡ ಬೋದನೆನ ಮರ್‌ಕತೆ. ನಾಡ ಆಜ್ಞೆನ ನೀಡ ಹೃದಯತ್‌ಲ್‌ ಗೇನ ಬೆಚ್ಚ.

ಮತ್ತಾಯ 16:26

ಒರ್ ಮನುಷ್ಯ ಈ ಲೋಕತ್‍ಲ್ ಉಳ್ಳಾನೆಲ್ಲಾ ತಾಂಗ್ ಸ್ವಂತವಾಯಿತ್ ಮಾಡ್‍ಚೇಂಗಿಯು, ಅಂವೊ ನಾಡ ಶಿಷ್ಯನಾಯಿತ್ ನಾಡ ಬಯ್ಯತ್ ಬರತೆ ಪೋಚೇಂಗಿ, ಅಂವೊಂಗ್ ಎಂತ ಲಾಬ? ಅಂವೊ ನಿತ್ಯ ಜೀವ ಇಲ್ಲತೆ ಚತ್ತ್ ಪೋಪ. ಅನ್ನನೆ ಆಚೇಂಗಿ ಅಂವೊಂಗ್ ನಿತ್ಯ ಜೀವ ಕ್‍ಟ್ಟ್‌ವಕ್ ಒಂದು ಮಾಡ್‌ವಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:28

ಯೇಸು ಅಂವೊಂಗ್: ಅಕ್ಕು, ಸರಿಯಾಯಿತ್ ಎಣ್ಣಿಯ. ಅನ್ನನೆ ಮಾಡ್ ಅಕ್ಕ ನೀನ್ ಬದ್‌ಕ್‍ವಿಯಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:28

ಅದ್ಂಗ್ ಅಂವೊ: ಅಕ್ಕು ನೇರೇ, ಆಚೇಂಗಿಯು, ದೇವಡ ವಾಕ್ಯತ್‍ನ ಕ್‍ೕಟಿತ್, ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನೇರಾಯಿತ್ ಆಶೀರ್ವಾದ ಪಡ್ಂದಯಿಂಗಾಂದ್ ಎಣ್ಣ್‌ಚಿ.

ಯೋಹಾನ 14:15

ನಿಂಗಕ್ ನಾಡ ಮೇಲೆ ಪ್ರೀತಿ ಉಂಡೇಂಗಿ ನಾಡ ಆಜ್ಞೆಂಗಕ್ ಬಗ್ಗಿತ್ ನಡ್‍ಪಿರ.

1 ಕೊರಿಂಥ 7:19

ನೀಕ್ ಸುನ್ನತಿ ಆಯಿತ್ಂಜತೇಂಗಿಯು, ಸುನ್ನತಿ ಆಕತ ಇಂಜತೇಂಗಿಯು ಅದ್ ನಿಂಗಳ ದೇವಡ ಪಕ್ಕ ಬಲ್ಯಂಗಳಾಯಿತ್ ಕಾಟ್‌ಲೆ. ಅದ್ಂಡ ಬದ್‍ಲ್ ದೇವಡ ಆಜ್ಞೆರನೆಕೆ ಮಾಡ್‌ವದೇ ಮುಕ್ಯ.

1 ಯೋಹಾನ 3:22

ನಂಗ ದೇವಡ ಆಜ್ಞೆರ ಪ್ರಕಾರ ನಡ್‌ಂದಿತ್, ದೇವಕ್ ಕುಶಿಯಾನ ಕೆಲಸತ್‍ನ ಮಾಡ್‌ವಗುಂಡ್ ದೇವಡ ಪಕ್ಕ ಎಂತ ಬೋಡ್‍ಚೇಂಗಿಯು, ದೇವ ಅದ್‍ನ ನಂಗಕ್ ತಪ್ಪ.

1 ಯೋಹಾನ 5:3

ದೇವಡ ಆಜ್ಞೆರನೆಕೆ ನಡ್ಂದತೇಂಗಿ ಅಂವೊನ ಪ್ರೀತಿ ಮಾಡ್‌ವನೆಕೆ. ಪಿಂಞ ಅಂವೊಂಡ ಆಜ್ಞೆನ ಮಾಡ್‌ವಕ್ ನಂಗಕ್ ದುಂಬ ಕಷ್ಟವಾಯಿತ್‌ಪ್ಪುಲೆ.

ಪ್ರಕಟನೆ 22:14

ಜೀವತ್‍ರ ಮರಕ್ ಅದಿಕಾರ ಉಳ್ಳಯಿಂಗಳಾಯಿತು, ಪಟ್ಟಣತ್‍ರ ಒಳ್‍ಕ್ ಬಾಯಿಕಂಡಿರ ಮೂಲಕ ಪೋಪಕಾಯಿತ್ ತಾಂಡ ಬಟ್ಟೇನ ನೆಲೆಚಿತ್ ಶುದ್ದವಾಯಿತ್ ಬೆಪ್ಪಯಿಂಗ ಆಶೀರ್ವಾದ ಪಡ್ಂದಯಿಂಗ.