ಜ್ಞಾನತ್‌ರ ಪಡಿಮ 18:23 - ಕೊಡವ ಬೈಬಲ್

²³ ಗರಿಬನಾನಂವೊ ಎರ್‌ಂದಿತ್‌ ಕ್‍ೕಪ. ಪಣಕಾರ ಕಡ್‌ಪಾಯಿತ್‌ ಜವಾಬ್ ಕೊಡ್‌ಪ.

ಜ್ಞಾನತ್‌ರ ಪಡಿಮ 18:23 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 42:30

ಆ ದೇಶತ್‌ರ ಅದಿಪತಿ, ನಂಗ ಆ ದೇಶ ಎಚ್ಚಕ್‌ ಬಲಹೀನವಾಯಿತುಂಡ್‍ೕಂದ್‌ ನೋಟ್‌ವಕ್‌ ಬಂದ ಗುಪ್ತಚಾರಂಗಾಂದ್‌ ಗೇನ ಮಾಡಿತ್‌ ನಂಗಡ ಕೂಡೆ ದುಂಬ ಕಠಿಣವಾಯಿತ್‌ ತಕ್ಕ್‌ ಪರ್‌ಂದತ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 42:7

ಯೋಸೇಫ ಅಯಿಂಗಳ ಅಕ್ಕಲೆ ಗುರ್‌ತ್‌ ಪುಡ್‌ಚತ್. ಆಚೇಂಗಿಯು ಅಯಿಂಗಳ ಅರಿಯತನಕೆ ಅಯಿಂಗಡ ಕೂಡೆ ಕಠಿಣವಾಯಿತ್‌ ತಕ್ಕ್‌ ಪರ್ಂದತ್. ಅಂವೊ ಅಯಿಂಗಳ ನೋಟಿತ್: ನಿಂಗ ಎಲ್ಲಿಂಜ ಬಂದಿರಾಂದ್‌ ಕ್‍ೕಟತ್. ಅಕ್ಕ ಅಯಿಂಗ: ನಂಗ ಕಾನಾನ್‌ ದೇಶತ್‌ಂಜ ಆಹಾರ ದಾನ್ಯತ್‌ನ ಕ್ರಯಕ್‌ ಎಡ್‌ತಂಡ್‌ ಪೋಪಕಾಯಿತ್‌ ಬಂದಿಯೇಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 19:7

ಗರಿಬನ ಅಂವೊಂಡ ಮನೆಕಾರ ಎಲ್ಲಾರು ವಿರೋದ ಮಾಡುವಲ್ಲ. ಅನ್ನನಾಚೇಂಗಿ ಇಂಞು ಎಚ್ಚಕ್‌ ಅಂವೊಂಡ ಸ್ನೇಹಿತಂಗ ದೂರ ಆಪ. ಅಯಿಂಗಡ ಸಹಾಯಕಾಯಿತ್‌ ಅಂವೊ ಬೋಡ್‌ಚೇಂಗಿಯು, ಅಯಿಂಗ ಅಂವೊಂಗ್‌ ಕ್‌ಟ್ಟುಲೆ.

ಜ್ಞಾನತ್‌ರ ಪಡಿಮ 22:7

ಐಶ್ವರ್ಯವಂತ ಗರೀಬನ ಆಳ್‌ವಿಕೆ ಮಾಡುವ. ಸಾಲ ಎಡ್‌ತಂವೊ ಸಾಲ ಕೊಡ್‌ತಂವೊಂಗ್‌ ಅಡಿಯಾಳಾಯಿತ್‌ಪ್ಪ.

ಮತ್ತಾಯ 5:3

ಆತ್ಮತ್‍ಲ್ ಗರೀಬ ಆಯಿತುಳ್ಳಯಿಂಗ ಆಶೀರ್ವಾದ ಪಡ್ಂದಯಿಂಗ; ಪರಲೋಕ ರಾಜ್ಯ ಅಯಿಂಗಡದಾಯಿತ್‌ಪ್ಪ.

ಯಾಕೋಬ 2:3

ಅಕ್ಕ ನಿಂಗ ಚಾಯಿ ಬಟ್ಟೆ ಇಟ್ಟಿತುಳ್ಳ ಮನುಷ್ಯನ ಚಾಯಿತೆ ಸತ್ಕಾರ ಮಾಡಿತ್ ಅಂವೊ ಅಳ್‌ಪಕ್ ನಲ್ಲ ಜಾಗ ಕೊಡ್‍ಪಿರ. ಅದೇ ಸಮಯತ್‍ಲ್ ಬಡವಂಗ್: ನೀನ್ ಇಲ್ಲೆ ನಿಂದ, ಅಲ್ಲತ ಪೋನಕ ನಾಡ ಕಾಲ್‍ರ ಅಡಿಲ್ ಅಳೆ ಎಣ್ಣಿಯಂಡ್ ಎಣ್ಣುವಿರ.

ಯಾಕೋಬ 2:6

ಆಚೇಂಗಿ ನಿಂಗ ಬಡವಯಿಂಗಳ ಅಲ್ಲಗೆಳದಿತುಳ್ಳಿರ. ಐಶ್ವರ್ಯವಂತಯಿಂಗತಾನೆ ನಿಂಗಳ ಮೋಸ ಮಾಡ್‌ವಯಿಂಗ? ಅಯಿಂಗತಾನೆ ನಿಂಗಳ ನ್ಯಾಯ ತೀರ್ಪ್‌ರ ಜಾಗಕ್ ಬಲ್‍ಚಂಡ್ ಪೋಪ?