ಜ್ಞಾನತ್‌ರ ಪಡಿಮ 18:22 - ಕೊಡವ ಬೈಬಲ್

²² ಪೊಣ್ಣ್‌ನ ಪಡ್‌ಂದವೊ ನಲ್ಲದ್‌ನ ಪಡ್‌ಂದಿತ್. ಯೆಹೋವಂಡ ದಯೆ ಅಂವೊಂಗ್‌ ಕ್‌ಟ್ಟಿತುಂಡ್.

ಜ್ಞಾನತ್‌ರ ಪಡಿಮ 18:22 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 2:18

ಅಲ್ಲಿಂಜ ಯೆಹೋವನಾನ ದೇವ: ಮನುಷ್ಯ ಒಂಟಿಯಾಯಿತ್‌ ಇಪ್ಪದ್‌ ನಲ್ಲದಿಲ್ಲೆ. ಅಂವೊಂಗ್‌ ಸರಿಯಾನ ಜೊತೆಗಾರ್ತಿನ ಮಾಡ್‌ವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 24:67

ಅಲ್ಲಿಂಜ ಇಸಾಕ ಅವಳ ತಾಂಡ ಅವ್ವ ಸಾರಳಂಡ ಗುಡಾರಕ್‌ ಕಾಕಿಯಂಡ್‌ ಪೋಯಿತ್, ರೆಬೆಕ್ಕಳ ಮಂಗಲ ಕಯಿಚತ್. ಅವ ಅಂವೊಂಡ ಪೊಣ್ಣ್‌ ಆಚಿ. ಅಂವೊ ಅವಳ ಪ್ರೀತಿ ಮಾಡಿತ್‌ ತಾಂಡ ಅವ್ವ ಚತ್ತ ದುಃಖತ್‌ನ ಮರ್‌ಂದತ್.

ಆದ್ಯತ್‌ರ ಪುಸ್ತಕ 29:28

ಅನ್ನನೆ ಯಾಕೋಬ ಪೆರಿಯ ಮೋವಡ ಮಂಗಲತ್‍ರ ವಾರತ್‌ನ ನೆರೆವೇರಿಚಿಟ್ಟತ್. ಅಕ್ಕ ಲಾಬಾನ ಅಂವೊಂಗ್‌ ತಾಂಡ ಎಳೆಯ ಮೋವಳಾನ ರಾಹೇಲಳ ಮಂಗಲ ಕಯಿಚಿ ಕೊಡ್‌ತತ್.

ಜ್ಞಾನತ್‌ರ ಪಡಿಮ 12:4

ನಲ್ಲ ಗುಣವುಳ್ಳ ಪೊಣ್ಣ್‌ ಅವಡ ವಡಿಯಂಗ್‌ ಕಿರೀಟವಾಯಿತ್‌ಪ್ಪ. ಆಚೇಂಗಿ ಞಾಣ ಇಲ್ಲತ ಪೊಣ್ಣ್‌ ವಡಿಯಂಡ ಮೂಳೆಕ್‌ ಕೀಂಜಿ ಬಂದನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 19:14

ಮನೆಯು ಆಸ್ತಿಯು ಅಪ್ಪಂಗಡಕಿಂಜ ಕ್‌ಟ್ಟುವ ಬಾದ್ಯತೆ. ಆಚೇಂಗಿ ಬುದ್ದಿ ಉಳ್ಳ ಪೊಣ್ಣ್‌ನ ಯೆಹೋವ ಮಾತ್‌ರ ತಪ್ಪ ಕಯ್ಯು.

ಜ್ಞಾನತ್‌ರ ಪಡಿಮ 3:4

ಅಕ್ಕ ನೀಕ್‌ ದೇವಡ ಮಿಂಞತು ಮನುಷ್ಯಂಡ ಮಿಂಞತು ದಯೆ ಕ್‍ಟ್ಟಿತ್, ನೀನ್‌ ನಲ್ಲ ಪೆದತನ ಸಂಪಾದನೆ ಮಾಡ್‌ವಿಯ.

ಜ್ಞಾನತ್‌ರ ಪಡಿಮ 8:35

ನನ್ನ ಕಂಡ್‌ಪುಡಿಪಂವೊ ಜೀವತ್‌ನ ಕಂಡ್‌ಪುಡಿಪ. ಒಡೆಯಂಡ ದಯೆ ಸಹ ಅಂವೊಂಗ್‌ ಕ್‌ಟ್ಟುವ.

1 ಕೊರಿಂಥ 7:2

ಆಚೇಂಗಿ, ಇಚ್ಚಕ್ ಲೈಂಗಿಕ ಪಾಪತ್‍ರ ಸೋದನೆ ಉಳ್ಳಗುಂಡ್ ಪ್ರತಿಯೊರ್ ಮನುಷ್ಯಂಗು ಒರ್ ಸ್ವಂತ ಪೊಣ್ಣ್ ಬೋಂಡು, ಪ್ರತಿಯೊರ್ ಪೊಣ್ಣಾಳ್‍ಕು ಒರ್ ಸ್ವಂತ ವಡಿಯ ಬೋಂಡು.