ಜ್ಞಾನತ್‌ರ ಪಡಿಮ 16:17 - ಕೊಡವ ಬೈಬಲ್

¹⁷ ಸತ್ಯವಂತಯಿಂಗಡ ಬದ್‌ಕ್‌ರ ಬಟ್ಟೆ ಅಯಿಂಗಳ ಕ್‍ೕಡಿಂಜ ದೂರ ಬೆಪ್ಪ. ತಾಂಡ ಬಟ್ಟೆನ ಎಚ್ಚರಿಕೆಲ್‌ ನಡ್‌ತ್‌ವಂವೊ ತಾಂಡ ಆತ್ಮತ್‌ನ ಕಾಪಾಡಿಯೊವ.

ಜ್ಞಾನತ್‌ರ ಪಡಿಮ 16:17 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:9

ಸತ್ಯತ್‌ಲ್‌ ನಡ್‌ಪಂವೊ ಪೋಡಿಯಿಲ್ಲತೆ ನಡ್‌ಪ. ಆಚೇಂಗಿ ಕಪಟಿಯಂಗಡ ಬಟ್ಟೆಲ್‌ ನಡ್‌ಪಂವೊ ಚಿಕ್ಕಿಪೋಪ.

ಜ್ಞಾನತ್‌ರ ಪಡಿಮ 19:16

ಆಜ್ಞೆಕ್‌ ತಗ್ಗಿತ್‌ ನಡ್‌ಪಂವೊ ತಾಂಡ ಜೀವತ್‌ನ ಕಾಪಾಡುವ. ಆಚೇಂಗಿ ತಾಂಡ ಬಟ್ಟೆಲ್‌ ಎಚ್ಚರಯಿಲ್ಲತೆ ನಡ್‌ಪಂವೊ ಚತ್ತ್‌ ಪೋಪ.

ಜ್ಞಾನತ್‌ರ ಪಡಿಮ 21:23

ತಾಂಡ ಬಾಯಿನ ಪಿಂಞ ನಾವ್‌ನ ಕಾಪಂವೊ, ನಾಶತಿಂಜೆಲ್ಲ ಅಂವೊನ ಕಾಪಾಡಿಯೊವ.

ಜ್ಞಾನತ್‌ರ ಪಡಿಮ 22:5

ಕಪಟತನ ಉಳ್ಳಂವೊಂಡ ಬಟ್ಟೆಲ್‌ ದುಂಬ ಮುಳ್ಳು ಕೆಣಿಯು ಉಂಡ್. ಆಚೇಂಗಿ ತಾಂಡ ಆತ್ಮತ್‌ನ ಕಾಪಂವೊ ಅದ್‌ನೆಲ್ಲಾ ಬುಟ್ಟಿತ್‌ ದೂರ ಇಪ್ಪ.

ಜ್ಞಾನತ್‌ರ ಪಡಿಮ 4:23

ನೀಡ ಹೃದಯತ್‌ನ ಜಾಗೃತೆಲ್‌ ಚಾಯಿತೆ ಬೆಚ್ಚ; ಎನ್ನಂಗೆಣ್ಣ್‌ಚೇಂಗಿ ಅದ್‌ಂಜಲೇ ಜೀವತ್‌ರ ಎಲ್ಲಾ ವಿಜಯವು ಜಲನೀರ್‌ರನೆಕೆ ಬಪ್ಪ.

ಮತ್ತಾಯ 24:13

ಆಚೇಂಗಿ ಕಡೇಕತ್ತನೆ ಸ್ತಿರವಾಯಿತ್ ನಿಪ್ಪಂವೊಂಗ್ ರಕ್ಷಣೆ ಕ್‍ಟ್ಟುವ.

ಅಪೊಸ್ತಲ 10:35

ಅಯಿಂಗ ಏದ್ ದೇಶತ್‍ರ ಜನವಾಯಿತ್ಂಜತೇಂಗಿಯು ಆಡ್, ಆಚೇಂಗಿ ಅಯಿಂಗ ದೇವಕ್ ಬೊತ್ತಿತ್, ನೀತಿರ ಬಟ್ಟೇಲ್ ನಡ್ಂದತೇಂಗಿ ಅಂವೊ ಸ್ವೀಕಾರ ಮಾಡ್‌ವ.

ಅಪೊಸ್ತಲ 24:16

ಇದ್‍ನಗುಂಡ್, ದೇವಡ ವಿಷಯತ್‍ಲು ಮನುಷ್ಯಂಗಡ ವಿಷಯತ್‍ಲು ನಾನ್ ಕುತ್ತ ಇಲ್ಲತ ಮನಸಾಕ್ಷಿಲ್ ಇಪ್ಪಕ್ ಪ್ರಯತ್ನಪಟ್ಟಂಡುಳ್ಳ.

ಇಬ್ರಿಯ 10:39

ಆಚೇಂಗಿ ನಂಗ ದೇವನ ಬುಟ್ಟಿತ್ ಪಾಳಾಯಿ ಪೋಪಯಿಂಗ ಅಲ್ಲ, ಆತ್ಮಕ್ ರಕ್ಷಣೆ ಕ್‍ಟ್ಟುವಕಾಯಿತ್ ನಂಬಿಕೆ ಉಳ್ಳಯಿಂಗಳಾಯಿತುಂಡ್.

ಯೂದ ಒಳ್‍ದ್‍ನ ಕಾಗದ 1:21

ದೇವಡ ಪ್ರೀತಿಯಿಂಜ ನಿಂಗಳ ಕಾಪಾಡಿಯಂಡ್, ನಿತ್ಯ ಜೀವಕ್ ನಿಂಗಳ ಕೊಂಡ್ ಬಪ್ಪಕಾಯಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕರುಣೆಕ್ ಪಾರಕಾತಂಡಿರಿ.

ಯೂದ ಒಳ್‍ದ್‍ನ ಕಾಗದ 1:24

ತಾಂಡ ಮಹಿಮೆಯುಳ್ಳ ಪ್ರಸನ್ನತ್‌ಲ್ ಬಲ್ಯ ಕುಶೀಲ್ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಂಗಳ ಬೂವತನೆಕೆ ನಿಪ್ಪ್‌ಚಿಡ್‍ವಕ್ ಶಕ್ತಿಯುಳ್ಳಂವೊನು,

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.