ಜ್ಞಾನತ್‌ರ ಪಡಿಮ 16:33 - ಕೊಡವ ಬೈಬಲ್

³³ ಚೀಟಿನ ಮಡ್‌ಲ್‌ ಇಡ್‌ವಕಯ್ಯು, ಆಚೇಂಗಿ ಎಲ್ಲಾ ಕಾರ್ಯತ್‌ರ ತೀರ್ಮಾನವು ಯೆಹೋವಯಿಂಡಿಂಜಲೇ ಬಪ್ಪ.

ಜ್ಞಾನತ್‌ರ ಪಡಿಮ 16:33 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:32

ಶಕ್ತಿವಂತಂವೊಕಿಂಜಿ ಬಲ್ಯ ತಾಳ್ಮೆ ಉಳ್ಳಂವೊ ಮೇಲಾನಂವೊ. ಒರ್‌ ಪಟ್ಟಣತ್‌ನ ಗೆಲ್ಲ್‌ವಂವೊಕಿಂಜಿ ತಾಂಡ ಚೆಡಿನ ಅಡ್‌ಕ್‌ವಂವೊ ಮೇಲಾನಂವೊ.

ಜ್ಞಾನತ್‌ರ ಪಡಿಮ 18:18

ಚೀಟಿ ಇಡುವಗುಂಡ್, ವಿರೋದ ಪೋಯಿತ್, ವಿರೋದಿಚ್ಚಿಡುವಯಿಂಗಡ ಮದ್ಯತ್‌ ನ್ಯಾಯತ್‍ೕಪ.

ಜ್ಞಾನತ್‌ರ ಪಡಿಮ 29:26

ದುಂಬ ಜನ ಅದಿಪತಿರ ದಯೆ ಕ್‌ಟ್ಟ್‌ವಕ್‌ ಪೇಚಾಡುವ. ಆಚೇಂಗಿಯು ಒಬ್ಬೊಬ್ಬಂಡ ನ್ಯಾಯವು ಯೆಹೋವಂಡಿಂಜಲೇ ಕ್‌ಟ್ಟುವ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:7

ಅಕ್ಕಣೆಕ್ ಹಡಗ್‌ಲ್‌ ಪ್ರಯಾಣ ಮಾಡುವಯಿಂಗ, ಈ ಕ್‍ೕಡ್‌ ಬಪ್ಪಕ್‌ ದಾರ್‌ ಕಾರಣಾಂದ್‌ ಕಂಡ್‌ ಪುಡಿಪಕ್‌ ನಂಗ ಚೀಟಿ ಇಡಂಗ ಬಾರೀಂದ್‌ ಅಯಿಂಗಯಿಂಗಳೇ ತಕ್ಕ್‌ ಪರ್ಂದತ್. ಅನ್ನನೆ ಅಯಿಂಗ ಚೀಟಿ ಇಡ್‌ವಕ, ಆ ಚೀಟಿ ಯೋನಂಡ ಪೆದಕ್‌ ಬುದ್ದತ್.

ಅಪೊಸ್ತಲ 1:26

ಪಿಂಞ ಅಯಿಂಗಡ ಪೆದತ್‍ಲ್ ಚೀಟಿ ಇಟ್ಟತ್. ಚೀಟಿ ಎಡ್‍ಪಕ, ಆ ಚೀಟಿ ಮತ್ತಿಯಂಗ್ ಬಾತ್; ಅಕ್ಕ ಅಂವೊನ ಬೋರೆ ಪನ್ನಂದ್ ಅಪೊಸ್ತಲಂಗಡ ಕೂಟ್‍ಕ್ ಕೂಟಿಯಂಡತ್.