ಜ್ಞಾನತ್‌ರ ಪಡಿಮ 16:22 - ಕೊಡವ ಬೈಬಲ್

²² ವಿವೇಕ ಉಳ್ಳಂವೊಂಗ್‌ ವಿವೇಕವೇ ಜೀವತ್‌ರ ಬುಗ್ಗೆ ಆಯಿತ್‌ಪ್ಪ. ಆಚೇಂಗಿ ಮೂಡಂಗಕ್‌ ಅಯಿಂಗಡ ಮೂಡತನತಿಂಜಲೇ ಶಿಕ್ಷೆ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 16:22 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:11

ನೀತಿವಂತಂವೊಂಡ ಬಾಯಿ ಜೀವತ್‌ರ ಬುಗ್ಗೆ ಆಯಿತಿಪ್ಪ. ಆಚೇಂಗಿ ಹಿಂಸೆ, ದುಷ್ಟಂಡ ಬಾಯಿನ ಅಡಕ್‌ವ.

ಜ್ಞಾನತ್‌ರ ಪಡಿಮ 13:14

ಜ್ಞಾನಿರ ಬೋದನೆ ಜೀವತ್‌ರ ಬುಗ್ಗೆರನೆಕೆ. ಅದ್‌ ಚಾವ್‌ರ ಬಲೆಕ್‌ ಚಿಕ್ಕಿ ಪೋಕತನೆಕೆ ಕಾಪ.

ಜ್ಞಾನತ್‌ರ ಪಡಿಮ 14:27

ಯೆಹೋವಂಗ್‌ ಬೊತ್ತ್‌ವದ್‌ ಜೀವತ್‌ರ ಬುಗ್ಗೆರನೆಕೆ. ಅದ್‌ ಚಾವ್‌ರ ಬಲೆಯಿಂಜ ಕಾಪ.

ಜ್ಞಾನತ್‌ರ ಪಡಿಮ 15:2

ಜ್ಞಾನಿಯಡ ನಾವ್‌ ಅರಿವುನ ಉಪಯೋಗಿಚಿಡುವ. ಆಚೇಂಗಿ ಮೂಡಂಗಡ ಬಾಯಿ ಮೂಡತನತ್‌ನೇ ಕಕ್ಕುವ.

ಜ್ಞಾನತ್‌ರ ಪಡಿಮ 15:28

ನೀತಿವಂತಂವೊ ಗೇನ ಮಾಡಿತ್‌ ಜವಾಬ್ ಕೊಡ್‌ಪ. ಆಚೇಂಗಿ ದುಷ್ಟಂಡ ಬಾಯಿ ಕ್‍ೕಡ್‌ನ ಉಕ್ಕುವ.

ಜ್ಞಾನತ್‌ರ ಪಡಿಮ 16:21

ಹೃದಯತ್‌ಲ್‌ ಜ್ಞಾನ ಉಳ್ಳಂವೊನ ವಿವೇಕ ಉಳ್ಳಂವೊ ಎಣ್ಣಿಯಂಡ್‌ ಗುರುತ್‌ಚಿಡುವ. ಮೊದರ್ವಾನ ತಕ್ಕ್‌ಯಿಂಜ ಅರಿವು ಜಾಸ್ತಿ ಆಪ.

ಜ್ಞಾನತ್‌ರ ಪಡಿಮ 16:23

ಜ್ಞಾನಿರ ಹೃದಯ ಅಂವೊಂಡ ಬಾಯಿಕ್‌ ವಿವೇಕತ್‌ನ ಪಡಿಪ್‌ಚಿಡುವ. ಅಯಿಂಗಡ ತಕ್ಕ್‌ ಅರಿವುನ ಜಾಸ್ತಿ ಮಾಡುವ.

