ಜ್ಞಾನತ್‌ರ ಪಡಿಮ 17:24 - ಕೊಡವ ಬೈಬಲ್

²⁴ ಬುದ್ದಿವಂತಂವೊಂಡ ಮಿಂಞ ಜ್ಞಾನವೇ ಇಪ್ಪ. ಆಚೇಂಗಿ ಮೂಡಂಡ ಕಣ್ಣ್‌ ಈ ಬೂಮಿರ ಕಡೇಕತ್ತನೆ ತಿರ್‌ಗಿಯಂಡಿಪ್ಪ.

ಜ್ಞಾನತ್‌ರ ಪಡಿಮ 17:24 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:6

ಪರಿಹಾಸ ಮಾಡ್‌ವಂವೊ ಜ್ಞಾನತ್‌ನ ತ್‍ೕಡ್‌ಚೇಂಗಿಯು ಅಂವೊಂಗ್‌ ಕ್‌ಟ್ಟುಲೆ, ಆಚೇಂಗಿ ವಿವೇಕ ಉಳ್ಳಂವೊಂಗ್‌ ಅರಿವು ಸುಲಭವಾಯಿತ್‌ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 15:14

ವಿವೇಕ ಉಳ್ಳಂವೊಂಡ ಮನಸ್ಸ್‌ ಅರಿವುನ ತ್‍ೕಡುವ. ಆಚೇಂಗಿ ಮೂಡಂಗಡ ಬಾಯಿ ಮೂಡತನತ್‌ನ ಮೇಪ.

ಜ್ಞಾನತ್‌ರ ಪಡಿಮ 17:25

ಮೂಡನಾನ ಮೋಂವೊ ತಾಂಡ ಅಪ್ಪಂಗ್‌ ಬೇಸರ, ಪೆತ್ತ ಅವ್ವೊಂಗ್‌ ಕಯಿಪು ಆಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 23:5

ಕಾಂಗತೆ ಆಯಿ ಪೋಪ ವಸ್ತುರ ಮೇಲೆ ನೀಡ ದೃಷ್ಟಿ ಪಾರುವೋ? ಅದ್‌ ಇಂಜನೆಕೆ, ರೆಕ್ಕೆ ಬಪ್ಪಕ್‌ ಮಾಡಿತ್‌ ಗರುಡಪಕ್ಷಿರನೆಕೆ ಬಾನತ್‌ ಪಾರಿಯಂಡ್‌ ಪೋಪ.

ಯೋಹಾನ 7:17

ದೇವಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿ ಉಳ್ಳಂವೊಂಗ್, ನಾನ್ ಮಾಡ್‌ವ ಬೋದನೆ ದೇವಡಯಿಂಜ ಬಪ್ಪ ಬೋದನೆಯಾ, ಅಥವ ನಾಡ ಸ್ವಂತ ಬೋದನೆಯಾಂದ್ ಗೊತ್ತಾಪಾಂದ್ ಜವಾಬ್ ಕೊಡ್‍ತತ್.

1 ಯೋಹಾನ 2:16

ಎನ್ನಂಗೆಣ್ಣ್‌ಚೇಂಗಿ ತಡೀನ ಕುಶಿಪಡ್‌ತ್‌ವ ಆಸೆ, ನೋಟ್‌ವಾನೆಲ್ಲ ಬೋಂಡೂಂದ್ ಉಳ್ಳ ಆಸೆ, ಆಸ್ತಿರ ಹೆಮ್ಮೆ ಇದ್ ಏದು ದೇವನಾನ ಅಪ್ಪಂಡಿಂಜ ಬಪ್ಪುಲೆ. ಇದೆಲ್ಲ ಲೋಕತ್ಂಜ ಬಪ್ಪದೇ.