ಜ್ಞಾನತ್‌ರ ಪಡಿಮ 16:21 - ಕೊಡವ ಬೈಬಲ್

²¹ ಹೃದಯತ್‌ಲ್‌ ಜ್ಞಾನ ಉಳ್ಳಂವೊನ ವಿವೇಕ ಉಳ್ಳಂವೊ ಎಣ್ಣಿಯಂಡ್‌ ಗುರುತ್‌ಚಿಡುವ. ಮೊದರ್ವಾನ ತಕ್ಕ್‌ಯಿಂಜ ಅರಿವು ಜಾಸ್ತಿ ಆಪ.

ಜ್ಞಾನತ್‌ರ ಪಡಿಮ 16:21 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:13

ವಿವೇಕ ಉಳ್ಳಂವೊಂಡ ಬಾಯಿಯಿಂಜ ಬಪ್ಪ ತಕ್ಕ್‌ ಜ್ಞಾನ ಉಳ್ಳದಾಯಿತ್‌ಪ್ಪ. ಆಚೇಂಗಿ ಬುದ್ದಿ ಇಲ್ಲತಂವೊಂಡ ಬೆನ್ನ್‌ಕ್ ಪೊಯ್ಯಿತ್‌ ಕ್‌ಟ್ಟುವದೇ ಸೆರಿ.

ಜ್ಞಾನತ್‌ರ ಪಡಿಮ 10:23

ಕ್‍ೕಡ್‌ ಮಾಡ್‌ವದ್‌ ಮೂಡಂಗ್‌ ಕುಶಿ ತಪ್ಪ. ಆಚೇಂಗಿ ಜ್ಞಾನ ಬುದ್ದಿವಂತಂವೊಂಗ್‌ ಸುಕತ್‌ನ ತಪ್ಪ.

ಜ್ಞಾನತ್‌ರ ಪಡಿಮ 10:8

ಹೃದಯತ್‌ಲ್‌ ಜ್ಞಾನ ಉಳ್ಳಂವೊ, ಆಜ್ಞೆನ ಸ್ವೀಕಾರ ಮಾಡಿಯೊವ, ಆಚೇಂಗಿ ಹರಟೆ ತಕ್ಕ್‌ ಪರಿಯುವ ಮೂಡಂಗ ಅಂವೊನ ನಾಶ ಮಾಡಿಯೊವ.

ಜ್ಞಾನತ್‌ರ ಪಡಿಮ 15:7

ಜ್ಞಾನಿಯಡ ತಕ್ಕ್‌ಯಿಂಜ ಅರಿವು ಪಬ್ಬುವ. ಆಚೇಂಗಿ ಮೂಡಂಗಡ ಹೃದಯ ಅನ್ನನೆ ಮಾಡುಲೆ.

ಜ್ಞಾನತ್‌ರ ಪಡಿಮ 16:22

ವಿವೇಕ ಉಳ್ಳಂವೊಂಗ್‌ ವಿವೇಕವೇ ಜೀವತ್‌ರ ಬುಗ್ಗೆ ಆಯಿತ್‌ಪ್ಪ. ಆಚೇಂಗಿ ಮೂಡಂಗಕ್‌ ಅಯಿಂಗಡ ಮೂಡತನತಿಂಜಲೇ ಶಿಕ್ಷೆ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 23:15

ನಾಡ ಮೋನೇ, ನೀಡ ಹೃದಯ ಜ್ಞಾನವುಳ್ಳದಾಯಿತ್‌ ಇಂಜಚೇಂಗಿ, ನಾಡ ಹೃದಯವು ಕುಶಿ ಪಡುವ.

ಜ್ಞಾನತ್‌ರ ಪಡಿಮ 27:9

ತೈಲವು, ಸುಗಂದ ದೂಪವು ಹೃದಯತ್‌ನ ಕುಶಿ ಪಡ್‌ತುವನೆಕೆ, ಸ್ನೇಹಿತಂಡ ಹೃದಯತ್‌ಂಜ ಬಪ್ಪ ನಲ್ಲ ಆಲೋಚನೆ ಸುಕ ತಪ್ಪ.

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:22

ಅಲ್ಲಿ ಉಳ್ಳ ಜನಯೆಲ್ಲ ಅಂವೊಂಗ್ ನಲ್ಲ ಪೆದ ಕೊಡ್‌ತಿತ್, ಅಂವೊಂಡ ಕರುಣೆಯುಳ್ಳ ತಕ್ಕ್‌ನ ಕ್‍ೕಟಿತ್ ಆಶ್ಚರ್ಯ ಆಯಿತ್: ಇಂವೊ ಯೋಸೇಫಂಡ ಮೋಂವೊನಲ್ಲಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಯೋಹಾನ 7:46

ಅದ್ಂಗ್ ಸಿಪಾಯಿಯಂಗ: ಆ ಮನುಷ್ಯ ತಕ್ಕ್ ಪರಿಯುವನೆಕೆ ದಾರೂ ಇಲ್ಲಿಕತ್ತನೆ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎಣ್ಣ್‌ಚಿ.

ರೋಮ್ 16:19

ನಿಂಗ ತಗ್ಗಿತ್ ನಡ್‍ಪದ್ ಎಲ್ಲಾ ಜನಕು ಗೊತ್ತಾಯಿರ್‌ತ್. ಆನಗುಂಡ್, ನಿಂಗಡ ವಿಷಯತ್ ನಾನ್ ದುಂಬ ಕುಶಿಪಟ್ಟಂಡುಂಡ್; ಆಚೇಂಗಿಯು ನಿಂಗ ನಲ್ಲದ್ ಮಾಡ್‌ವಕ್ ಜ್ಞಾನ ಉಳ್ಳಯಿಂಗಳಾಯಿತು, ಕೆಟ್ಟದ್ ಮಾಡ್‌ವಕ್ ಗೊತ್ತ್‌ಲ್ಲತಯಿಂಗಳಾಯಿತು ಇರಂಡೂಂದ್ ನಾಡ ಆಸೆ.

ಯಾಕೋಬ 3:17

ಆಚೇಂಗಿ ಪರಲೋಕತ್ಂಜ ಬಪ್ಪ ಜ್ಞಾನ, ಆದ್ಯವಾಯಿತ್, ನಂಗಳ ಶುದ್ದ ಮಾಡ್‌ವ, ಅದ್ ಸಮಾದಾನ ಉಳ್ಳದಾಯಿತು ಅಡಕ ಉಳ್ಳದಾಯಿತು ಕುಶಿ ಉಳ್ಳದಾಯಿತು ಇಪ್ಪ. ಅದ್‍ಲ್ ಕರುಣೆ ಪಿಂಞ ನಲ್ಲ ಫಲ ದುಂಬಿತ್, ಎಲ್ಲಾ ಮನುಷ್ಯಂಗಕು ಒರೇ ತರ ಮರ್ಯಾದೆ ಮಾಡಿತ್, ಕಪಟ ಇಲ್ಲತ ಶುದ್ದ ನಂಬಿಕೆ ಉಳ್ಳದಾಯಿತಿಪ್ಪ.