ಜ್ಞಾನತ್‌ರ ಪಡಿಮ 16:28 - ಕೊಡವ ಬೈಬಲ್

²⁸ ಕಪಟಿ ಜಗಳತ್‌ನ ಬಿತ್ತುವ. ಕುತ್ತ ಪರಿವಂವೊ ನಲ್ಲ ಸ್ನೇಹಿತಂಗಳ ಸಹ ಬೋರೆ ಮಾಡಿರುವ.

ಜ್ಞಾನತ್‌ರ ಪಡಿಮ 16:28 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 15:18

ಮುಂಜೆಡಿ ಉಳ್ಳಂವೊ ಜಗಳತ್‌ನ ಸುರುಮಾಡುವ, ಆಚೇಂಗಿ ದುಂಬ ತಾಳ್ಮೆಯುಳ್ಳಂವೊ ಜಗಳತ್‌ನ ಶಾಂತಪಡ್‌ತುವ.

ಜ್ಞಾನತ್‌ರ ಪಡಿಮ 16:27

ಒಂದಂಗು ಪ್ರಯೋಜನ ಇಲ್ಲತ ಒರ್‌ ದುಷ್ಟ ಕ್‍ೕಡ್‌ನ ಕಳ್‌ಪ. ಅಂವೊಂಡ ತಕ್ಕ್‌ ಚುಡುವ ತಿತ್ತ್‌ರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 16:29

ಹಿಂಸೆ ಪಡುತ್‌ವಂವೊ ತಾಂಡ ನೆರಮನೆಕಾರನ ಚದಿಪ, ಅಂವೊನ ಕ್‍ೕಡಾನ ಬಟ್ಟೆಲ್‌ ಸಹ ನಡ್‌ತುವ.

ಜ್ಞಾನತ್‌ರ ಪಡಿಮ 17:17

ಸ್ನೇಹಿತ ಎಲ್ಲಾ ಸಮಯತ್‌ಲು ಪ್ರೀತಿ ಮಾಡುವ. ಇಕ್ಕಟ್‌ರ ಸಮಯತ್‌ ಸಹಾಯ ಮಾಡುವಕೇ ಅಣ್ಣತಮ್ಮಣಂಗ ಪುಟ್ಟಿತುಂಡ್.

ಜ್ಞಾನತ್‌ರ ಪಡಿಮ 17:9

ಕುತ್ತತ್‌ನ ಮನ್ನಿಚಿಡುವಂವೊ ಸ್ನೇಹತ್‌ನ ಕುಶಿ ಪಟ್ಟಂಡುಂಡ್. ಆಚೇಂಗಿ ಆ ವಿಷಯತ್‌ನ ಎಣ್ಣಿಯಂಡೇ ಇಂಜತೇಂಗಿ ಸ್ನೇಹಿತಂಗಳ ಸಹ ಬೋರೆ ಮಾಡಿರುವ.

ಜ್ಞಾನತ್‌ರ ಪಡಿಮ 18:6

ಮೂಡಂಡ ತಕ್ಕ್‌ ಜಗಳತ್‌ನ ಉಂಟ್ ಮಾಡುವ. ಅಂವೊಂಡ ಬಾಯಿ ಪೊಯ್ಯಿತ್‌ ಕ್‌ಟ್ಟ್‌ವಕ್‌ ಕ್‍ೕಪ.

ಜ್ಞಾನತ್‌ರ ಪಡಿಮ 18:8

ಒಬ್ಬಂಡ ಮೇಲೆ ಎಣ್ಣುವ ಕುತ್ತತ್‌ನ ಕ್‍ೕಪಕ, ಅದ್‌ ರಸವುಳ್ಳ ಊಟತ್‌ರನಕೆ ಇಪ್ಪ. ಅದ್‌ ಮನಸ್ಸ್‌ರ ಆಳತ್‌ ಬೇರೂರಿತ್‌ ಪೋಪ.

ಜ್ಞಾನತ್‌ರ ಪಡಿಮ 29:22

ಮುಂಜೆಡಿ ಉಳ್ಳಂವೊ ಜಗಳತ್‌ನ ಉಂಟ್‌ಮಾಡುವ. ದುಂಬ ಚೆಡಿ ಉಳ್ಳಂವೊ ದುಂಬ ಪಾಪ ಮಾಡುವ.

