ಜ್ಞಾನತ್‌ರ ಪಡಿಮ 17:14 - ಕೊಡವ ಬೈಬಲ್

¹⁴ ವಿವಾದತ್‌ನ ಸುರುಮಾಡ್‌ವದ್‌ ನೀರ್‌ಕಟ್ಟೆನ ತೊರ್‌ಂದನೆಕೆ. ಆನಗುಂಡ್‌ ಅದ್‌ ಬಲ್ಯದಾಪಕ್‌ ಮಿಂಞಲೇ ನಿಪ್ಪ್‌ಚಿಡ್.

ಜ್ಞಾನತ್‌ರ ಪಡಿಮ 17:14 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 13:10

ಆಂಗಾರ ಮಾತ್‌ರ ಜಗಳಕ್‌ ಕಾರಣ ಆಪ. ಆಲೋಚನೆಕ್‌ ಕೆಮಿ ಕೊಡ್‌ಪಂವೊಂಡ ಪಕ್ಕ ಜ್ಞಾನ ಇಪ್ಪ.

ಜ್ಞಾನತ್‌ರ ಪಡಿಮ 14:29

ದುಂಬ ತಾಳ್ಮೆ ಉಳ್ಳಂವೊ ಬಲ್ಯ ಬುದ್ದಿವಂತ. ಮುಂಜೆಡಿ ಉಳ್ಳಂವೊ ತಾನ್‌ ಮೂಡ ಎಣ್ಣಿಯಂಡ್‌ ಕಾಟಿಯೊವ.

ಜ್ಞಾನತ್‌ರ ಪಡಿಮ 15:1

ನಯನವಾನ ಜವಾಬ್ ಬಲ್ಯ ಚೆಡಿನ ಅಡಕುವ. ಆಚೇಂಗಿ ಒರಟಾನ ತಕ್ಕ್‌ ಚೆಡಿನ ಜಾಸ್ತಿ ಮಾಡುವ.

ಜ್ಞಾನತ್‌ರ ಪಡಿಮ 16:32

ಶಕ್ತಿವಂತಂವೊಕಿಂಜಿ ಬಲ್ಯ ತಾಳ್ಮೆ ಉಳ್ಳಂವೊ ಮೇಲಾನಂವೊ. ಒರ್‌ ಪಟ್ಟಣತ್‌ನ ಗೆಲ್ಲ್‌ವಂವೊಕಿಂಜಿ ತಾಂಡ ಚೆಡಿನ ಅಡ್‌ಕ್‌ವಂವೊ ಮೇಲಾನಂವೊ.

ಜ್ಞಾನತ್‌ರ ಪಡಿಮ 17:19

ಜಗಳತ್‌ನ ಕುಶಿ ಪಡುವಂವೊ ಪಾಪತ್‌ನ ಕುಶಿ ಪಡುವ. ತಾಂಡ ಪಡಿನ ಎತ್ತರತ್‌ಲ್‌ ಕಟ್ಟ್‌ವಂವೊ ಕ್‍ೕಡ್‌ನ ಬಪ್ಪ್‌ಚಿಡುವ.

ಜ್ಞಾನತ್‌ರ ಪಡಿಮ 19:11

ಮನುಷ್ಯಂಡ ವಿವೇಕ ಅಂವೊಂಡ ಚೆಡಿನ ಅಡಕುವ. ಕುತ್ತತ್‌ನ ಮನ್ನಿಚಿಡ್‌ವದ್‌ ಅಂವೊಂಗ್‌ ಕೀರ್ತಿ.

ಜ್ಞಾನತ್‌ರ ಪಡಿಮ 20:3

ವಾದತ್ತಿಂಜ ದೂರ ಇಪ್ಪಂವೊಂಗ್‌ ಗೌರವ. ಆಚೇಂಗಿ ಎಲ್ಲಾ ಮೂಡಂಗಳು ಜಗಳಕ್‌ ಆತುರ ಪಡುವ.

ಜ್ಞಾನತ್‌ರ ಪಡಿಮ 25:8

ನ್ಯಾಯಾಲಯತ್‌ ಪೋಪಕ್‌ ಆತುರ ಪಡತೆ. ಕಡೇಕ್‌ ನೀಡ ನೆರೆಮನೆಕಾರ ನೀನ್‌ ಎಣ್ಣ್‌ವದ್‌ ಪೊಟ್ಟ್‌ಂದ್‌ ಅವಮಾನ ಪಡ್‌ತ್‌ಚೇಂಗಿ ನೀನ್‌ ಎಂತ್‌ ಮಾಡುವಿಯಾ?

ಜ್ಞಾನತ್‌ರ ಪಡಿಮ 26:21

ಮಸಿಕಂಡೆ ಚುಳ್ಳ್‌ಕು, ಪುಳ್ಳಿ ತಿತ್ತ್‌ಕು ಎನ್ನನೆಯೊ, ಅನ್ನನೆ ಜಗಳಗಂಟ ಜಗಳತ್‌ನ ಸುರುಮಾಡುವಕ್‌ ಸೆರಿಯಾನಂವೊ.

ಜ್ಞಾನತ್‌ರ ಪಡಿಮ 29:22

ಮುಂಜೆಡಿ ಉಳ್ಳಂವೊ ಜಗಳತ್‌ನ ಉಂಟ್‌ಮಾಡುವ. ದುಂಬ ಚೆಡಿ ಉಳ್ಳಂವೊ ದುಂಬ ಪಾಪ ಮಾಡುವ.

ರೋಮ್ 12:18

ಕಯ್ಯುವಚ್ಚಕ್, ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರಿ.

1 ಥೆಸಲೊನೀಕ 4:11

ಇದ್ ನಿಂಗಡ ನೋಕವಾಯಿತ್ ಇರಂಡು. ನಿಂಗ ಸಮಾದಾನತ್‍ರ ಬದ್‍ಕ್ ಬದ್‍ಕ್‍ವಕ್, ಪೊರಮೆ ಉಳ್ಳಯಿಂಗಡ ಬದ್‍ಕ್‍ರ ವಿಷಯತ್ ನುಗ್ಗ್‌ವಕ್ಕಾಗ. ನಿಂಗ ನಿಂಗಡ ಸ್ವಂತ ಕೆಲಸ ಮಾಡಂಡೂಂದ್ ನಿಂಗಕ್ ನಂಗ ಮಿಂಞಲೇ ಎಣ್ಣಿತುಂಡ್.