ಜ್ಞಾನತ್‌ರ ಪಡಿಮ 18:4

ಮನುಷ್ಯಂಡ ಬಾಯಿರ ತಕ್ಕ್‌ ಆಳವಾನ ನೀರ್‌ರನೆಕೆ ಇಪ್ಪ. ಆಚೇಂಗಿ ಜ್ಞಾನತ್‌ರ ಬುಗ್ಗೆ ಒಕ್ಕಿಯಂಡ್‌ ಪೋಪ ತೋಡ್‌ರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 18:7

ಮೂಡಂಡ ಬಾಯಿ ಅಂವೊಂಗ್‌ ಕ್‍ೕಡ್. ಅಂವೊಂಡ ತಕ್ಕ್‌ ಅಂವೊಂಗ್‌ ಕೆಣಿ.

ಜ್ಞಾನತ್‌ರ ಪಡಿಮ 3:22

ಅದ್‌ ನೀಡ ಆತ್ಮಕ್‌ ಜೀವವಾಯಿತು, ನೀಡ ಬೋಳೆಕ್‌ ಚಿಂಗಾರತ್‌ರ ಆಭರಣವಾಯಿತು ಇಪ್ಪ.

ಮತ್ತಾಯ 15:14

ಅಯಿಂಗ ಎಣ್ಣ್‌ವಾಂಗ್ ಕೆಮಿ ಕೊಡ್‌ಕತಿ. ಅಯಿಂಗ ಕುರ್‌ಡಂಗಕ್ ಬಟ್ಟೆ ಕಾಟುವ ಕುರ್‌ಡಂಗಳಾಯಿತುಂಡ್. ಒರ್ ಕುರ್‌ಡ ಇಂಞೊರ್ ಕುರ್‌ಡಂಗ್ ಬಟ್ಟೆ ಕಾಟ್‍ಚೇಂಗಿ, ದಂಡಾಳು ಕುಂಡ್‌ಕ್ ಬೂವಲ್ಲಾಂದ್ ಎಣ್ಣ್‌ಚಿ.

ಯೋಹಾನ 5:24

ದಾರ್ ನಾಡ ತಕ್ಕ್‌ನ ಕ್‍ೕಟಿತ್, ನನ್ನ ಅಯಿಚಂವೊನ ನಂಬುವ, ಅಯಿಂಗಕ್ ನಿತ್ಯ ಜೀವ ಉಂಡ್, ಅಯಿಂಗಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ಯಿಂಜ ಅಯಿಂಗ ಬಚಾವ್ ಆಪ. ಅನ್ನನೆ ಅಯಿಂಗಕ್ ಬಪ್ಪ ಚಾವ್‍ಯಿಂಜಲು, ಬದ್‌ಕಿತ್ ಜೀವವಾಯಿತ್ ಬಪ್ಪಾಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ.

ಯೋಹಾನ 6:63

ಪವಿತ್ರಾತ್ಮ ಒಬ್ಬನೇ ಜೀವ ತಪ್ಪಂವೊ, ಮನುಷ್ಯಂಗಕ್ ಜೀವ ತಪ್ಪಕ್ ಕಯ್ಯುಲೆ. ನಾನ್ ನಿಂಗಕ್ ಎಣ್ಣ್‌ನ ಬೋದನೆ, ಪವಿತ್ರಾತ್ಮತ್‍ರ ಪಿಂಞ ಜೀವ ತಪ್ಪ ವಾಕ್ಯತ್‍ರದಾಯಿತುಂಡ್.

ಯೋಹಾನ 6:68

ಅಕ್ಕ ಸೀಮೋನ ಪೇತ್ರ: ಒಡೆಯನೇ, ನಿನ್ನ ಬುಟ್ಟಿತ್ ನಂಗ ದಾಡ ಪಕ್ಕ ಪೋಪೊ? ನೀಡ ಪಕ್ಕ ನಿತ್ಯ ಜೀವತ್‍ರ ವಾಕ್ಯ ಉಂಡಲ್ಲಾ?