ಜ್ಞಾನತ್‌ರ ಪಡಿಮ 30:33

ಪಾಲ್‌ನ ಕಡ್‌ಂದಿತ್‌ ಬೊಣ್ಣೆ ನೆಯ್ಯಿನ ಮಾಡುವ. ಇಂಞೊಬ್ಬಂಡ ಮೂಕ್‌ನ ಪೊಜ್ಜತ್ತೇಂಗಿ ಚೋರೆ ಬಪ್ಪ. ಅನ್ನನೆ, ಚೆಡಿನ ಬಪ್ಪ್‌ಚಿಟ್ಟತ್ತೇಂಗಿ ಜಗಳತ್‌ನ ಉಂಟ್ ಮಾಡುವ.

ಜ್ಞಾನತ್‌ರ ಪಡಿಮ 6:14

ಅಂವೊಂಡ ಕ್‍ೕಡಾನ ಮನಸ್ಸ್‌ಲ್‌ ಎಕ್ಕಾಲು ಮೋಸ ಮಾಡ್‌ವದನ್ನೇ ಗೇನ ಮಾಡಿಯಂಡಿಪ್ಪ. ಅಂವೊ ಎಕ್ಕಾಲು ಜಗಳ ಬಪ್ಪನೆಕೆ ಮಾಡ್‌ವ.

ಜ್ಞಾನತ್‌ರ ಪಡಿಮ 6:19

ಪೊಟ್ಟ್‌ನೇ ಪರಿಯುವ ಪೊಟ್ಟ್‌ ಸಾಕ್ಷಿ ಪಿಂಞ ಅಣ್ಣತಮ್ಮಣಂಗಡ ಮದ್ಯತ್‌ ಜಗಳ ಬಿತ್ತ್‌ವದ್‌ ಎಣ್ಣುವದೇ.

ರೋಮ್ 1:29

ಅಯಿಂಗ ಎಲ್ಲಾ ವಿದವಾನ ದುಷ್ಟತನತ್‍ಲ್, ಕೇಡ್‍ಲ್, ದ್ರೋಹ ಮಾಡ್‌ವದ್‍ಲ್, ಪಣತ್‍ರ ಆಸೇಲ್, ಆಂಗಾರತ್‍ಲ್, ಕೊಲೆ ಮಾಡ್‌ವದ್‍ಲ್, ತರ್ಕ ಮಾಡ್‌ವದ್‍ಲ್, ಕೆಟ್ಟ ಆಸೇಲ್, ವಂಚನೆಲ್, ಒಟ್ಟೆಕಿಚ್ಚ್‌ಲ್ ದುಂಬಿತುಂಡ್.

2 ಕೊರಿಂಥ 12:20

ನಾನ್ ಬಪ್ಪಕ, ನಿಂಗ ಎನ್ನನೆ ಇಕ್ಕಂಡೂಂದ್ ನಾನ್ ಗೇನ ಮಾಡಿಯಂಡ್ ಉಂಡೋ ಅನ್ನನೆ ನಿಂಗ ಇಪ್ಪುಲೇಂದು ಪಿಂಞ ನಿಂಗ ಗೇನ ಮಾಡಿಯಂಡುಳ್ಳನೆಕೆ ನಾನ್ ಇಪ್ಪುಲೆಯೋಂದು ನಾಕ್ ಪೋಡಿ ಉಂಡ್. ನಿಂಗಡ ಮದ್ಯತ್‍ಲ್ ಪಗೆ, ವೈರಾಗ್ಯ, ಚೆಡಿ, ತರ್ಕ, ಒಟ್ಟೆಕಿಚ್ಚ್, ಒಬ್ಬಂಡ ಮೇಲೆ ಒಬ್ಬ ಕುತ್ತ ಪರಿವದ್, ಬೋಂಡತ ವೈರಾಗ್ಯ, ಕಲಹ ಇನ್ನತಾನೆಲ್ಲ ಇಪ್ಪಾಂದ್ ನಾಕ್ ಪೋಡಿ ಆಯಂಡುಂಡ್.