ಜ್ಞಾನತ್‌ರ ಪಡಿಮ 16:18 - ಕೊಡವ ಬೈಬಲ್

¹⁸ ನಾಶಕ್‌ ಮಿಂತ ಆಂಗಾರ ಬಪ್ಪ, ಬುದ್ದ್‌ಪೋಪಕ್‌ ಮಿಂಞ ಪೆರುಮೆ ಬಪ್ಪ.

ಜ್ಞಾನತ್‌ರ ಪಡಿಮ 16:18 ပူးပေါင်းရင်းမြစ်များ

ಎಸ್ತೆರ್‌ 3:5

ಮೊರ್ದೆಕೈ ತಾಂಗ್‌ ಮಂಡೆ ಬಾಂಗಿತ್‌ ಮರ್ಯಾದೆ ಕೊಡ್‌ಕತೆ ಇಪ್ಪದ್‌ನ ಕಂಡಿತ್‌ ಹಾಮಾನಂಗ್‌ ದುಂಬ ಚೆಡಿಬಾತ್.

ಎಸ್ತೆರ್‌ 6:6

ಹಾಮಾನ ಒಳ್‌ಕ್‌ ಬಪ್ಪಕ ರಾಜ ಅಂವೊನ ನೋಟಿತ್: ರಾಜ ಸನ್ಮಾನ ಮಾಡಂಡೂಂದ್‌ ನೇರಾಯಿತ್‌ ಕುಶಿ ಪಡ್‌ವ ಮನುಷ್ಯಂಗ್‌ ಎಂತ ಮಾಡಂಡೂಂದ್‌ ಅಂವೊನ ಕ್‍ೕಟತ್. ಅಕ್ಕ ಹಾಮಾನ, ನನ್ನ ಬುಟ್ಟಿತ್‌ ರಾಜ ಬೋರೆ ದಾರ್‌ನ ಗೌರವ ಮಾಡುವಾಂದ್‌ ಅಂವೊಂಡ ಒಳಲ್‌ ಗೇನಮಾಡಿತ್,

ಎಸ್ತೆರ್‌ 7:10

ಅಯಿಂಗ ಮೊರ್ದೆಕೈಕಾಯಿತ್‌ ಹಾಮಾನ ತಯಾರ್‌ ಮಾಡ್‌ನ ತೂಕ್‌ಮರತ್‌ಲ್‌ ತೂಕ್‌ಚಿ. ಅಕ್ಕ ರಾಜಂಡ ಚೆಡಿ ಕಮ್ಮಿಯಾಚಿ.

ಜ್ಞಾನತ್‌ರ ಪಡಿಮ 11:2

ಆಂಗಾರ ಬಪ್ಪಕ ಅವಮಾನ ಬಪ್ಪ. ಆಚೇಂಗಿ ಅಡಕತ್‌ಲ್‌ ಗೇನ ಮಾಡ್‌ವಯಿಂಗಡ ಪಕ್ಕ ಜ್ಞಾನ ಇಪ್ಪ.

ಜ್ಞಾನತ್‌ರ ಪಡಿಮ 17:19

ಜಗಳತ್‌ನ ಕುಶಿ ಪಡುವಂವೊ ಪಾಪತ್‌ನ ಕುಶಿ ಪಡುವ. ತಾಂಡ ಪಡಿನ ಎತ್ತರತ್‌ಲ್‌ ಕಟ್ಟ್‌ವಂವೊ ಕ್‍ೕಡ್‌ನ ಬಪ್ಪ್‌ಚಿಡುವ.

ಜ್ಞಾನತ್‌ರ ಪಡಿಮ 18:12

ನಾಶ ಬಪ್ಪಕ್‌ ಮಿಂಞ ಬಲ್ಯರಿಕೆ ಬಪ್ಪ; ತಗ್ಗಿತ್‌ ನಡ್‌ಪ್ಪದ್‌ ಗನಪಡ್‌ವಕ್‌ ಮಾಡುವ.

ಜ್ಞಾನತ್‌ರ ಪಡಿಮ 29:23

ಮನುಷ್ಯಂಡ ಆಂಗಾರ ಅಂವೊನ ತಗ್ಗ್‌ಚಿಡುವ. ಆಚೇಂಗಿ ಮನಸ್ಸ್‌ ತಗ್ಗಿತ್‌ ಉಳ್ಳಂವೊಂಗ್‌ ಗೌರವ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 8:13

ಯೆಹೋವಂಗ್‌ ಪೋಡಿಚಿಡುವಯಿಂಗ ಪಾಪತ್‌ನ ದ್ವೇಷ ಮಾಡುವ. ನಾನ್‌ ಹಮ್ಮ್‌ನ, ಗರ್ವತ್‌ನ, ಕ್‍ೕಡಾನ ಬಟ್ಟೆನ, ಕಪಟ ತಕ್ಕ್‌ನ ದ್ವೇಷ ಮಾಡುವಿ.

ಮತ್ತಾಯ 26:74

ಅಕ್ಕ ಅಂವೊ: ಸತ್ಯ ಮಾಡಿತ್, ನಾಕ್ ಅಂವೊನ ಗೊತ್ತ್‌ಲ್ಲೆ, ಅನ್ನನೆ ನಾನ್ ಪೊಟ್ಟ್‌ಪರಿಯುವೇಂಗಿ ನಾಡ ಮೇಲೆ ಶಾಪ ಬರಡ್‍ೕಂದ್ ಎಣ್ಣ್‌ಚಿ, ಅಕ್ಕಣೆಕ್ ಮಲ್ಲಂಗೋಳಿ ಕೂಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:9

ಅಕ್ಕ ನಿಂಗಳ ಕಾಕ್‍ನಂವೊ ಬಂದಿತ್ ನೀನ್ ಅಳ್‌ತ ಕುರ್ಚಿನ ಇಂವೊಂಗ್ ಬುಟ್ಟ್‌ ಕೊಡ್‍ೕಂದ್ ಎಣ್ಣುವಕ, ನಿಂಗ ಞಾಣಪಟ್ಟಂಡ್ ಕಮ್ಮಿಯಾನ ಜಾಗಕ್ ಪೋಯಿತ್ ಅಳ್‍ಕಂಡು.

ರೋಮ್ 11:20

ಅಕ್ಕು, ಅಯಿಂಗಡ ಅಪನಂಬಿಕೇರಗುಂಡ್ ಅಯಿಂಗಳ ಮುರಿಚಿರ್‌ತ್. ನಿಂಗ ನಂಬಿಕೇರ ಮೂಲಕ ನಿಂದಂಡುಂಡ್; ಬಡಾಯಿ ಮಾಡತಿ, ಆಚೇಂಗಿ ಬೊತ್ತಿಯಂಡಿರಿ.

1 ತಿಮೊಥೆಯ 3:6

ಇದ್ಂಗಾಯಿತ್ ಸಬೆರ ಪೆರಿಯಂವೊ, ಕ್ರಿಸ್ತ ನಂಬಿಕೇಲ್ ಬೊಳ್ಂದಂವೊನಾಯಿತ್ ಇರಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ದುಂಬ ಹಮ್ಮ್ ಬಂದಿತ್ ಸೈತಾನಂಗ್ ಕ್‍ಟ್ಟ್‌ನ ಅದೇ ತೀರ್ಪ್ ಇಂವೊಂಗೂ ಕ್‍ಟ್ಟಿ ಪೋಪ.