ಜ್ಞಾನತ್‌ರ ಪಡಿಮ 16:7 - ಕೊಡವ ಬೈಬಲ್

⁷ ಒಬ್ಬಂಡ ನಡ್‌ತೆ ಯೆಹೋವ ಮೆಚ್ಚುವನೆಕೆ ಇಂಜತೇಂಗಿ, ಅಂವೊಂಡ ವಿರೋದಿಯಳ ಸಹ ಅಂವೊಂಡ ಕೂಡೆ ಸಮಾದಾನ ಆಪನೆಕೆ ಮಾಡುವ.

ಜ್ಞಾನತ್‌ರ ಪಡಿಮ 16:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 27:41

ಅಂವೊಂಡ ಅಪ್ಪ ಯಾಕೋಬನ ಆಶೀರ್ವಾದ ಮಾಡ್‍ನಗುಂಡ್, ಅಂದಿಂಜ ಏಸಾವ, ಯಾಕೋಬಂಡ ಮೇಲೆ ಪಗೆ ಬೆಚ್ಚಂಡ್, ತಾಂಡ ಮನಸ್ಸ್‌ಲ್: ನಾಡ ಪಪ್ಪ ಬೆರಿಯ ಚತ್ತ್‌ ಪೋಪ. ಅಕ್ಕ ನಾನ್‌ ಯಾಕೋಬನ ಕೊಂದ್ರುವಾಂದ್‌ ಗೇನ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 32:28

ಅಕ್ಕ ಆ ಮನುಷ್ಯ: ನೀನ್‌ ದೇವಡ ಕೂಡೆಯು ಮನುಷ್ಯಂಡ ಕೂಡೆಯು ಪೋರಾಡಿತ್‌ ಗೆದ್ದಗುಂಡ್, ನೀಡ ಪೆದ ಇಂಞು ಮಿಂಞಕ್‌ ಯಾಕೋಬಾಂದ್‌ ಇಕ್ಕತೆ ಇಸ್ರಾಯೇಲ್‌ಾಂದ್‌ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 33:4

ಆಚೇಂಗಿ ಏಸಾ ಓಡಿ ಬಂತ್‌ ಅಂವೊನ ತಬ್ಬಿಯಂಡ್‌ ಬೋಳೆಕ್‌ ಮುತ್ತ್‌ ಕೊಡ್‌ತತ್; ದಂಡಾಳು ಮೊರ್‌ಟತ್.

ಜ್ಞಾನತ್‌ರ ಪಡಿಮ 16:8

ಅನ್ಯಾಯತ್‌ಲ್‌ ಕ್‌ಟ್ಟ್‌ನ ಬಲ್ಯ ಐಶ್ವರ್ಯಕಿಂಜಿ, ನ್ಯಾಯವಾಯಿತ್‌ ಸಂಪಾದನೆ ಮಾಡ್‌ನ ಚೆನ್ನಂಗೇ ಮೇಲ್.

ಜ್ಞಾನತ್‌ರ ಪಡಿಮ 3:17

ಜ್ಞಾನ ನಿನ್ನ ಸುಕವಾನ ಬಟ್ಟೆಲ್‌ ನಡ್‌ತಿಯಂಡ್‌ ಪೋಪ. ಅದ್‌ ನಿನ್ನ ಸಮಾದಾನತ್‌ಲ್‌ ನಡ್‌ತ್‌ವ.

ರೋಮ್ 8:31

ಇದ್ಂಡ ವಿಷಯತ್ ನಂಗ ಎಂತ ಎಣ್ಣಡ್? ದೇವ ನಂಗಡ ಪಕ್ಕ ಇಂಜತೇಂಗಿ ನಂಗಕ್ ವಿರೋದವಾಯಿತ್ ಬಪ್ಪಂವೊ ದಾರ್?

ಫಿಲಿಪ್ಪಿ 4:18

ನಾಕ್ ಬೋಂಡಿಯಚ್ಚಕು ಅದ್ಂಗಿಂಜ ಜಾಸ್ತಿಯಾಯಿತು ಕ್‍ಟ್ಟ್‌ಚೀಂದ್ ಎಣ್ಣ್‌ವಿ. ನಿಂಗ ಅಯಿಚ ಇನಾಮ್‍ನ ಎಪಫ್ರೋದೀತನಿಂಜ ಎಡ್‍ತಂಡಿಯೆ. ಅದ್ ದೇವಡ ಮಿಂಞತ್ ದೇವಕ್ ಕೊಡ್‌ಪ ಸುಗಂದ ವಾಸನೆಯಾಯಿತು ಅಂವೊಂಡ ಪ್ರೀತಿರ ಅರ್ಪಣೆಯಾಯಿತು ಉಳ್ಳಾಂಗ್ ನಾಕ್ ತೃಪ್ತಿಯಾಚಿ.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.

ಕೊಲೊಸ್ಸೆ 3:20

ಮಕ್ಕಳೇ, ನಿಂಗ ಎಲ್ಲಾ ವಿಷಯತ್‍ಲು ನಿಂಗಡ ಅಪ್ಪವ್ವಂಗಕ್ ತಗ್ಗಿತ್ ನಡ್‌ಕಂಡು. ಇನ್ನನೆ ಮಾಡ್‍ಚೇಂಗಿ, ದೇವ ದುಂಬ ಕುಶಿ ಪಡುವ.

ಇಬ್ರಿಯ 13:21

ಯೇಸುರ ಮೂಲಕ ತಾಂಡ ಮಿಂಞತ್ ಕುಶಿಯುಳ್ಳದ್‍ನ, ನಿಂಗಡ ಮದ್ಯತ್‍ಲ್ ಮಾಡಿತ್, ನಿಂಗ ಅಂವೊಂಡ ಚಿತ್ತತ್‍ರನೆಕೆ ಮಾಡ್‌ವಕ್, ನಿಂಗಳ ಎಲ್ಲಾ ತರತ್‍ರ ನಲ್ಲ ಕ್ರಿಯೇರಗುಂಡ್ ಪೂರ್ತಿ ಮಾಡಿತ್ ಬಲಪಡ್‍ತಡ್; ಅಂವೊಂಗ್ ಎಕ್ಕಾಲು ಮಹಿಮೆ ಬರಡ್. ಆಮೆನ್.

1 ಪೇತ್ರ 3:13

ನಿಂಗ ನಲ್ಲದ್ ಮಾಡಂಡೂಂದ್ ಅರ್ಪಿಚಿಟ್ಟಯಿಂಗಳಾಯಿತ್ ಇಂಜತೇಂಗಿ, ನಿಂಗಕ್ ಕ್‍ೕಡ್ ಮಾಡ್‍ವದ್ ದಾರ್?

1 ಯೋಹಾನ 3:22

ನಂಗ ದೇವಡ ಆಜ್ಞೆರ ಪ್ರಕಾರ ನಡ್‌ಂದಿತ್, ದೇವಕ್ ಕುಶಿಯಾನ ಕೆಲಸತ್‍ನ ಮಾಡ್‌ವಗುಂಡ್ ದೇವಡ ಪಕ್ಕ ಎಂತ ಬೋಡ್‍ಚೇಂಗಿಯು, ದೇವ ಅದ್‍ನ ನಂಗಕ್ ತಪ್ಪ.