ಜ್ಞಾನತ್‌ರ ಪಡಿಮ 17:2 - ಕೊಡವ ಬೈಬಲ್

² ಬುದ್ದಿವಂತ ಅಡಿಯಾಳ್, ಅವಮಾನತ್‌ಲ್‌ ಬಡುಕ್ಕುವ ಮೋಂವೊನ ಆಳುವ. ಅಂವೊಂಡ ಅಣ್ಣತಮ್ಮಣಂಗಡ ಆಸ್ತಿಲ್‌ ಇಂವೊಂಗು ಪಾಲ್‌ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 17:2 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:5

ಕೊಯಿಪಣಿ ಕಾಲತ್‌ ಬೊಳೆನ ಕೂಟಿ ಬೆಪ್ಪಂವೊ ಬುದ್ದಿ ಉಳ್ಳ್ ಮೋಂವೊ. ಆಚೇಂಗಿ ಕೊಯಿಪಣಿರ ಕಾಲತ್‌ ವರಿಯಂಡಿಪ್ಪಂವೊ ಅವಮಾನತ್‌ನ ಕೊಂಡ ಬಪ್ಪ ಮೋಂವೊನಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 11:29

ತಾಂಡ ಕುಟುಂಬಕ್‌ ತೊಂದರೆ ಎಡ್‌ತಂಡ್‌ ಬಪ್ಪಂವೊಂಡ ಪಾಲ್‌ಕ್‌ ಕ್‌ಟ್ಟೋದ್‌ ಗಾಳಿಯೇ. ಮೂಡ ಜ್ಞಾನ ಉಳ್ಳಂವೊಂಗ್‌ ಸೇವೆ ಮಾಡುವ.

ಜ್ಞಾನತ್‌ರ ಪಡಿಮ 14:35

ವಿವೇಕವುಳ್ಳ ಸೇವಕ ರಾಜಂಗ್‌ ಕುಶಿಯಾಯಿತಿಪ್ಪ. ಆಚೇಂಗಿ ಅವಮಾನಪಡ್‌ತುವ ಸೇವಕಂಡ ಮೇಲೆ ರಾಜಂಡ ಬಲ್ಯ ಚೆಡಿ ಇಪ್ಪ.

ಜ್ಞಾನತ್‌ರ ಪಡಿಮ 17:1

ಜಗಳ ದುಂಬ್‌ನ ಮನೆಲ್ ಬಲ್ಯ ಊಟ ಉಂಬಕಿಂಜಿ ಸಮಾದಾನತ್‌ ತಿಂಬ ಚೆರಿಯ ತುಂಡ್‌ ಒಟ್ಟಿಯೇ ಮೇಲ್.

ಜ್ಞಾನತ್‌ರ ಪಡಿಮ 17:3

ಜನ ಬೊಳ್ಳಿನ ತಿತ್‌ ಬೂಕ್ಕು ಪಾತ್‌ರತ್‌ಲು ಪೊನ್ನ್‌ನ ತಿತ್ತ್‌ ತೊಳೆಯಿಲು ಇಟ್ಟಿತ್‌ ಪರೀಕ್ಷೆ ಮಾಡುವ, ಆಚೇಂಗಿ ಜನಡ ಹೃದಯತ್‌ನ ಪರೀಕ್ಷೆ ಮಾಡ್‌ವಂವೊ ಯೆಹೋವನೇ.

ಜ್ಞಾನತ್‌ರ ಪಡಿಮ 19:26

ಅಪ್ಪನ ಹಿಂಸೆಪಡುತಿತ್‌ ಅವ್ವನ ಓಡ್‌ಚಿಡುವಂವೊ ಞಾಣಕ್‍ೕಡ್‌ನ ಪಿಂಞ ಅವಮಾನತ್‌ನ ಕೊಂಡಬಪ್ಪ.

ಜ್ಞಾನತ್‌ರ ಪಡಿಮ 29:15

ಕೋಲ್‌ ಪಿಂಞ ಚೂಕ್ತಕ್ಕ್‌ ಮಕ್ಕಕ್‌ ಜ್ಞಾನತ್‌ನ ತಪ್ಪ. ತಾನ್‌ ಕುಶಿಪಟ್ಟನೆಕೆ ಬುಟ್ಟ ಕುಂಞಿ ತಾಂಡ ಅವ್ವಂಗ್‌ ಞಾಣಕ್‍ೕಡ್‌ನ ಬಪ್ಪ್‌ಚಿಡುವ.